السلام عليكم امهات الامارات السبع حبيت اطرح موضوع عن المدارس الخاصة والمدارس الحكومية من فترة اتيمعت العايله وكنا نرمس نحن الامهات عن المدارس طبعا امهات الحكومي يدحون التدريس والتاسيس وامهات الخاص يمدحون الخاص شو رايكن منو احسن في تاسيس الطلاب بالعربي والانجليزي هل الامهات تثق بالمدارس الحكومية بتدريس عيالهن او تفضل تاسيس الخاص خلونا نشوف ونستفيد من بعض انا من رايي المدارس الخاصة كاااااانت افضل سابقا الحين المدارس همها ترفع الاقساط وتاسيس ع الماشي والي اشوفه من عيال العائله كل المتفوقين في المدارس الحكومية عندهم قوة في الاستنتاج وقوة في التعبير وقوة في النحو وفي التربية الاسلامية عكس الخاص تلقاه يمشي عمره بالانجيزي بس ميححححح في العربي حروف الجر مايعرف وميححح اكثر بالاسلامية انا من رايي المدارس الحكومية واااايد تهتم بالطلاب اكثر عن الخاص انتووووو شو رايكم ؟؟؟؟؟؟؟؟؟؟؟
عيالي كلهم في الحكومز، في النموذجي، يعتمد على ادارة المدرسة والمدرسات وكيف متابعتج مع عيالج في نهاية الامر، لكن المنهج ممتاز، وعيالي بيرفكت في الانجليزي الرياضيات والعلوم، واخر مادتين يتدرسون بالانجليزي، واقوياء في العربي والدين والتربية الوطنية، والحلو في المدارس الحكومية قامت اتوعي الطلبة واتركز عليهم في موضوع القراءة، شوفي عزيزتي المدارس الخاصة بعد ممتاز لكن صار موضوعها ربحي وعبالة كل سنة صار التسجيل هاجس للكل، أول يوم التسجيل يقولوج خلاص سكرنا فل ما عندنا مكان، اتضاربي واواجعي عسب اتدخلينهم مدرسة معينة وخلاف اتحولينهم مدرسة ما منها فايدةـ والله يعينج
