بنات اول شي اللهم لك الحمد والشكر ربيت ب سلامه 
الحمدلله
ابغي نصايحكم شو تسوون عقب الولاده من كل النواحي
شوو ندمتوا أنكم ماسويتوه في ولادتكم الاوليه؟
حبوبه اهتمـــي بأكلج واايد لانج الحينه ترضعين البيبي واي شي تاكلينه يأثر عليه ف كثري من العصاير والحليب
حاسبي ع اكلج ما يكون فيه بهارات وايد وابتعدي نهائيا عن الغازات والمنبهات لانها طبعا تأثر عالبيبي ..×
شربي حلبه ممكن تنقعينها مع حليب او مع عسل تزيد حلببج والحبه الحمرا تنضف الرحم وترده لمكانه الطبيعي بعد ..×
اهتمـــي ببطنج اكيد بيكون مترهل عقب الولاده لا تتريين على طول استخدمي شي يناسبج عشان يرد بطنج طبيعي ..×
اذا سوولج خياطه يوميا استخدمي الماي الحار والملح مدة ما تقل عن ربع ساعه بيلتأم الجرح بسرعه ويتنضف بعد ..×
نصييييحه لا تخلين حليب بصدرج يووميا فضيه حتى لو ما رضعه ولدج كله شفطيه بالشفاطه وعطيه اياه عقب لانه
اذا تم بصدرج ممكن يتجمد ويسويلج حمه ويلعوزج لا سمح الله ..×
وامممم شووو بعد ,,,…؟؟
هيه لا تتحركين وايد بتتعبين لااازم ترتاحين وكل شي اييج لين عندج هههه
هذا اللي اتذكره حاليا وان شاء الله البنات ما بيقصرون بعد وربي يحفظج ماماه ويحفظلج البيبي ..×
فديتج مثل ما قالت لج الاخت كفت وفت يزاها الله خير اهتمي بأكلج وتحملي تشربي شاي وقهوه لأنها منبهات وتضر الياهل وتسهره اشربي حلبه والحبه الحمرا ( الثفة) عطي ظهرج وبطنج الدفايه وحطي الحصا على بطنج بعد ما تحرينه ولا تتحركين وااايد ولا تشربي اشياء بارده تحملي تاكلي همبا ولا جوافه تراه يسبب ريح ايلسي ماي وملح ويستحسن يكون حار للطهاره الشخصيه وهاللي اذكره تسلمين الغلا
ومبروك عليكم البيبي ويتربا في عزكم