" واهني البال "
واهني البال من حبه
وناهب ٍ عقله وقلبه
متعوب قلبي ومتألم .. ويمر جنبي ولا يسلم
قاسي ولا يخاف من ربه
,
ما درى باللي فيني
وإنه بوسط عيني
ساكن ويتمخطر .. وبدمعة عيوني تعطر
وتفداه فرحة سنيني
,
واهني اللي صفاته
كاملة وزايد حلاته
ما توفيه القصايد .. وللمها والريم قايد
وأعذب الشهد بشفاته
,
أعشقه غصب عن أمه
وغصب عليها بضمه
وبسكر بريحة عبيره .. والتحف خصلة حريره
لين في دمي أشمه
,
أعشق حروف اسمه
ومتيـّم بزينه ورسمه
حبه الخافق حبيبي .. دنيني , كلي , نصيبي
لكن هالحب قسمة
