خواتي العزيزات
ولدي عنده مقابلة شخصية يوم الخميس في المدرسة النموذجية
فابغي اعرف شو نوعية الاسئلة اللي بيسالونه اياه
للعمل هو سادس طالع لسابع 
ارجوكم لاتطنشوني يا امهاااااااااااااااااااااات
المتميزات حياكن في مواضيعي
اختي عالية الغالية … فديتج لا اتحاتين ترا الموضوع سهل … بنتي يوم وديتها النموذجية ما سألوها شي بس يمتحنونهم عربي ورياضيات وانجليزي .. شرات تحديد مستوى … وما يدخلونج انتي معاه ،، انتي تنتظرين في استراحه وين المديرة والصغيرون يشلونه يودونه المكتبة او غرفة الامتحان .. وحسب اقوال بنتي ههههه 
الامتحان سهل جدا جدا جدا …. وتذكر سألوها كم عمرج؟ واي مدرسه كنتي قبل؟ شو اسمج؟ وبس
وبالتوفيق ان شاء الله ينقبل الكتوت مالنا
الامتحان سهل بالنسبة للي طالعين للصف الأول
بس الصفوف اللي أعلى
أسئلتهم أصعب
و الله يعينج
لأن بنتي وديتها واتفلسفوا علي
وأونها ما حلت شي
بس عندهم الواسطة تلعب دور كبير
المشاركة الأصلية كتبت بواسطة دوده ومحوشه 
الامتحان سهل بالنسبة للي طالعين للصف الأول
بس الصفوف اللي أعلى
أسئلتهم أصعب
و الله يعينج
لأن بنتي وديتها واتفلسفوا علي
وأونها ما حلت شي
بس عندهم الواسطة تلعب دور كبير
السلام عليكم …
اسمحيلي فديتج ما وضحت من اول … بنتي الله يخليها خلصت ثالث اعدادي وطالعة صف اول ثانوي..
وانا يوم دخلتها النموذجية كانت في الصف السادس ،، والامتحان مثل ما قلت كان سهل .. اذا الطالب فاهم اكيد بيحل لأنه الاسئلة اتكون عبارة عن مراجعة للصف الي انتقل منه يعني مب شي يديد ولا صعب !!!
وعن اخر سطر حبيت اقولج يالغالية .. انا ما أيد رأيج لأن انا اختي دخلت 4 من عيالها النموذجية بدون واسطه .. وانا دخلت بنتي النموذجية بدون واسطه الحمدلله ..
عن نفسي احس ما تطلع حلوة اذا حاولنا انسوي شي وما صار او انرفض نختم على الموضوع طابع "الواسطة"
ترا في النهاية اختي العزيزة " قل لن يصيبنا الا ما كتب الله لنا"
اختي عالية انتي اخذي بالاسباب واتوكلي على الله بنتايج… وخلي ولدج يراجع رياضيات و عربي و انجليزي.. والله يوفقه
هو امتحن يوم الاثنين
وباجر مقابلة شخصية
يعني شو تتوقعون بيسألونه ؟؟؟؟؟؟؟؟؟؟
المتميزات حياكن في ملفي الشخصي
لكن بيشوفون ذكاءه شخصيته محببه او شو …
انا بنتي العام رايحه لثامن كانت امتحنوها امتحانات منهجيه بس ..
اما يوم ولدي الصغير امتحنوه وتموا يسولفون وياه عاد هو ماشاء الله ربي يحفظه عليه رميس استانسوا منه ..
يعني وضحي للولد ان يرد بلباقه ومايستحي منهم وباذن الله خير …
وانا مايد اللي يقولون واسطه والخ بعد ..
