ميلاد زوجي والعيد 2024.

مرحبا خواتي شحالكم فديتكم بما أني حامل بالثامن وكلماله تعب يزيد علي فحبيت هالشهر أفاجأ زوجي بميلاده بما أني بربي شهر 6 وبما أني بكون عند اهلي في العيد أباً اهديه هديته خاصة لميلاده والعيد انا أخذت له كل أغراض العيد ما عادا نعال وتفصيل الكنادير وخذت له تلفون الي خاطره فيه وباقي لعطور وعندي فكرة الدرع أتكون فيها صورته بس ناقصينه كلام حلو وأفكر ان يكون هالدرع هديه من بنته له ما با يكون الهديه مني له بس ما اعرف كيف تكون طريقة تقديم الهديه أبها تكون بطريقه مميزه مني ومن بنتي أباً وشو كلام الي اختاره لأَنِّي محتاره تكون هديتين بهديه

بالنسبه لطريقه تقديم الهديه ، زيني غرفه نومج او زاويه معينه تحبينها ف بيتج
حطي فيها الهدايا ويمها ورود او جي اضاءه يعني زينه باختصار
واختفي انتي وبنتج ^^ ويوم يوصل هو بيشوفها

ميدالية بصورة بنتج يتكون معاه دوم ,,, صح قديمة بس حلو تذكاري دووم وبنتج تهديها له على أساس انها هديه من طفله

وانتي عاد بهدية ريلج ادرى شوفي شو اللي يحب واختاري يوم يكون فيه فاضي وتاكدي من اليوم من عنده

والله يسعدج يارب دوووم

عن عيد الميلاد معروف حكمه لكن عن الطريقة
لما ربيت ريلي شرى لعيالي ورد مع بطاقة وكل واحد منهم مكتوب له في البطاقة الحمد الله على سلامتج يا ماما جمعت الوردات مع بعض وقالي رتبي البطايق شرات البازل من قريتها استانست

حطي الهدية داخل مجموعة ورود جذابة وحولها شموع آمنة أضواء ملونة والبطاقة اكتبي عليها :
يانور حياتنا الغالي نهديك أجمل التهاني
حبك سهرنا ليالي طيفك مايفارقنا ثواني
أنت جبلنا العالي وياك تحققت الأماني

الله يقومك بالسلامة

ان شاء الله الخوات ما بيقصرون
مخي مقبل الحين
و مبروك مقدما و تقومين بالسلامة ان شاء الله

بتربين معاي بنفس الفتره ان اءالله
الله يسهل علينا