وين أفتح ملفي عشان الولاده . مستشفى الوصل . أومستشفى خاص . محتاره أفيدوووووني 2024.

السلام عليكم ورحمة الله وبركاته

شخباركم يالغاليات

بعد ما شفت موضوع مستشفيات الولاده والأسعار المثبت فالركن أحترت شو أختار

يعني الولاده كلها على بعضها مب أكثر عن اسبوع

هل يستاهل أني أسير مستشفى خاص وأدفع قريب 10000 ويمكن أكثر ؟؟؟؟؟؟؟؟؟؟؟؟؟؟؟

هل الخياطه المعامله الغرف الدكاتره ………….. ألخ غير فالمستشفيات الخاصه ؟؟؟؟؟؟؟؟؟؟؟؟؟؟؟

شووووو رايكم

الوصل ولا مستشفى خاااااااص ؟؟؟؟؟؟؟؟؟؟؟؟؟؟؟

وإذا خاص أي واحد فيهم ؟؟؟؟؟؟؟؟؟؟؟؟؟؟؟؟؟

ويزاكم الله خير

اللة يسهل عليك الولادة أنا أنصحج بمستشفى الوصل ولا تنسين أخوات لك محرومات من الذرية وقت الولادة

أنا عن نفسي ما أولدالا في الوصل عارفين لحالتي وهو مستشفى متخصص للأطفال والولادة، وبالنسبة لمعاملتهم انا اشوفها اوكي والحمدالله حكومتنا ما مقصرة موفره لنا كل شي وبدون ما ندفع ولا فلس، والوحده حزت الولادة ما تعرف شو بيصير لها يمكن انتي حاطه ميزانيتج 10000 وبعدين مثلا صار اكثر وتتوهقين.

وان شاء الله بعد هالمرة بربي عندهم بعد شهرين. بس اذا انتي اول مرة بتسجلين عندهم طلبي تكونين في التيم رقم 1 تبع الاستشارية جوزفين وماري جون وايد اوكيز

ضبوي

آمييييييين عزيزتي تسلمين عالمرور الطيب

ريد روز

هيه والله أنا بعد فكرت بهالطريقه وإلا هو كمن يوم وبطلع ما يباله مستشفى خاص

ويزاج الله خير على ذكر تجربتج مع التيم تسلمين

يزااااااااج الله خير حبوبه

طمنتيني

الحمدلله على سلامتج وسلامة البيبي

انا فاتحه ملف في الوصل وان شاء الله بربي عندهم

في بداية الشهور من الحمل كنت وااايد محتاره ومتررده بين الخاص والوصل

بس الحين الحمدالله استقريت ع الوصل .. لأن الحكومه ما مقصره الصراحه وموفره احدث التقنيات في هالمستشفى

واكتشفت من فتره قصيره ان الخاص بيولدونج وبيهتمون فيج وفي البيبي بس في حالة استوت مضاعفات لا سمح الله مايقدرون يسوولج شي ولا عندهم الامكانيات انهم يعالجون المضاعفات هاي وبيحولونج ع الحكومي .. عشان جي الوحده تتفادى هالمواقف ومن البدايه اتسير الحكومي ..

والله يسهل الغاليه ..