بس بغيت أعرف أحسن مكان في الإمارات لعلاج هشاشة العضام
أو اللي تعرف دكتور معيين شاطر في هالمرض ….
الله يخيلكم لا تهملون موضوعي ………..وشكرا
أولا … للناس الصغار في السن لازم نعرف كيفية الوقاية من الاصابة بالمرض… نحن عافانا الله ناكل الشي الغير مفيد ونخلي الاشيا المفيده…. وأهمها الكالسيوم وفيتامين دال… بالاضافة لرياضة المشي (امي كل دكتور يشوفها يقولها امشي على الاقل 20 دقيقة يوميا) ونحن عافانا الله 5 دقايق وقلنا بس تعبنا… واهم شي تتحمل على عمرها من الطيحات… لأنه العظام تكون رقيقة ما تتحمل شي…
بالاضافة للهرمونات اللي في جسمنا… واهمها هرمونات الدوره الشهرية…
تعرفين ليش اغلب الحريم الكبار فيهم هشاشة عظام؟؟
لأنه يوم انقطعت عنهم الدوره الشهرية – (وصولهم سن اليأس رغم انه الاطباء يفضلون نسميه سن الأمل) بعد انقطاع الطمث… لم يتم صرف أدوية تعوض الهرمونات اللي فقدوها الحريم بانقطاع الدورة الشهرية… وتم النقص في الجسم يزيد يوم عن يوم… وامهاتنا ويداتنا ما عندهم علم (مالت على العلاج هنيه)
على فكرة هالمعلومة عرفتها من طبيب مصري في امريكا.. قال الغلط في بلدانا يقولون هاذيلا حريم كبار شو يبونها هرمونات وخرابيط.. واللي حتى ما عندها ريل أرملة والا مطلقة… أما في امريكا.. الأجانب يهتمون في هالنقطة لأنه العلاقات الجنسية موجودة عند شعبهم على اختلاف اعمارهم… يعني ما يرومون يقولون والله هاي كبيرة شو تباها الهرمونات.. بالاضافة إلى اسباب صحية وهي هشاشة العظام… من جيه تشوفين وحدة أكبر عن يدتج ويدتي وتربع ماشاءالله بدون عصا… وامي يحليلها ويا عصاها تطالعها وتضحك.. تقول انا وين وهذي وين ماشاءالله…
وانقطاع الطمث مب بس للي وصلوا سن اليأس بس… حتى اللي مسوية عملية استئصال الرحم أو المبيضين يؤدي للنتيجة نفسها… وعندي ربيعتي عمرها بالثلاثين وشلت الرحم يوم كنا في امريكا.. والدكتور صرف لها هرمونات تاخذها طول عمرها.. لأنه تعويض لهرمونات الدوره الشهرية اللي انقطعت عنها…
طبعا العلاج بالأدوية ينفع.. لأنه ممكن يسمك العظام… بس بالانتظام …
——————————————————
ادري طولت عليج…. ويمكن انتي تعرفين هالكلام كله بس زيادة الخير حق اللي ما يعرفون.
بس ترا الدكتور السيسي في مستشفى الشيخ خليفة في عجمان وااايد شاطر في العظام…
والحمدلله دولتنا موفرة العلاج المجاني .. ودكتاتره ممتازين…
لا تقولين لا ابا خاص والخاص احسن…
جربوا وسيروا… بس يوم بتسيرون اطلبوا السيسي مب حد ثاني…
بس ادويه مساعدة