شحالكن .؟؟ ربكن بخيييير <<< كلن في حاله .
ونبتدي رحله العمر الى لندن …
فالبدايه كانت السفره في تاريخ 277 يوم الاحد وكنا عباره عن 6 اشخاص عائلتين انا وريلي وولديه الصغير اللي طفربي هه والعايله الثانيه اميه وابويه وختيه ..
المهم
ع الساعه 11 الصبح توجهنا صوب مطار بوظبي و ع الساعه 1:30 طارت الطيارة ع طيران الاتحاد المهم.. و طيران الاتحاد ماعليه كلام بس المشكله ولديه لعوزني ترى مايريد يتقيد و حشرني كله صيااح والحمدلله عدت ع خير .
وصلنا مطار (هيثرو) الساعه 5 مساء بتوقيت لندن ونحن فالامارات عنا الساعه 8مساء وهاي اول صوره للمطاار ..
وسكنا في (اد جول رود) وهالمنطقه كلها عرب وخاصه خليجيين .. وقبل وصولنا خو ريلي حجزلنا في (اولد ماري ليبون رود) والحلو في هالمنطقه كلها عرب واسواق ومطاعم عربيه يعني حلااااال ,, وبخليكم مع الصوور للمنطقه ..
وبعد ماريحنا نزلنا الشنط فالشقه وطلعنا فاليوم الثاني ,, وروحنا اول شي صوب (الهايد بارك) روحنا الها مشي لانها قريب واايد من السكن وهي حديقه معرووفه في لندن فيها بحيرات صناعيه كثيره ومنها بحيره البط وبحيرة الزوارق
وفيها عرب وااااايد وناس تشل معاها قشارها وجاي وقوه وتبسط 6 او 7 ساعات فيها والجو رهييب ومطر وبخليكم مع الصوور .. ^_^
يتبــــــــع
وهااااي الافته موجوده في كل زاويه في الحديقه …
يتبـــع
اتركم مع الصوور
وهااي صوب بحيرة الزوارق وانا ركبت لي زورق مع ريلي وطبعا الحشري
ولديه اللي صااح وماسكت …
والسموحه منكم باجر بكمل الصووور لانهاا واايد ولاتروحون بعيد تابعونا ههههه
وتريوو هاروودز و برايتون و بيكادلي و ريجنت بارك و السي لايف
يتبع
حلووووووة الصور …
وما نبي نرد عشان ما نخرب التقرير ينزل كامل احلى …
وياليت تصغرين الصور بيكون الموضوع ارتب …
لا تزعلين فديتج ؛ ان شاء الله كل البنات بيتفاعلن وياج بس هالحزه معظمهن رقود لوول
الصراحه تقرير رائع و صور جميلة بس يا ليت تصغرين حجم الصور عسب نقدر نتصفح الموضوع بسهوله =)
واصلي و انا متابعه وياج للنهايه ^_*
