بما أنكم ماشاء الله عليكم موسوعة في الترحال و التجوال في الدول الاوربية حبيت أخذ رااايكم في سفرتي إلى فرنسا وسويسرا… محتاجة ترتيب لرحلتي اللي بتكون قرابة العشر أيام فهل المدة كافية للدولتين و إلا أختار وحدة ؟ و شو الدولة إللي ترشحوها لي ؟ أنا وزوجي من عشاق الطبيعة و المتاحف وفي نفس الوقت بيكونون عيالي وياي فأريد يكون لهم حظ من رحلتنا و يستانسون و إذا تشورون علي بدولة وحدة فشو الأماكن اللي أسير لها …..
أدري إنكم ما بتقصرون …..
في انتظار ردودكم ……..
في فرنسا اذا بتسكنون باريس اول يوم تشوفونها وتاخذون جولة بحرية في النهر
ويوم حق ديزني لاند وعداله اوت ليت ماركات بس ما بيكفيكم كلهم في يوم واحد كل واحد يحتاج يوم بروحه
ويوم تزورون القصر
خلي أول يوم لباريس تزورين فيه متحف اللوفر وتاخذين جولة نهرية على نهر السين
ثاني يوم تسيرين يوروديزني وتسكنين فيها 4 أيام
(ثلاث أيام للحديقة نفسها )
https://www.forum.uaewomen.net/showthread.php?t=783965
https://www.forum.uaewomen.net/showthread.php?t=783973
+ يوم تزورين فيه La Vallee Vilage اللي هو OUTLET
وفي الطابق السفلي منه اكواريوم للأسماك)
https://www.forum.uaewomen.net/showthread.php?t=783969
وبعدين عن طرق محطة القطارات تسيرون جنيف في سويسرا
https://www.forum.uaewomen.net/showthread.php?t=861879
تستقرون في جنيف وتأجرون سيارة
ومن جنيف كل يوم تسيرون مدينة من المدن القريبة وترجعون جنيف المسا
مثلا مونترو
https://www.forum.uaewomen.net/showthread.php?t=908811
ولوزيرن وايفيان وايفوار وانترلاكن وشامونيه
وآنسي (هي على الحدود بين سويسرا وفرنسا هذي لازم تزورينها يسمونها فينيسيا الفرنسية)
عدالها مدينة مائية لليهال أسمها WALIBI
^الدماني^ ما قصرتي حبيبتي و فيتي وكفيتي و الله يسر عليج أمورج مثل ما يتسرين على الناس المحتاسين شراتي