نفسيتي تعبت خلالالاص :( 2024.

سويت فحص دم عشان الحمل اليوم

وكنت كالعاده متفائله واحاول اعطي نفسي امل

واحلم واخطط كيف بفاجا اهلي وريلي بالخبر

بس للأسف طلع سالب يعني مافي حمل

تحطم الحلم وتلاشى جدام عيني وتحطمت وياه

تعبت وربي تعبت من هالحاله

وطلعت اصيح صياح لين وصلت البيت

قلت ياربي وين الغلط وليش ؟؟

حسيت بغصه وحرقه في قلبي ما تتصورونها

لي متى بتم جي تعبت خلاص

استغفرك ربي ها عقاب ولا شو

وين الغلط وليش خاطري اعرف

انا بنفجر مب مستحمله

اه تعبت من كل شي
ماخليت شي ما سويته

شو اللي ناقص وين الخلل

ابي اعرف

حبايبي انا كنت نفس الشي
بس طنشت وسويت عمري ولا مهتمه …. وقلت اتهنا بعمري شوي وادلعها …
وبعد فتره تميت اتصدق من غير سبب و بسبب …يعني ما احط شي معين فبالي… كل شي وعلى فكره تصدقو عن ازواجكم …. والله ما كملت 3 شهور الا وانا الحمد الله …… ما شاء الله لا اللاه الا الله ….
والصدقه تطفي النار وترزق العبد سبحان الله….
ولا فقدت الامل ولا قلت الكلام اللي انتن تقولنه ….. يعني حسن الظن بالله … يكون قوي وبتفائل ….
وحطي فبالج ان الله بيعطيج وان كل تأخيره فيها خيره …. والله سبحانه يعطي العبد على قد نيته …. وخلو نياتكم صااااااااااااادقه …

والله الموفق

بنات خلن املكن في الله كبير هو مايخيب ظنكم فيه ان شاء الله عليكم بالدعاء ان الله يحب العبد اللحوح يعني اليدعي الله كثير ويطلب كل دقيقه منه وقولوا ربي لاتذرني فردا وانت خير الوارثين هذه الايه ليها سحرها وكل شي خير بالنسبة ليكم ويارب يرزقكم الذريه التفرحون بيها والسموحه منكم

كثري الاستغفار

حبيبتي …………………… إن الله يؤخر أمنياتنا و لكن لاينساها

انتي مؤمنه بالله ومايضعف وييأس الا اللي إيمانه بالله ضعيف … وانتي ايمانك قوي لاتخلي الشيطان يدخل لك بمداخل ثانيه .. تفائلي … ولعل بالأمر خيره لك وهالشي كله تكفير ذنوب وتأكدي ان كل شي بأجره … ولاتنسي قوله تعالى ان الله من الصابرين ..
الله يرزقك يارب الحمل السليم المعافى ويفرح قلوبكم عاجلا غير آجل يارب ….وجميع اخواتي المحرومات …