ريلي اللي يحبني موت والحنون جرحني
السالفه إن ريلي في الشهور الأخيره بدأ يتأخر بدوامه وايد وكله مشغول وانا وحدي فالبيت لاعندي عيال ولاوظيفه ولايخليني اطلع زيارات يعني كأني بسجن
وبدأت اتضايق وايد الفراغ ذبحني والوحده جتلتني
ولما يرد البيت متأخر يتعشا ويشتغل في اللاب توب وبعدين ينام وانا كل يوم أعاتبه ليش يتأخر وكله بالشغل وأحيان كثيره أصيح بس هو دايما يراضيني وزوجي وايد حنون بس أنا تعبت والله وليلة العيد تأخر وااايد في الدوام وحتى يوم العيد قاعد عاللاب توب ولا فكر يطلعني إلابعد طلعة الروح وداني السينما وردينا
وبعد ماردينا قعد عاللابتوب مره ثانيه تخيلوا في العيد يسوي فيني جيه وماحس فيني وأهلي بديره ثانيه
وانا ماستحملت تميت أصيح واعاتبه واقول انت ليش تهملني وماتحس فيني أناتعبت تعبت وبعدها عطاني
كف محترم على ويهي وقال إما تتحملي ظروفي أو تردي الديره وانا اشتغل براحتي
أنا وقتها ماعرفت شو اسوي من الصدمه حسيت إني بحلم او بالأصح كابوس
مجروووحه
هل أنا غلطانه؟
ولو أناغلطانه ياترى استحق اللي سواه فيني؟
ريلي عمره ماجرحني بس
اللي سوااااه ذبحني وذبح حبي
لاتخلوني بروحي
اصبري عسى يكون خير
انتي غلطانه لانه من كلامج حسيت انج حنيتي وااايد على ريلج يعني مره وحده تكفي تعاتبينه فيها هب كل شوي وبعدين مسكين طلعج عشان خاطرج وداج السينما .. وأكيد بيزعل يوم بيشوفج تحنين مره ثانيه .!!!
يعني يمكن مشغوول او شي قدري ظرووفه ..!!!
والريال يعتبر الحرمه الحنانه نكده عشان جذي عصب عليييج .. يعني حاول تستانسين معاه حتا وهو موجود فالبيت وقاعد علااب قعدي معاه فنفس المكان شغلي التلفزيون سووولفيييي معااه اسأليه عن اي شي هاتيله شي ياكله او عصيير او ماااي اي شيي .. مو كل ما يقعد تقوليله انتع ما اطلعني ووانته ما تخليني .. خلاص مره وحده تكفي ويوم بتعاتبين لا تعاتبينه دايما بنفس الاسلوب طرشيله مسج مره ومره واجهيه …
الله يعييينج اختي ويوفقج
فديتج والله نفسيتي زفت بس مااروم اخليه بروحي ريلي مثل الياهل معتمد علي بكل شي
حرم الكتبي
أنا أحس إني حنيت عليه صدج بس والله ماقدرت أتحمل الوضع وانا ماكنت أتوقع منه ردة الفعل هذي
خصوصا ماعندي أحد وصارت فيني حاله نفسيه من الوحده والفراغ حتى دراستي الجامعيه ماقدرت أواصلها وراعيت ظروفه الماديه
من كثر الوحده قمت أحاجي نفسي والله تعبانه تعبانه ومخنوقه
جان زين يخليني أشتغل بس رافض الفكره نهائيا مايخليني احضر زواجات او زيارات يقول خايف علي ..من شو؟مادري
هاي اول مره يمد إيده علي
وانا الحين ماأكلمه
يارب فرج همي وارزقني طفل يونسني
انتي ازعلي منه ولا ترمسينه ان شاء الله بيعتذر منج و اشغلي وقتج
رتبي بيتج و نظفيه و اهتمي ف عمرج سوي لج ماسكااااات و خلطات و اشغلي وقتتتتج