ولدي ما أتحرك من الصبح ليكون فيه شي 2024.

السلام عليكم خواتي

شخباركم

أنا الحين فآخر السابع فالأسبوع 29

قبل ساعتين رديت من العياده والحمدلله كل شي تمام بس ليش ما يتحرك ما حسيت فيه من الصبح ولا ما كنت منتبهه

خواتي هل الحركه تقل فهالفتره من الحمل

قبل كمن شهر الدكتوره قالتلي أن حركة الجنين تكون نشيطه ما بين نص الخامس لين الأسبوع 28

يعني نص السابع

هل هالشي صحيح ؟؟؟

هل حسيتو أن حركة الجنين قلت فالسابع والثامن والتاسع ؟؟؟

ويزاكم الله خير

ما عليه شر بإذن الله اشربي عصير وبعدين نامي على جنبج اليسار وحركي يديج على بطنج شوي شوي لين يتحرك

هلا الغالية
عادي يستوي انه ما يتحرك ….وممكن تحرك حركة وايد خفيفه و ما حسيتيبها
ربي يحفظ الياهل من كل شر ويسهل عليج يا رب

أذكري الله لاتخلين الشيطان يوسوس عليج
المسكين ما خذ قيلوله
أنا في أخر السابع بس في الأسبوع الواحد والثلاثين
وما شاء الله عندي الياهل حرج طول اليوم وهذاك اليوم خذ قيلوله محترمه وطول فيها
وأول مره ما يتحرك بس أتوقعت أنه مقيل شوي فاخليته على راحته
بالنسبه لحركة الياهل بتبتدي تقل لانه بسم الله عليهم يكبرون وما تكون عندهم مساحه كافيه يلعبون فيها
مثل الشهر السادس والسابع .
الله يتمم عليج وعلينا الحمل أن شاء الله .

حبوبة انا مرات أحرك بطني على الخفيف لو ماحسيت بحركة البيبي،، يمكن يكون نايم،،
واتريا شوي،، بعدين احس البيبي يرجع يتحرك،،

ما عليه شر ان شاء الله

لاتخافين حبيبتي أنا مثلج فالسابع مااحس به

مب الا يوم واحد

بس مثل ماقالن لج البنات كلي شي ورقدي على جنبج اليسار وبيتحرك بإذن الله

يمكن يوعان ^^