الجماع بعد الولاده الثالثه 2024.

مرحبا خواتي …سؤالي محرج شوي بس اسمحولي…
انا نفاس لي اسبوعين وهاي ثالث ولاده لي ( الله يحفظ لي عيالي وعيالكن يارب)… وفي هالولاده تم شق العجان اول مرة لان ولاداتي القبليات بدون شق … وطبعا سوولي خياطه مستشفى الكورنيش بس الحين لمن انظف المنطقه مب راضيه ابدا عن شغلهم مبين التوسع وخياط مب مضبوطه حتى رحت لدكتورة بمركز خاص اكدت لي ان ما تم اي ترميم للمهبل من شد وترتيب
بس قالت لي لا اتضايجين عمرج الاربعين كفيل يعيد كل شي لمكانه والتجربة خير برهان ان حسيت انا او زوجي بالتوسع ارجع عندها اسوي تجميل
ابا تجاربكن للي ربت 3 طبيعي هل حسيتي بالتوسع ؟
والله الموضوع وايد مضايقني خاصه وان لاسمح الله احتجت لعمليه مب متفيجه توني افتكيت من خياطه العجان وشفت الويل من الم والتهابات
ومشكورات

اختي مبروك ماياج انا مثلج ربيت بالثالث من شهرين والحمدالله كل شي تمام كنت مثلج خايفه لان ثالث ولاده اشوي بتحسين انج متوسعه بس الحمدالله انا كنت محافظه ع نفسي وايد يعني كنت اشرب الحليب فيه رشه الفلفل والزنجبيل غير اني ايلس شوي ف ماي وملح كنوع مطهر طبعا بدت اخر 10 ايام لان ماريد أخرب المنطقه من تحت بالمااي اتري انتي شوي واهم شي عندج تمارين كيجل هي اللي تفيد سوي استرش بجسمج كامل وركزي ع تمرين كيجل. المهم اشتري غسول بيتادين اللي اتحطين داخل دش مهبلي ينظف ويطرد الروائح والافرازات لاتهمين عزيزتي انا كنت شراتج واموري طيبه الآن قواج الله

التوسع شي لابد منه مستحيل وحدة اتربي واتييب كم ياهل والامور اتم مثل ماكانت لااازم بيكون في فرق غير ان اللي امسوين لها خياطة ترا الخياطة تتبطل والمكان كله على بعضه يتكركب آسفة على هاللفظ ..

نصيحتي لج انج اتيبين عيالج وحزة ما بتوقفين خلفة سوي عملية ترميم وتضويق واي شي يخص الاهتمام بالمكان وايرده مثل ماكان او جريب مما كان عليه .. وهاي ضريبة الامومة والابوة مثل ما الريال يبا عيال لازم بيتحمل التغيرات اللي اتصير للام والام نفس الشي ..

للرفع

هده الامور طبيعية الغالية لا تفكرين

انا ربيت مرتين و احس بتوسع و افكر اسوي تجميل بعد ما اربي الحين
بعد وين انتي مربية 3 مرات ؟؟؟؟؟؟؟؟؟؟؟؟

اختي توكلي و سوي تجميل لان فعلا مستشفياتنا ما يراعون نفسية المراة
المفروض يخيطون المنطقة عدل و يرتبونه و هذا الفرق بينهم و بين المستشفيات الاوروبية و الامريكية برى البلاد
دوري ع مكان مضمون يسون لج تجميل

و هاي ضريبة الامومة و نصيحة سوي ولا تاجلين الموضوع لشهور و لسنوات
مو شرط اللي تسوي تجميل لازم توقف الحمل
انا زميلتي سوت و حملت بعد سنتين و عادي جدا و طبيعي

قولوا ما شاء الله

هلا اختي

انا مربية 7 مرات طبيعي وفي كل مرت شق العجان بس ما احس بالتوسع ابدا

من مجرد اربي امارس تمارين كيجل باستمرار باستمرار

من اول يوم ولادتي

يوم راقدة ومنسدحة وارضع وطالع التلفزيون واستقبل ضيوفي

انا امارسها خاصة اول شهرين بعد الولادة

وانا الحين اخر ولادتي من سنة ونص بعدني مستمره عليها

لا تحاتين يمكن تحسين بالتوسع بالبداية بس خلال 6 اشهر كل شي يرجع طبيعي

عمليات التجميل والترميم كل حد بيدلك عليها والدكتورة هي الادر اذا كنتي تحتاجي لها