بغيت أعرف إذا عملية الأنترليزك لتصحيح النظر مؤلمة وإلا لأ 000 وشو الإجراءات الوقائية بعد العملية عشان الشمس والضوء يعني لازم البس النظارة الشمسية دوم حتى في الليل ولمتى000 وبغيت مركز مظمون والسعر0 وطريقتها يعني بغيت معلومات مفصلة00
ويزاكم الله ألف خير
هلا الغالية ..
من شهرين تقريبآ ريلي سوا عملية الانتراليزك في عيادة في دبي .. في جميرا … حذال ميركاتو ..
وعند دكتور لبناني .. والعملية كلفته تقريبآ 15 ألف درهم .. وأول شي تاخدين موعد عند الدكتور للفحص وياخدون 300 درهم .. وعقب يقرر الدكتور اذا كانت العملية أوكي ولا لأ ..
وأكيد يعطيج نصايح قبل العملية وبعد العملية …
وعملية الانتراليزك آمنة أكثر من الليزك والليزر .. لأنه ما فيها شرط ..
والدكتور عن تجربة وايد أوكيه .. وفاهم ..
والله يوفقج إن شاء الله ..
العمليه وايد سهله يوم تكون عند دكتور فاهم …اختي واخوي ووايدين من هلي سوها بس مب هني في مصر وما كلف شي وايدا……. وهي ساعتين وتختفي كل الاعراض بعد العمليه الله يوفقج….اوصيك اختي بالاستخاره تري ما خاب من استخار
ودي اسوي بس ابغي طبيبة شاطرة تسويلي لي
أنا سمعت أنها أحسن من الليزر والليزك لأنها ما فيها شرط وسألت عن سعرها في المستشفى الدولي اللي في دبي بجانب الميركاتو قالوا لي إنها ب 15000 درهم وعندهم زحمه وايد عليها ولازم تروحين قبلها تسوين فحص عشان يشوف الدكتور سمك القرنية عشان يقولج تناسبج ولا لأ وفي وحده أعرفه سوتها تقول تعبت في أول يوم كم ساعة بس وترى فترة التعب هذي تختلف من شخص لآخر المهم إنها ما تعدي الست ساعات ونصيحتي استخيري فما خاب من استخار
هل تناسب هالعملية للي عندهم حالة الاستجماتزم ؟؟؟
مشكورين على الرد وجزاكن الله ألف خير 000