خواتي حابه أستشيركم في موضوعي
انا معرسه من 3 شهور..وساكنه في بيت بروحي..
وريلي دوامه طويل يطلع من 8 ويرد 4العصر
وعقب المغرب يروح الجامعه ليين الساعه 10 في الليل
يعني طول اليوم انا بروووحي
خلاص اتعب نفسيا وانا بروحي..مب متعوده جي..قبل كنت اداوم بس من يوم عرست قالي ما أبيج تداومين الا اذا مكان كله حريم لأنه يغار..أنا أقدر ألاقي دوام بسرعه باذن الله بس كله فيه اختلاط..فيأست من فكرة الدوام..
قلت بسير نادي أقظي وقتي بس أنا من دبي وألحين يديده في الشارجه و مووول ما اعرف عنها شي..
واهله في بوظبي يعني بعيد عني وحتى زياراتهم تكون في الويك اند بس..وطول الأسبوع انا متضايقه.وأسير احيانا عند أهلي.
وايد أظيق بروحي وأنقهر من وقتي اللي يروح بدون فايده
من بعد صلاة الفجر ما أرقد حتى لما ريلي يروح الدوام خلاص ماييني رقاد
وكل هالوقت يمر علي ثجيييييل
أنا اجتماعيه وما أتحمل هالوحده..والانسان بطبعه اجتماعي
شوري علي يا بنات كيف أقدر أقظي وقتي في شي مفيد؟؟؟؟
جزاكم الله خير
شو رايج انتي بعد اتكملين درآستج
وبهالطريقة بتنشغلين ببروجكـتآتج وبتعرفين الامـآكن وبتلقين وظيفة ان شاء الله
واسألي عن احسن المكتباات في الشاارجه عااصمه الثقاافه واقري ^_^
ومع الوقت بدبرين عمرج وبتتيسر الامور ان شااء الله مع الاستغفاار فديتج
الله يسعدج ويرزقج الذريه الصاالحه يااارب
لو عنـدج ثانويـه خذي الباجلر ,, ولو عندج الباجلـر خذي المـآستر ^^
اما لو محصلـه الاثنين وماتقدرين تقدمين ع الدكتوراه ف اخذيلج دورااات ف الطبخ والخياطه العبي رياضه اخذي دورات تثقيفيه مثل فن الاتيكيت اسرار الحياة الزوجية كيف تكون مشروعك الخاص … والخ
كل هذا بتلاقيـــنه ف نـآدي سيـدات الشـآرجه ^^
انا احب هالسـوآالف ولو جربتـي بتستانسين ,, وهـم ريلج اتوقـع ما بيعترض لانه مكاان حريمـي والله والجو فيـه ونااسـه ^^
وبهالطريقـه بتكونين قضيتي وقتـج ف شي حلو و مفيد واكتسبتـي خبرة + شهاده + تعرفتـي ع ناس ^^
آلله يوفجج ختيـه ويسهـل امرج
اختج ف الله
وماشاء الله الشارقـة فيها بعد دروس تحفيظ القرآن في كل مكان
والمراكز الثقافية والتعليمية فيها مميزة
وبعد نادي سيدات كلباء صراحـة دوراتهم رائعـــــــــــــــة
وربي يوفقج لكل خير ^^
