خواتي ابا مشورتكم
انا عمري 34 من فتره تقدم لي مطلق
بغض النظر عن اسباب طلاقه وعن اوضاعه
انا يوم تقدم لي ما يهمني اي شي فيه بس يوم سالو عنه طلع اوكي تمام مافي شي يعيبه بس مطلق
لا تقولون لي كبيره ولازم تاخذين معرس ولا مطلق انا صبرت وااااايد
واستخرت فيه ما ادري بس احس اني مب مرتاحه له واااااااااااايد متخوفه
المشكله هني هلي يبون يدزوني باي طريقه يمكن يخافون اني اعنس
والله يعلم شكثر محتاااااااااااااجه اعرس اليوم قبل باجر اوضاعي كلش مب شي واهلي كلن مشغول بحاله كله يالسه بروحي لا انيس ولا ونيس
بعدين انا يوم عمري 26 ملجت على واحد خفت اعنس ويضيع عمري بلا زواج واستعيلت وعقب اكتشفت اني غلطت غلطة عمري يوم اني وافقت عليه طلع انسان فاسق اللهم عافنا وفكيت الملجه
مع ان الي تقدمو لي قبله الف مره احسن عنه بس كنت استخير بعد
يعني وايد خرب علي لو صبرت شوي مب احسن لي من اني خربت على عمري وقتها
والمصيبه اللحين كلهم يقولون لي كلمه وحده انتي بعد هذا ما احد بيتقدم لج
انا خايفه من هالكلمه صدق
وخايفه بعد هالعمر كله والصبر كله اخذه ونفس الشي اتطلق ولا يرد زوجته الاوليه بصراحه تعبت وااااااايد من هالسالفه
ضاع عمري كله بالتفكير والهم تعبببببببببببببببببببببت خلاص
مافيني بعد هالعمر كله اصير مطلقه او ابتلي
يارب ارحمني برحمتك
انا مب رافضة فكره انه مطلق انا خايفه من تكرار تجربة الطلاق معاي ولاني مرييت فيها صعبه ما اتحمل
بس للبنات الي يردون يكتبون مافيها شي مطلق يختي مافيها شي ادري بس مب مشكلتي في طلاقه
مشكلتي في استخارتي وخوفي من هالتجربة صعببببببببببببه وايد علي
مافيني بعد هالعمر كله بعد اعرس وعقب اتطلق صعبببببببببببببه واي ما اتحمل اكثر من جيهيارب ارحمني برحمتك يارب
وماعليج من ضغوطات اهلج مهما كان هم يبولج الخير بعد انتي حاولي تفهمينهم وتقوليلهم مابا اخذ واحد وانا مب مرتاحتله وباجر اييكم مطلقه وبعيالي وفهميهم انج صليتي استخاره ومارتحتي
والله انا برايي اتمين في بيت اهلج ولاتبلين عمرج بواحد وعقب تطلقين ولاتبتلشين فيه
والله يوفقج يارب ويرزقج بولد الحلال
الزواج علاقه بين اثنين مالها اطراف ثالثه..
دامج استخرتي ربج مافي احسن من هالشي
في ناس استغفر الله تشوف هالشي خزعبلات او مايؤمنون به
ماجنه احنه مسلمين واهم شي الاستخاره مو بس
في الزواج في كل امورنا..
وماخاب من استخار وماعليج من احد
حتى لو عنستي ترى هذا نصيبج
لو الله كاتب عليج تعيشين عانس
بتعيشين عانس حتى لو عرستي ع عشره
خلج متوكله ع ربج وايد حريم عرسوا بعمر اكبر بعد
اكيد حلاته من وقت ومافي وحده ماتتمنى هالشي
بس تتمناه مع ريال زين مو اي كلام
وربي يرزقج الزوج اللي يعوضج كل اللي فاتج
ويكون الزوج الصالح وقرة عينج وتكونين له قرة عينه..
غاليتي
أول شي ^_^
دامج استخرتي فكوني على ثقـة ان رب العالمين ما بيخبــج
وحتى لو حسيتي باي شي لإن مرات الشيطان يكون يوسوس لج
اتوكلي على الله في الزيجـة وإذا هالريال فيه خيرة حقج بتم
إذا لا الأمور بتتفكك بروحها 
ومحد يقدر يغصبج
بالأول والأخير الزواج قرار راجع لج ^_^
إستشارة الأهل مافيها شي وتسمعين رايهم مب مشكلـة ^_*
بس بالأخير هذي حياتــج والزواج مب لعبـة
لازم الوحدة تقدم عليه وهي مطمئنـة ومستعدة ^_^
وربي يقدم لج الي فيه الخير