السلام عليكم ورحمة الله وبركاته ..
شفت معلومات عن نبات الهليون ..
اظن يطبخونه ..
والي تعرف كيف ممكن نستخدمه ف الطبخ لا تبخل عليينا ..
أفادت دراسة حديثة بأن نبات الهليون يعتبر منشطاً للطاقة الجنسية، وذلك لأنه يحتوى على هرمونات ذكرية نباتية وهو مدر للبول ويفتتت الحصى والرمل، ويزيل الأملاح من الجسم وانحباس الماء.
ويحتوي الهليوم على 94 بالمئة ماء وسكر وعسل وأملاح معدنية ومغنسيوم وبوتاسيوم وفيتامين "A" وفيتامين "B2 " وفيتامين "B1"، كما أنه يعتبر من النباتات التى لها مكانتها المميزة فى العالم، والصيادلة الصينيون كانوا يحتفظون بجذور الهليون الجيدة والطازجة لأفراد عائلتهم وأصدقائهم لعقيدتهم بأنها تزيد فى أواصر التعاطف والمحبة.
وفى الهند يستعمل الهنود جذور الهليون لزيادة الخصوبة وتخفيف تشجنات الدورة الشهرية عند السيدات ولزيادة إدرار الحليب عند الأمهات المرضعات.
في لها عدة طرق أكيد ، بس ما اعرف غير شي بسيط ، ما ببخل عليكم وبقولكم
أولا : توكل كسلطه:
الطريقه :
تقصين أطراف الهيليون وتسوينها على البخار ، واذا ما عندج جدر بخار، حطي جدر ماي فيه ملح وحطي الهليون بمشخله فوقه ، خليه لين يلين
قطعيه قطع أصغر ، وضيفي له ملح وفلفل أسود أو ابيض وزيت زيتون وملح ، وكليه بالهنا والشفا…
ثانيا شوربه:
الطريقه :
1- تقطعين الأطراف وتنظفينه ، وتقطعينه بحدون نص صبع (يعني مب قطع صغيره شرات السلطه لا شويه أكبر)
2- تحمسين شويه ثوم مفروم
3- تضيفين الهليون المقطع عشان ياخذ نكهة الثوم.
4 – تضيفين ماي لين فوق الهليوم بشويه ، يعني بحدود 2-3 سم
تخليه على النار لين يلين الهليون ويستوي .
5- ضيفي الكريمه السايله وخليها تفور شويه مب وايد.(يعني بحدود استكانين ونص) انا احط بدون قياس لأني أحب نكهة الكريمه.
6- حطي الملح والفلفل.
7- قدميها مع شرايح ليمون.
ملاحظه:
1- ممكن بدل الماي تحطين ماي الدجاج(الماي اللي مفور فيه الدجاج).
2- او ممكن تضيفين الماجي للشوبه ، طبعا قبل الكريمه ولا تحطين ملح.
أتمنى أكون أفدتج،،وأفدت خواتي
السدره
إن شاء الله الكل يستفييد ..
يزاج الله خير,,
اختي السدره تسلمين ع الوصفه
بارك الله فيكم