الله يحفظه ويبارك لج فيه
واخيرا تعافى ابني من الامساك الحمد لله يا رب 2024.
الله يحفظه ويبارك لج فيه
أنا مشكلتي مع الامساك الشديد .. و مب عارفه شو أسوي.. وأخاف يستويلي بواسير في المستقبل…
اللي تعرف وسيلة طبيعيه لتليين المعده تفيدني يزاها الله خير
وبالشفا بإذن الله
هاذا اكبر غلط..
لانهااا باجر ما بتقدر تخرج الا بالمسهل.. انتي اتعودين بطنها ع المسهل..
انا بنتي نفس الشي.. الحين من 6 ايااام ما سوتهاااا.. وعمرها شهرين ونص..
ما اعطيها مسهل .. ولا شي..
بس اتقولي الوالده ان هالشي طبيعي..
واونه الماي بالتمر يخوز الامساااك عن البيبي..
ولا ماي فيه سكر نباااااااااااااات
و ممكن تمرة و يا ماي دافي بعد زين
و بعدين يمكن ما تاخذ كفايتها من الحليب يعني تاخذ اللي يكفي جسمها و ما يتم باقي يطلع …
إذا كان الاحتمال صح .. دخلي لها الحليب الصناعي وجبتين فاليوم بس مرة الضحى عشان ترقد و مرة الفليل عشان تثقل معدتها و ترقد … و شوفي إذا ما مشى بطنها …
في حالة إنج تشوفين إنه حليبج يكفيها …. إليك بالإجراءات التالية( كلها مطبقتنها ويا عيالي ) :
* عطيها ماي التمر ودني ( انقعي ) شوية تمر في ماي حار ، صليه و عطيها إياه و بإذن الله بيمشي بطنها..
* سويلها مساج بزيت زيتون دافي على بطنها بحركة دائرية مع عقارب الساعة ..
* نصحتني الدكتورة مرة بعصير الزبيب و صدق ما شاء الله ريح بنتي و مشى بطنها … المهم تودنين كم حبة زبيب في ماي حار و بعدين تضربينه فالخلاط و تصفينه و تعطينه البيبي ….و بتدعيلي إن شاء الله ..
* حاولي اطيحينها على بطنها و بتطلع الغازات و بيرتاح بطنها أو ممكن تجبينها على مخدة في وضعية مريحة عشان تطلع كل الغازات ..
* إذا كانت تعاني من الغازات عليج بالبابونج (( لا تفورينه فالماي لااا .. تغسلين شوي منه و اتحطينه في كوب و اتصبين عليه الماي الحار و اتغطين الكوب لانه فيه زيوت طيارة و هي المفيدة عقب ما يطلع لونه صليه بالمصلة و حطيله شوية شكر و أنا أفضل سكر نبات …
و الله يعافيه و يباركلج فيه..
و لأي شؤال أنا فالشوفة
واذا تبين شي طبيعي اعطيها شاي ميلوبا بالشمار
ان شاءالله ما عليه شر
واذا تبين شي طبيعي اعطيها شاي ميلوبا بالشمار
ان شاءالله ما عليه شر
بنتي عندهاااا إمساك ومب عارفه شو اعطيييها طول الليل اتصيح بليز الي تعرف شي يعطونه للياهل يسهل عليه اتخبرني
بنتي عمرها 3 اسابيع
الله يعافيها يارب
نقعيه في ماي طول اليل واليوم الثاني اطحنيه مع الماي فالخلاط وشخليه وعطيه رضعه لانه ريح بنتي وااايد الحمد لله كانت تهلك
يعطيج العافيه الغاليه … قبل شوي بغيت أكتب عن نفس الموضوع أنا ولدي كان نفس الشي وديته عند د. عبدالله الخياط وسويت له فحوصات و قالي عطيه عنب العنب وايد زين بس أحينه أعاني مع بنتي ماتروح الحمام إلا بتحاميل… لانه ولدج صغير ما ترومين تعطينه شي بس إذا ترضعينه إنتي إشربي الأشياء المسهله مثل ماي الزبيب و المشمش و العنب كثري من الماي و العصاير والسوائل .
خواتي انا بنتي بعد يومين ان شاءالله راح تكمل السنة بس عندها مشكلة من صار عمرها 7 أشهر قبضها الامساك لين الحين جربت معاها كلشي حتى الحليب غيرته عطيتها في البداية حليب نان وما ناسبها وبعدين نيرسي وما عيبها وبعدين جولدن ومن عقبها بدا الامساك معاها ورحت وعطيتها حليب نوفالاك الخاص بالامساك وما فاد والحين بعد ما مليت عطيتها حليب فريش وحليب امبرس ولا زالت المشكلة
من يومين بس صرت اعطيها ملعقة عسل مع الحبة الحمرا بس بعد ما فاد
وكل انواع الفواكه الملينه عطيتها وهذا كله تحت اشراف الطبيب
عذبتني والله من بطنها وصياحها
ناس تقولي بروحه بيروح عنها ان شاءالله بعد ما تكمل السنة وهذا يصير في معظم البنات
ساعدوني يلي عندكم تجارب
الله يعينج بصراحه
انا من يووم ماكنت صغيره بعدني مافتحت عيني فيني امساك
ويودوني الطواري في نص الليل
ولين يومج هذا بس الحين طبعا احسن من قبل يعني مب كله امساك
بروحه بيروح ماراح يفيدج اي شي
وانتبهي لاكل بنتج زين
وراح اتعبج يوم بتبتدي تمشي ويكون عمرها اربع او خمس سنين
لانها يوم ماراح تقدر تروح الحمام يعني تتعب وتهلك بروحها بتيود عمرها ويزيد الامساك عندها
يعني انتبهي لها من تشوفين ويها تغير وتحاول تحبس عمرها وديها الحمام وقوليلها اذا سويتيها بشتريلج كذا او بوديج الالعاب اي شي تحبه اغريها فيه وهي مابتقصر بتسويها
انا جي كنت كانت امي تقولي مابوديج معاي عند يدووه واسويها وروحي تطلع والله
بس يوم كبرت بديت اهتم في اكلي وجي واول مابطن ييعورني ولا شي اروح الحمام والحين مافيني امساك
الله يعينج
لاتعطينها ادويه خليها بروحه بيروح بس انتبهي لها
لو عندكم حل لولدي اكون لكم شاكرة
ريقيه كرون فليكس وعطيه عصااير واهم شي اتسوي له هالوصفه
3 تمرات صبي عليهن كوب ماي وخليه يلين اشوي عالنااروعقب حطي 3 ملاعق شوفان وخليه 10 دقاايق عالنار اخر شي اضربيه بالخلاط واكليه
بنتي عمرها شهرين ابا حل للغازاااااات والامساااااك الي عندها حل لاتبخل عليه
وضحيلي اكثر عن رضاعة الياهل وان شاء الله بفيدج اختي
اتحطين نص خاشوقه صغيره في ماي حار و اتخلينه لين ما يدفى و تشخلينه و تعطينه النونو و هي يوعانه .. و بترتاح بنتج إن شاء الله بطلع الغازات وو بيمشيها بطنها لو فيها امساك .. و خليها اختي على بطنها اشوي .. ووو تقدرين تدهنين بطنها اب زيت زيتون دافي ..
الله يسلمج يا ام وعوودي ..
انا ارضعها من صدري بس مايشبعهااااا فاضطر اني اعطيها مساعد … فاعطيها حليب سيميلاك رقم 1
والمشكله واااااااااايد تصيح وماعرف شو اسويبهاااا
تعبت معاهاااا
انفاكول حق الغازات و ترى تحت 4 شهور الغازات لا مفر منها..
و زيت دهني بطن البيبي على ما اعتقد عكس عقارب الساعه سوى ريسيرج تأكدى..
أول شي اشتري دوا اسمه Dentinox و واحد ثاني اسمه Bonnisan و شاي بابونج ميلوبا
الطريقه:
تحطين من Dentinox لين ثنين و نص ( بتكون فيه الابره في العلبه)
و خمسه ملي من Bonnisan
وملعقه و نص من شاي بابونج ميلوبا
( يخلط في ثلالثين ملي ماي دافي في المرضعه)
و صدقين بنتج بترتاح عطيها مرتين في اليوم الضحى و على المغرب ( دكتور و لدي قالي مرتين)
و من فتره اسويله و مش مضر كله اعشاب…
و الامساك:
عطيها ملعقه صغيره برتقال..