خواتي الموضوعو باين من العنوان
أنا ولدي بيكمل شهرين ولحين مايحب يرقد في سريره وايد ومرات اكون فليل هلكانه فارقده عدالي بس انتبه له وحتى احس يوم ارضعه اسهل لي يوم اكون تعبانه ماروح لين سريره وايبه
أنا ولدي بيكمل شهرين ولحين مايحب يرقد في سريره وايد ومرات اكون فليل هلكانه فارقده عدالي بس انتبه له وحتى احس يوم ارضعه اسهل لي يوم اكون تعبانه ماروح لين سريره وايبه
المشكله ماريده يتعود اباه يرقد في سريره منو شراتي وشو الحل ؟ ومتى الياهل يبدى ينتظم نومه جربت سوالف اصناعي والشاي فليل اعطيه عشان يرقد ولو رقد مايطل عن نص ساعه ويوم عدالي عادي يرقد ل3 ساعات ومرتاح ماايصيح
هههههه عيل انا شو بتقولي ملعوزتني هالبنت عمرها 8شهور وترقد عندي ماتحب ترقد بسريرها ماينقص عليها واذا راقده احطها بسريرها اتحس وتقوم ومن ارقدها عدالي شحلاتها ساكته وبسابع نومه وترفس على راحتها احطها بالوسط بس بو الشباب هههه يزيغ الصراحه مره حط ايده وهو راقد على بنته صرخت وطشيت من رقادي ويبتها صوبي
فديتج الياهل من يتعود وهو صغير صعب يرقد بسريره لانه تعود عليج
انا ولدي ماعودته يرقد عدالي بس بنتي لا الغلط مني عودتها ترقد عدالي
شراتي .انا ولدي الحين عمره سنه و٩ شهور وما يرضى ينام في سريره يتم يبكي فما استحمل اروح اشله وارقده صوبي جربت كل الطرق وياه ما شي فايده .
أنا ولدي عمره الحين شهرين ونص وأرقده عدالي فديته
قبل أربي قلت بعوده ع السرير
بس بما أني ربيت بعمليه فكان واااااايد صعب كل شوي أنش من فراشي
فاستسهلت الموضوع ورقدته عدالي
بس أوقات ينام في سريره
أعوده ع السرير يوم اكون واعيه
بالنهار أو أي وقت
وهو بالأساس تعود ع السرير من الحضانه
قبل أربي قلت بعوده ع السرير
بس بما أني ربيت بعمليه فكان واااااايد صعب كل شوي أنش من فراشي
فاستسهلت الموضوع ورقدته عدالي
بس أوقات ينام في سريره
أعوده ع السرير يوم اكون واعيه
بالنهار أو أي وقت
وهو بالأساس تعود ع السرير من الحضانه
بس أحس بلذه واستمتاع يوم أرقده عدالي
فدييييييته يكون بساااابع نومه ومتيوّد فيني فديته
مشكورات خواتي ع ردودكن هو صح يوم يكون الياهل عدالنا نحس بالحنان وحلو الشعور
مرات اخلي ولدي في الكرسي ماله واذا رقد ماشله اخليه يرقد وانسدح ع سريري أنا
ابو الشباب يغار يقولي شليه ههههه حطيه في سريره
مرات اخلي ولدي في الكرسي ماله واذا رقد ماشله اخليه يرقد وانسدح ع سريري أنا
ابو الشباب يغار يقولي شليه ههههه حطيه في سريره
نفس حالتى ولدى بيكمل التسع شهور ما يحب يرقد بسريره حاولت وياه بس ماشي فايده
حلو الشعور بحنان البيبي
بس الافضل الياهل يتعود ينام بروحة لان الام تتلعوز وياه واخاصة كل ما كبر كل ما كان اصعب و الياهل يتعود على ريحة امة
بتتعبين ف البداية من صياح ونشة بالليل لكن ترتاحين عقب ان شاء الله