الوسم: الدكتورة

السلام عليكم بنات،،،،
طبعاً مثل مباين من العنوان الدكتورة نبيلة (الاخصائية النسائية)رجعت وكان في اشاعات انها مبتعود وفي اشاعه انها توفت الله يعطيها الصحة وطولت العمر هي انسانه يرتاح لها القلب وتملك علم والي مجربها يعرفها زين،،،،
باجر عندي موعد معاها بروح واجيبلكم التفاصيل من عنوان وارقام تليفون
وما اريد منكم الا الدعاء ،،ً

78مشاهدة ولارد ؟؟؟!مع انو أكيد الي دخلت مهتمة لانو العنوان واضح عن منو بتكلم
سبحان الله ع العموم جبت عنوان الطبيبة
عيادة دار الشفاء
ت/93617172
من 8صباحاً-1ظهراً
من5مساءً-9مساءً
العنوان/ البريمي ؛دوار المطافي
عمارة جريدة الوطن ،فوق محل الحلويات شانتيل
الطابق2شقة7

أختي من هذه الدكتورة ؟ وشو تخصصها ؟ أسمحيني بس أن دخلت علشان بس ما أعرفها ,فما كان عندي رد أو تعليق ويمكن الخوات اللي دخلن نفس الشي .

مين يبي ماسكات طين طبيعي و باروق سحري مبيض للعرسان و الي تبي تفتيح بشرتها عندنا منتوجات تونسية طبيعية كلها روووووعة كمان عندنا زيوت الارجان و الياسمين و صابون زيت زيتون يشيل الكلف و النمش و الحبوب صابون مصنع حسب التقاليد الفرنسية للتواصل 0502231090 و شكرا

الله يبشرك بالخير بس مو كانت عيادتها مقابل اسواق المها نقلت يعني لمكان تاني؟ ولازم الواحد يحجز قبل اسبوع متل اول ولاعادي يروح بنفس اليوم ؟طولت عليك السموحه

عزيزتي معروفه دكتورة نبيلة وبالاخص من بنات العين وغير مناطق لانو من عملت سيرج عنها قبل فترة شفت عنها مواضيع وايد بهالمنتدى المهم دكتورة نبيلة اخصائية نسائية شاطرة ماشاء الله عليها ودارسة اعشاب بعد ومشكورة على تواجدج ،،،

اي صح هاي عيادتها القديمة قبل لاتسافر والحين انتقلت للعنوان الي ذكرته وبعد في ناس كثير ميعرفون انهارجعت لهذا اذا تبين تكدرين تحجزين وتسيرين عدها بنفس اليوم

بنات ابا رأيكم بالدكتورة نجلاء أحمد بالمركز الطبي التخصصي في الشارقة على البحيرة
مين تعرفها شو رأيكن في خبرتها و تعاملها

مادري عنها………………

والله انا هي ولدتني فنانه كانها امج وطيبه وايدها خفيفه

الله يسر امرك

السلام عليكم
عندي استفسار مين جربت الدكتورة وثناء اللي تشتغل في كوزمسيرج العين لتأخر الحمل ؟ياليت اللي عندها تجربه معها او سمعت عنها تفيدني.

للرفع

هلا
انا عالجت عندها بعد ما سقطت ووايد ارتحتلها
وهي شاطرة كانت تشتغل في مستشفى الجيمي وعندها خبرة
تشرحلج كل شي بس لازم تاخذين موعد ودايما عندها زحمه
عالجي عندها والله يرزقج ان شاء الله

الدكتورة اسمها وسناء

مرحباـ
رحت لها استشارة وكانت دكتورة اختي لما كانت تشتغل في مستشفى العين،،
هي عندها علم وايد، واصلا استشارية,,
اتصلي ع المستشفى وخذي موعد، وشوفيهاـ
هي شاطرة وايد
والله يرزقج حياتي

انا اتعالجت عندها وحملت وارتحتلها بسس يوم حملت قامت تخورها شوي
الين ماسقطت وطلع حمل خارج الرحم وسرت الجيمي وعطوني ابرة كيماوية ><

الله يرزق كل محرومة يارب ……

بنات منو سمع او جرب هذي الدكتورة فالليزر و علاج الحبوب

ردوا علي لاني احتمال اروح عندها؟؟؟؟؟؟؟؟

شو بنات انا محتارة بين الدكتورة سميحة و كيران
شو رايكم؟؟؟؟؟؟؟

سلام عليكم حبوبات ..
منو تعرف دوام الدكتورة شيرين المسائي بمستشفى النور أي أيام و الاوقات ؟

للرفع

معقول ما حد ايراجع عند هالدكتورة ؟

(وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ )

مشكورة على المرور حبيبتي

للرفع

انا اراجع عندها

بس والله ناسيه متى اتوقع الجمعه والسبت ماتكون موجوده

شوفي انتي اتصلي عسب تاخذين الموعد وهم بيخبرونج عن اوقات دوامها المسائي

طبعاً اول يوم رمضان كان عندي موعد في العيادة اللي اتابع فيه حالة البيبي

وكنت سهرانه للسحور وتعرفون التجهيزات والاستعداد لقدوم رمضان

وراحت علي النومه للظهر ونشيت قبل الموعد بخمس دقايق ولبست على طول وطلعت

والدرب خذ 10 دقايق لين وصلت يعني وصلت متأخره تقريباً 5 دقايق او 10 دقايق

وصلت لقيت الدكتورة (ماريا) اسمها واقفة عند التسجيل تتحرطم ويا الحرمة اللي في الاستقبال

تقول اللي تتأخر تأجلون موعدها انا ما بستقبل اي متأخره واللي في الشهر التاسع سجلوها بس انا شي راجع لي اذا ادخلها او لأ

وانا واقفه اسمعها واتريا تخلص تحرطيمها <<< هذا اول يوم رمضان عفانا الله مالهم بارض

المهم خلصت الدكتورة وراحت <<< هذا خذ تقريباً ربع ساعة

وعطيت اللي في الاستقبال بطاقتي ومسكتها وقعدت ترمس فالتلفون 10 دقايق

خلصت من تلفونها دخلت رقمي وقالت لا انتي متأخره قلت لها شووو متأخره

قالتلي انتي بأي شهر قلتلها بالشهر التاسع

قالت اوكي روحي للدكتورة وتفاهمي معاها

قلت لها انتو عاطيني موعد على كيفكم وامأجلين موعدي اسبوع على كيفكم وانا ما قلت شي

وعاطيني موعد الظهر انا مابا الظهر انا دايماً اخذ الصبح يعني غلطتكم

قالت والله مادري شقولج يمكن كانت شي مشكلة في المواعيد

بس انتي سيري واتفاهمي ويا الدكتورة وان شاء الله بتدخلج <<< تباني اروح اطر منها ادخلني

المهم زوجي كان معاي ويقول لي شو السالفة شو السالفة؟؟ وانا ما حبيت اسويها مشكلة

قلتله لا نحن متأخرين اشوي والدكتورة عندها وايد بنات قبلي

المهم دخلت ادور الدكتورة بغرفتها ما لقيتها !!!!!

اتريا اتريا اتريا ماشي لا حياة لمن تنادي

اسأل الممرضات يقولولي لا الدكتورة الظاهر عندها شغل يتناقشون في موضوع مريضة

ظحكت من الخاطر على كلام الممرضه

المهم وصلت الدكتورة

دخل عليها زوجي كان متنرفز طبعاً من اسلوبها وتحرطيمها وتأخيرها عالمرضى

المهم سألها زوجي بتعالجين ولا ما بتعالجين؟؟؟؟؟؟

صارلنا ساعة نتريا ندخل عندج وانتي تتحرطمين برع وعقب تنخشين اندورج مب موجوده

قالتلي وين بطاقتج عطيتها بطاقتي قالت لا متأخره وايد ماقدر وعندي مرضى قبلج ودوامي يخلص الساعة 2

المهم كانت شي وحده معاي تقول انا مب متأخره يايه الساعة 9 موعدي وما دخلتني تقول لي متأخره وتعبانه انا محتاجه ادخل لها

كسرت خاطري انقهرت كيف يعطونا موعد الساعة 1 والدكتورة يخلص دوامها 2 وهالزحمة كلها عندها

تنرفز زوجي وقالها نحن ما عندنا سالفة اصلاً ياين نتعالج عندج انتي !! انتي دكتورة؟؟؟؟ نحن ما عندنا سالفه نتعالج عندج وطلعنا

بصراحه قهرتني الدكتوره الله يقهرها هم يأجلون موعدي اسبوع يأخروني وماقول شي

وانا بس تأخرت 10 دقايق اول مرة دايماً اييهم قبل الموعد سوولي قصة وسالفه

والله حسيت بقهر الله يقهرهم

والحين عطوني موعد من المستشفى للعيادة قلتلهم مابا اسير لعيادة قالولي لازم يتابعونج

قلتلهم شو لفايدة وهم يأخروني ويأجلون موعدي بعد اسبوع مابا موعد فالعيادة قالت لا سيري لهم لازم يتابعونج

قلت اوكي ورحت اسجل وعطوني نفس الدكتورة (ماريا) قلت والله لو ماشي دكاترة غيرها ما رحت لها

شو فايدة الوحده تدرس وتكرس نفسها للدراسة دكتوراه وطب واخر شي ينفرون منها المرضى كأنها آفه

الوحده تثبت وجودها يوم اتي المريضة تقول ابا الدكتورة فلانه مب المريضة اتي واتقول مابا هالدكتورة فااااشلة

ولا شو رايكم يابنات؟؟؟؟؟؟؟؟؟؟؟؟؟؟

هيه والله صدقتي

عاد يوم يسوون جي يقهرون الواحد من الخاااااااطر

لو هددها ريلج يشتكي عليها ابوزارة الصحه بتخاف ما بطّول السانها وتتصرف ع كيفها من بغت دخلتهم ومن ما بغت خلتهم يتريونها ..

وعاد المصيبه لو وحده تعبانه ومحتاجه اتقابل الدكتوره والدكتوره جي حالتها اسميه قهرررر ….

الله يعينج ويسهل امورج اختيه

انا مب مشكلة انا حالتي ما تاخذ دقايق يعني فحص روتيني واسأله روتينية

اللي يقول الحين هي بتسوي عملية جراحية شو الفشل اللي عم على مستشفياتنا

والقهر انها مواطنة!!!!!!!!!!!!!!!!!!! شكيت انا باسمها ماريا؟؟؟؟؟

الله يسهل عليج يالغالية خليها تنفد والبلاد متروسة دخاتر ودوريلج مكان نفسيتج ترتاح فيها أولا

والله يسهل عليج حبيبتي وتفرحين بالبيبي وادعيلي وياج الله يرزقني مثل مارزقج يارب

ماريا عادي اتكون مواطنه ههههههههههههه

تراني حاطه في بالي لو فيني بنت بسميها ماريا والا مب حلو …..؟؟

ويختيه شرات ما قالت اختيه اللي قبلي الدكاتره تارسين البلاد والله لو انا مكانج بطيح فيها طيحه ومابسير لها مرتن ثانيه

انا مشكلة سكت عنها وروحت والحين احس بقهر منها اني ما رديت عليها

انا اتابع عند الدكتورة نهلة عيادة خاصه

احسن من هال*** اللي ما ادري من وين يايبين شهاداتهم وما عندهم خبرات

ما تحشم حتى اللي في الاستقبال يالسه تتحرطم عليهم جنهم سيلانيات عندها

قهرتني ما شي اخلاق نهائياً وهذا بداية رمضان اول يوم رمضان عفانا الله

مساجن ورد خواتي

من فضلكن بغيت اسأل عن الدكتورة موزة المزروعي اللي تعالج بالحبة السودا..

حد سمع عنها ..او يعرف طريقة ممكن اتواصل فيها معها..

الموضوع جدا ضروووووري..

اللي تعرف تدلني والله يجعله في ميزان حسناتكم يااارب

ما اعرفها والله
بس خبريني شو تعالج شو الأمراض اللي تعالجها؟؟
ة

أختي اللي أعرفه أنها في كانت في المملكة العربية السعودية وكانت متوقفة عن العمل .. بس ما أعرف الحين بصراحة وين أو شو عنوانها . إن شاء الله حد يفيدج

حسب معلوماتي انها تعالج كل الامراض حتى المستعصية منها..
والعلاج يكون بمقدار معين من حبة البركة ..

بس للاسف ما عندي طريقة توصلني لها ,,

حسب معلوماتي انها تعالج كل الامراض حتى المستعصية منها..
والعلاج يكون بمقدار معين من حبة البركة ..

بس للاسف ما عرف طريقة توصلني لها..

اختي cute uae

اللي اعرفه انها تعالج كل الامراض حتى المستعصية منها..
والعلاج يكون بمقدار معين من حبة البركة..

بس للاسف ما عني طرقه توصلني لها..

اختي وجدان الفجر

ايوا سمعت هالشي انها تسكن بالمملكة ..
واتمنى اقدر اتوصل لها..مشكورة الغالية..

اكتبي اسمها في قوقل بتحصلين وايد مواضيع عنها

https://www.*********.ae/details.php?
id=22344&y=2012&article=full
https://www.*****.com/vb/a-8/a-798627/

و في مواضيع غيرها بس ما اقدر أحدهم أخاف تعتبر دعاية لمنتديات ثانية

مرحبا

*
*
*
*
*

الغوالي عندي سؤال

انا حامل فالشهر الرابع
وسرت المستشفى وسويت فحص دم وطلع الحديــــــــــــــــد عندي نااااااااااااااازل

وخوفتني الدكتورة

فشو الاكل إلي انتظم فيه كل يوم شو آآآآآآآكل عسب يرتفع عندي الحديد ؟
وبعدين انا وايد اتعب وادوخ واحس بيوع فضيع فما أعرف شو اسوي بعمري
احس اني ما آكل عدل ما أكل آكل صحي

دخيلكم بنات ساعدوني
شو الاكل إلي يزيد الحديــــــــــد عندي
وشو الاكل الصحي لازم اأأأأأأأكله دوم واغذي جنيني ؟

هلا حبيبتي الله يسهل عليج وتشوفي ظناج فحضنج عليج في الأوراق مثل الجرجير والخس والعدس في حديد وايد والسلطات إنشاء الله ماتشوفي شر

تسلمين حبيبتي

وين باجي الحرييييييييييييييييييييييييييييييييييييم

الغاليه تسحري كبده و افطري كبده بكميات كبيره .. وابتعدي عن اي شي يكسر الحديد من مشروبات غازيه و شاي .. و اشربي شوربات خضره هب جاهزه لا انتي سويها لضمان المواد الغذائيه و كثري عدس *

للرفع

تبوله وكبده
و لا تشربين البيبسي ابدا ولا الجاي او الكوفي

كثري من الخضراوات واللحوم وكلي تمر بس مو وايد وشربي برتقال او كليه وزبيب اسود وشربي الحديد

بنات الله يخليكم صديقتي بتولد بروحها فالبلد
وما في حد معاها
تبا مكان مريح و يهتمو فيها
و سمعنا انه في اماكنيعلموها كيف تتعامل مع لبيبي و معلومات عن كل شي
فهل حد ولد في مكان مريح و فعلا علموه ولا بس كلام ؟

سبحان الله الولادة تسهيل من رب العالمين …. أنا ربيت في الرحبه والحمدلله توفقت مع طاقم راقي واهتمام ورعايه…. وربيت في مستشفى نور المطار والحمدلله بعد ربي يسر أموري ….. وبالنسبة للتعليم أكيد الممرضة بتعلمها بعد الولاده بس هي تسألها شو الاشياء اللي تبغيها والدكتورة والممرضة ما بيقصرون معاها…. الحمدلله مستشفيات أبوظبي الخاصة والحكومية كلها من أرقى المستشفيات والخدمه خمس نجوم…. الله يطول بعمر الشيخ خليفة ويجزاه خير وايد مهتم بصحة المواطن والوافد في هاي البلاد …. والحمدلله نتمتع بالخدمة والرفاهية العالية والصحه الجيدة …. خلها تستخير وتتوكل على رب العالمين وتختار المستشفى الاقرب لها…. وربي يسهل عليها إن شاءالله….

خليها تولد في الكورنيش ،،، فئة ال VIP انا كنت مرتاحة عندهم حتى أنهم كانوا يلبسون بنتي. ويسبحونها

اخواتي الي ولدت و شاركت شكرا
اريد الي كتبت الفي أي بي كم كلفتج

تجربتي للكرنيش متعب جدا حطوني بروحي في الغرفة ادور و لااييون غير يوم ادق لهم و قبلها طلبت منهم الابرة و حطوا لي الابرة بايدي وقالوابناخذ منج فحص دم
نعم فحص دم عشان ابرة التخدير وقلت زين و اتريي و اتريا و لايابوا ياها ولاشي لين ماجربت الولادة وقالت مانقدر نعطيج الحين و الاكل للاسف بيض مفور و نقانق ببيض و اشتكيت بس ماشي فايده هذه في 2024 اما الحين ماعرف

اذا تروم عمصاريف الخاص ختراجع عند عفاف في عيادة هيلث بلاس وهي تولد فبرجيل
الله يسهل عليها

شو رايكن في الدكتورة عايشة بمستشفى الإمارات في العين ،

عندي التهابات و أريد دكتورة شاطرة في العين تعالجني

والله مادري عنها ان شا الله يفيدونج

بصراحه أنا سرت لها وماتعرف وين الله حاطنها

سيري لدكتوره سمر مادري سميره هي عراقيه اتصلي مستشفى النور وشوفي موعد عندهاا يمدحونهاا ..
وعندج الدكتوره ناديه والدكتوره غنوه في مستشفى الواحه ( كند ) وايد زينات ..

ماعرف عنها شئ ><

شكرا أخواتي على الردود

أريد مشاركات أكثر علشان نستفيد أكثر

ماعرف شي عنها
سيري عند فوفو ولا مستشفى الواحه