الوسم: الدماني^

ما أقول الا …..

قاصد جداكم حافي يا حلوين المشم
ولكم ضميري صافي ولغيركم ما يظم

(كلمات بابا زايد الله يرحمه)

قبل لا ندخل حبيت أبشّر اللي بيوقفون السيايير مكان بعيد وريولهم بتطيح من المشي
انه عند كل موقف في ركشات توصلكم لين باب القرية أو العكس (لين قريب سياييركم)
لاحظوا الهندي اللي محتفل بوشاح العيد الوطني

يالا نبتدي التقرير !

*** القرية الإسبانية ***

آآآآه يا زمان الوصل بالاندلس

مثل هالبوسترات …

اذا حقج … فبيطبعون اسمج على هذا البوستر الجاهز
امممممم .. مثلا :

راقصة الفلامنكو الشهيرة : ^الدماني^

واذا حق ريلج …. بيطبعون :

مصارع الثيران الشهير : بعلولها (مثلا يعني )

أكثر شي أثار أشجاني انه لافتات المحلات كأنها مكتوبة بطريقة البلاط الاسباني الشهير

عندهم AIR BRUSH TATOO

وهذا المحل …

متخصص في الأحذية الاسبانية اليدوية الصنع اللي تشتهر بها اسبانيا

وهذا المحل اللي يبيع ماركة Ria الأسبانية

للأطفال …

الأسعار تبتدي من 120 درهم

وللكبار …..(الأسعار تبتدي من 200 – 400 درهم حسب الشغل)

هذا من وحي البيئة الإماراتية : …. طيطار متخفي في الرمله

أما هذا المحل اللي يبيع منتجات فريق برشلونة …

…. حبّوه الفريخات

"بُـطـُـلْ" عصير عنب خالي من السكر ومن الكحول ..
شكل الغرشه "يسطّل" بدون شي

محل تحف برونزية وكريستالات شغل اسبانيا

ملابس …

أكثر ستايلها غجري

سلاسل واكسسوارات من الكروشيه

وفي منتجات غذائية اسبانية وايدة ..مثل التين المجفف

والبابريكا المدخّن

والغورميه فود مثل المخللات والساردين المعلّب والتونه …

وزيت الزيتون الأصلي

هذا المحل عليه اقبال …

يبيع مفارش وشالات تقليدية مطرزة يدويا (اسعارها من 500 درهم وطالع حسب نوعية الشغل)

ستاند للفرق الاسبانية الشعبية

والرقصات الإسبانية …. لاحظوا راقصة الفلامنكو بالزي التقليدي
(والشعر الغجري المجنون يسافر في كل الدنيا) مع الاعتذار لنزار قباني !

أحلى ما في القرية اللوحات اللي تصورون وياها

وهذا فنان يرسمكم بصورة كاريكاتيرية

أما هذا المحل ….

رووووعة ! يبيع زي الفلامنكو للبنوتات من كل القياسات (150 درهم)

العقود والأساور والحلق المكملين للزي …
(العقد 20 درهم ، الاسوارة 20 درهم ، الحلق 6 دراهم)

مشوط لتسريحة شعر راقصة الفلامنكو … (6 دراهم)

الشوز اللي تخبلت عليه

وطبعا ما يحلى الفلامنكو الا بالـ …….."صاجات" الاسبانية !
(الكبار 30 درهم ، الصغار 14 درهم)

ليكتمل الزي ويصبح هكذا

عندهم أشيا تذكارية ثانية مثل …

جربة ماي مصنوعة من جلد الثور (ذكرتني بأفلام الكاوبوي )

بتّه !
هيييييه يا بنات ! من يوم ما يانا السوليتير والفريسل ،
نسينا تماما وكليّة والبـَـتــَّـهْ …..

لعب البـَـتــَّـهْ !

منشفة (اتخيلي تتنشفين بثور !! )

بس اتحملي تلبسين أحمر عن ينطحج ! )

عروسة راقصة فلامنكو

وهذا شكلها وهي مبطّلة … "بو تيله" منوّر القرية !

أما السوفينير الرابح معانا الليلة فهو …..

^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^

فوطة الثور وحرمه !

ذكروني بقصيدة جديمة لفتاة العرب اسمها "ما ينام الليل" كنا نسمعها في السبعينات ، تقول فيها :

آه يا من بات مشغول الفكر *** ساهي لاهي ولا عنده شعور

"يوم خالين الفكر مثل البقر *** أنا في ليلي أجاوب للطيور"

أكثر شي ضحكني عند مدخل القرية هي هذي الورقة اللي حاطينها للتنبيه !!

الظاهر انه أكثر من حد حصّل له فـَـلـْـعـِـهْ بفعل فاعل وهو هالديكور

بقية التقرير في الصفحة التالية

تعرفون شو هذا ؟
"ميني ثوب" … يستخدم في التوزيعات أو تنحط داخله بطاقات حفلة الحنا

المشغولات الذهبية

والأجارات

الغنية عن التعريف …

وهذي لقطة من جريب عشان تتهلعون زيادة

وخلطات الأجبان

عيبتني هالخلطة : لون طبيعي للأكل عبارة عن هيل وكركم وزعفران (30 درهم)

ومشاوه
(30 درهم)

بس الخلطة البحرينية تختلف انها مضاف لها زعتر !!
اذا شفتوها مالحة شوية خففوها بالماي قبل الاستعمال.

^
^
^
^
^
^
^
^
^
^
^
^
^
^
^
^
^
^
^
^
^

العطور

حلفت يا الزينة ما فارق البحرين *** في قلبي مزروعة ومحفوظة وسط العين
اشتاق اشم العود واوله على الطيبين *** والحنا لي خطوه وإِسْوَدْ على الكفين
(كلمات الشيخ عيسى بن راشد آل خليفة)

محلات العطور والدخون عديدة …..

بس اشتريت من هذا …

عندهم أنواع من المخمرية …..
أحلى وحدة مخمرية العرايس (100 درهم)

ولبان معطّر بفيجي البحرين

وفي محلات للجلابيات الحديثة …

بس أنا حبيت اللي تصميمهم تراثي مثل هذي …

وهذي … (100 درهم)

اكسسوارات :

اساور الجلد الفسفورية

والخواتم اللي هابين فيها بنات اليومين دول

وديزاينات ثانية

وخاتم كيوت

شيل مطرزة للبيت

في محل عبي أسعاره مذهله !! (130 درهم)

ديزايناته رقيقة

وهذي لقطة للبنات اللي يحبون عبايا الستريتش

وطبعا مستحيل تطلعون بدون ما تشترون من حلويات شويطر

مثل نشـّاب بالرهش وبالحلوى البحرينية

والفستفية والغريّبة

والدرابيل بالجرفة

والبهارات البحرينية المعروفة

وكفرات الموبايلات …..

هذا الكفر اهداء لـ يحــ أم ـيــــى
أرجوج ارحمي هالثغر الباسم وحبـّـيــه

الله يحفظهم ويديم الأمن والأمان عليهم اللهم آمين

التنزيلات

طرطقوا ودانكم كويّس

القرية التركية

تحيدون كفر الفولك مال العيد الوطني ؟
^
^
^
^
^
^
^
^
^
مسوين عليه تنزيلات

بالاضافة الى كفرات ثانية حلوة !
سعرهم الحين 500 درهم فقط

القرية الصينية

تحيدون جلابيات المخمل
اللي تلبسونهن وتغنون :

"رجعت الشتوية ! ضل افتكر فيّه !" ؟

الحين استووا بـ 50 درهم فقط

القرية اللبنانية

الشرابات والليغيغز بـ 25 درهم

واللي أون لاين تعلم اللي أوف لاين

سوري يا بنات هالجزء "صحي وسريع"

لأني هاليومين معجوأة كتير

اتريوني !

القرية العالمية 2024 – 2024 بعدسة ^الدماني^ :

القرية الاسبانية
https://www.forum.uaewomen.net/showthread.php?t=1005703

القرية التركية
https://www.forum.uaewomen.net/showthread.php?t=1008253

القرية التايلندية
https://www.forum.uaewomen.net/showthread.php?t=1010832

القرية المصرية
https://www.forum.uaewomen.net/showthread.php?t=1013408[/QUOTE]

القرية الصينية
https://www.forum.uaewomen.net/showthread.php?t=1018367

المشاركة الأصلية كتبت بواسطة supeer girl

وعادت ^الدماني^ من جديييييد هههههههههه

كلّه منج انتي يا أم ضحكة شريرة
يا اللي فجـّـرتي ثورة في قسم السياحة !
وخليتيني أتراجع عن "دستوري المكبـّـل"
أنتفض وأهب للاستجابة لمطالب الشعب

————————————————

المشاركة الأصلية كتبت بواسطة اسيرت شوق

انا ذبحني الفضول ورحت اترجم القصيدة بقوقل

بس للاسف ما فهمت

البرازيل، ويفتح الستار من الماضي
يضع الملك في congado الكونغو

الكونغو ؟!!!

ختيه أظني انتي خذتي لفـّـه غلط !
دخلتي القرية الأفريقية بدال البرازيلية

المشاركة الأصلية كتبت بواسطة اسيرت شوق

أرى أن هذا المشي سيده
عن طريق سحب صالونات

هيه صح ! سيري سيده إمرّه لين توصلين الصالونات !

انتي متأكدة انه هاي ترجمة غوغل ؟!
شكلها ترجمة راجو راعي الدكان !

ما أكلمه !! خرّب قصيدني المفضـّـلة

————————————————–

المشاركة الأصلية كتبت بواسطة أمورة

لاه لاه لاه لاه يا ^الدماني^

مادريبج بتتاثرين باستفزازنا لج و بتسوين تقرير بومب

هههههههههههههه

يا ختيه شو أسوي ؟
تراه مشاعري خيخة سريعة التأثــّـر بالاستفزاز وينقص عليّه بسهولة

المشاركة الأصلية كتبت بواسطة اسيل2007

يا علج ذخر للمنتدى وللسيدات الامارات

وللامة العربية بعد

المشاركة الأصلية كتبت بواسطة حنان2006

العام ما تحمست للقرية وما حبيتها الا من تقاريرج
وحلفت اني هالسنة ازورها عشر مرات تعويض للسنة اللي طافت

عندج إياها !
بس لا تنسين عمولتي

المشاركة الأصلية كتبت بواسطة زم_قمر_ان

^الدمانى^ وأخيراً شفناا صورتج عجيبه وقميله

لو سمحتي أنا عيوني أحلى من جذيه

حتى مرّه تغنــّـوا فيّه باللبناني وقالوا :

"عليها أجمل جوز عيون من أجمل ما يكون
يا هيك تكون الستات يا عمرها ما تكون"

المشاركة الأصلية كتبت بواسطة هزووفه

زيدينا تقاريرا زيدينا ..

ولا يهمج

المشاركة الأصلية كتبت بواسطة soso ^_^

روووووووووووووووووعة تقريرج اول مرة اشوف تقرير تسوينه !
وكل سنه سويلنا تقرير حلو ان شاء الله لو عيـّـزتي وطلع لج شعر ابيض
<~ لين هذاك اليوم خلي عيالج او احفادج يكملون المسيرة ههههه

عيّرتني بالشيب وهو وقار
ليتها عيّرت بما هو عارُ

المشاركة الأصلية كتبت بواسطة رولا Rola

يا متسقـّـفه ! يا بتاعت الشعر البرازيلي !

لازم نعمللك عامود اسبوعي في المنتدى.

و"سقافة" عـُـليا كمان

المشاركة الأصلية كتبت بواسطة رمش القصيد

الغاليه ^الدماني^
اهديج مقطع من أغنيه من الزمن الجميل
تقول كلماتهاااااااا :

اشتقت اليك فعلمني ان لا اشتاق
علمني كيف أقص جذور
هواك من الاعماق
علمني كيف تموت الدمعة
فى الاحداق
علمني كيف يموت الحب
وتنتحر الاشواق

لكن مع ^الدماااااااااااني^
لاتموت الامنيات والاحداث المشوقه

رمش القصيد
من زمان ما دخلتي مواضيعي

هلا باللي له الخافق يهلـّي *** من الفرحه وروحي به تهلـّـي
اذا شفته ولو بالنفس ضيقه *** تفرّج كل همي واضمحلي

(كلمات الأمير عبدالله الفيصل)

ونبدأ التقرير الثاني بالرد على سؤالين :

المشاركة الأصلية كتبت بواسطة بنت منصوري

متى تسكر القريه العالميه ؟

القرية فاتحة لييييييين 30 مارس 2024

وهذا موقع القرية العالمية الرسمي
https://www.globalvillage.ae/

تابعوه باستمرار لمعرفة الجديد كل يوم !

المشاركة الأصلية كتبت بواسطة كامل وصوفي

بغيت اسأل كم أجار عربات الاطفال ؟

استئجار الـ Cuddly Cart :
10 دراهم / الساعة
واللي لهم سيتين يعني twin سعرهم 15 درهم / الساعة

وطبعا ترومون تستأجرون الـ Shopping Cart عند المداخل بعد

في البداية أبغي أقولكم شي :

لا تعتبرون القرية مجرد حدث روتيني يستوي كل سنة !
لأنكم بتفتقدون متعة انتظارها

واذا تكررت .. تراها تختلف في تفاصيلها !

^
^
^
^
^
^
^
^
^
^
^
^
^
^
^
^
^

توثيق اللحظة

بتلقون أكشاك استديو Z klik في أكثر من مكان !

واحد في منطقة الالعاب

وكشك ثاني مجابل البحيرة باتجاه القرية المصرية

الصور فورية !

تقدرين انتي ورباعتج
أو انتي وبعلولج وعيالج
تدخلون وتصورون صور مجنونة مع بعض

وفي نفس اللحظة المصوّر يضيف تأثيرات للصورة مثل قرون ، ثلج ، برج أيفيل ، طيارة الخ
للصورة وانتوا تصورون بطريقة فكاهية

لكم خيار بين 8 صور تختارون منها 4
لكن اذا حبيتوا تاخذون الـ 8 بيكون السعر 200 درهم

ولا تنسون تكتبون على الصورة : القرية العالمية 2024 (للذكرى)

واللي تجرّب الاستديو تخبرنا عن تجربتها !

عن نفسي استمتعت وايد ويا العيال !

والحين بأسير وياكم ……

^
^
^
^
^
^
^
^
^
^
^
^
^
^
^
*** القرية النمساوية ***

الشي الغريب في الموضوع انهم مخصصين المسرح اللي على بوابتها لفرقة تراثية عمانية
مع خلفية لجبال الألب !!

عندهم عسل هونيغ ( تحيدونه مال الطفولة ؟ )

وانواع عديدة من المقرمشات …

… النمساوية

وبسكوت بنكهات

أغلب المنتجات يدوية الصنع مثل …

شباصات الشعر

الزي الوطني النمساوي للأطفال

الأساور المصنوعة من أحجار

الشموع

قطع الديكور

والأساور الصنوعة من السيراميك

بالإضافة الى السلاسل

بديزانات حلوة

وأساور المرساة

لمحبات المنتجات الطبيعية ….

صابون النكهات

مثل …

الليمون

القرفة

خشب الصندل

زهرة الليلك

وزهرة القش

وزهرة Forget-me-not

وفي قسم الهدايا …

بتلقون فوط يد على شكل ورود

ملح الحمام

بتغليفات متعددة

وأحجام

صابون القلوب ماركة : "يا معلــّــق بحبل الحب"

"نخلة! بييجوا شايلينها اتنين ! "

بس بابا سنفور ما أدري شو دخله في الموضوع بالضبط ؟!!!

علب هدايا متنوعة وكلها شغل يدوي عشان جذيه أسعارهم أغلى من باقي القرى !

مثل طقم الفوط المطرزة

وبديزاينات

والسوفت تويز المصنوعين يدويا

دموع التماسيح

اقلام اقلام يا بدلته *** آخر تمام في هيئته

شنط

عيبني هالآيباد كفر … مااااااااااااااااااء (45 درهم)

منتجات خشب شجرة الزيتون

لأدوات المطبخ وللديكور وللاكسسوارات

قاعدة لأعواد معدنية (حق اللقيمات )

لوح تقطيع ماركة :

" إن غاب القط ……

… استسلم يا فار !"

شخصيات الإنمي اللي البنات يحبونهم

أقلام براتز

بقية التقرير في الصفحة التالية

شئ عجيب مواضيعك يا الــــدمـــــاني
قعدت عن المطبخ و عن حوشي لهاني

صدق مواضيعها شيء عجيب

وتستااهل الدماني ^^

وتستاهل الدماني ^^

يلسة طاله على الشارع

الميز

بينه وبين التلفزيون فاصل مضيء (اذا تحبون تلعبون كووووك )

الشباري

وبتلاحظون الديكور اللي فوقهم …

مكمّل نفس الثيم اللي في كل الفندق

اللي هو عبارة عن TEXTURE واضح وملموس في كل التفاصيل

نيي للحمام

فخم جدا …

رغم انه ضيّج شوية

لكن حسن استغلال الزوايا واستخدام السلايدنغ دورز …

يخليج تحسين بمساحة اضافية عند الشاور …

والبانيو …

تراه اذا تحبين تتفرجين على التلفزيون وانتي منسدحة فيه يستوي

أو حبيتي تستوين فرجة للي موجودين في الغرفة بعد يستوي

أكثر شي عيبني فيه : الرخام الأسود – الذهبي للأرضية

يوم نزلنا نتريق في مطعم الفندق للأسف ما رمت أصوّر لأنه كان زحمة ..
لكن عن خاطري صورت الكرسي لأني كنت أبغي أنفــّــذ ديزاينه

الحين يالا قوموا نطلع من الفندق و نسير الـ OLD TOWN

هذا مدخل الفندق
(لا تتحرون هذا بعلولي
اسم الله على بعلولي أنيق وأطول واحد في الحارة )

واذا ما فيكم حيل تمشون تراه "زيورخ للمواصلات" زاهبه

اتخيلوا هالمنظر الحالم موجود في نص السوق

المدينة القديمة تتميز بطرقها الحجرية المتعرجة وغير المستوية

مرينا على معرض الفنانة العراقية العالمية زها حديد

وهذا جانب من تصاميمها اللي توصل لمئات الآلاف من الدولارات (يعني تقريبا مثل تصاميمي )

منوه يبغي ماكرون ؟

يالا ندخل بوتيك المصمم توم فورد ..

عشان نشتري من عطوره المعروفة

بعلولي اختار WHITE MUSK
بس أنا ما حبيته وايد مثل TUSCAN LEATHER

وبالمرة نتفرج على آخر تصاميمه ..

تشان ريتو ! أوَنْ هالأرواب حق الرياييل !!!!!!

الصراحة هاذيل شكلهم حق "اللي مش رجاله"

جهزوا عماركم حق الطلعات …

…والنزلات

تحيدون بابار ؟
يسلم عليكم ويقول لكم تراه عنده تنزيلات

محل تشوكليت ….عيبتني الفترينه

هذا الفستان من بوتيك آليكسندر ماكوين اللي صمم فستان الأميرة كيت ..

أحد الفنادق العديدة اللي منتشرة …هذا في نص السوق

يا ريت الورد عندنا يطلع بهالصورة

وهذا JELMOLI أشهر DEPARTMENT STORE في زيورخ

محل يبيع سجاد عجمي وتحف ايرانية

اتخيلوا مفتوح من سنة 1926 !!!!!!!

في نص هالصعدات والطلعات ؟!!!!!

صدق المثل الزيورخي اللي يقول :

" يا بخت من مشـــّـــى حامل !"

في الليل واحنا طالعين من الفندق …

نصحنا الكونسيرج نتعشى في مطعم ايطالي اسمه BINDELLA

وكان اختيارا موفقا للغاية

حيث طلب بعلولي اسباغيتي بالمأكولات البحرية

وطلبت أنا طبقي المفضل رافيولي بالسبانخ والجبن (عشان أستوي قوية مثل باباي ذا سيلر مان )

ويوم تكونين في مطعم ايطالي لا تفوتين حلوى التيراماسو لليديزرت
سامحوني عاده ما بأطعـّـمكم ولا طشه
لأن الديزيرت دايما يكون حقي مقي

قال لي بعلولي : هذا ايسكريم !
قلت له : لأ ! هذا يـــِـحْ !

وكل منا أصرّ على رايه …

فقمت أنا …
وقطعت الشك باليقين …
وحسمت الموقف وطلبته (وأنا مالي رغبه فيه ) …

وطلع فعلا يــِِــحْ !

بس عشان أثبت لبعلولي ان ^الدماني^ دايما على حق

واحنا طالعين …
مرّينا على قلب المركز المالي العالمي …
عشان أطمّن على أرصدتي السرية

هذا المبنى الجميل تابع لبنك CREDIT SWISS

… ومبنى اتحاد المصارف السويسرية الـ UBS اللي شعاره ثلاث مفاتيح …
والمصنف الأول عالميا في مجال إدارة الثروات الخاصة مثل ثروتي ……لا تنسونه !

لأن كل الأرصدة السرية …
الطائلة …
المتلتلة …
المتدكـــّــنة …
المتحوّشة …

حتلاقوها هنا على قلبهم أد كده هو

أما أحلى اعلان عيبني فهو …..

^
^
^
^
^
^
^
^
^
^
^
^
^
^
^
^
^
^
^
^
تشجيع اليهال على شرب الحليب

شفتوا شقايل احنا استوينا قدوة ؟

هاذم السويسريين هاه !
ينادون بالعودة الى التراث مثلنا …

وتعليم اليهال حلب البقـر
وخض السقا …
وكنس زرب الهوش بالعسو

كان هذا هو "الموجز" ….

وأوعدكم اذا انكتبت لي زيارة ثانية لزيورخ اني أوافيكم بالــ ……….."الأنباء بالتفصيل"

المشاركة الأصلية كتبت بواسطة روح بلاروح

مواضيعج لازم تنحط في الصفحه الرئيسيه للمنتدى عشان تجذبين الزوار للمنتدى

الكلام ليكي يا جارة !
(بين قوسين الإدارة)

المشاركة الأصلية كتبت بواسطة جوري 2

واطالب المنتدى بفتح قسم خاص للـ ^الدماني^ ومواضيعها

أشوف الكلام زاد ليكي يا جارة

المشاركة الأصلية كتبت بواسطة Romanove

ابصراحة؟؟

أنا أقترح يسوون ركن خاص فيج في المنتدى

اسمه ركن ^الدماني^

يحطون فيه كل كل كل مواضيعج

تكريماً وتقديراً لجهودج الكبيرة في إثراء المنتدى بمواضيع أروع من الروعة

أنا ما ليش دعوة يا "جارة" !

هيّه اللي قالت !

المشاركة الأصلية كتبت بواسطة Le PerLe

ما شاء اللهـ الامبراطورة حطت رحالها وهودجها بين الاكشاك والقرية التونسية والباكستانية
مادرينا تشان حجزنا المقاعد الاولى في الردود وبسطنا السجادة الحمرا

هااااه ! امبراطورة مرة وحدة !
عيل بسير أدوّر لي دور في "حريم السلطان"

المشاركة الأصلية كتبت بواسطة جولدن روزي

الصراحه انتي فخر لهالمنتدى

تشان أستحي وايد

المشاركة الأصلية كتبت بواسطة أم شرف

التقرير وايد حلو بس بالله عاد متى التقرير الي بعده تعبت و أنا ادخل و اطلع من قسم السياحة

خخخخخخخخ
تعرفين عاده ! أنا "ست معجوأه" !

وأخيرا خلّص !

رحلتنا اليوم حبايبي بتكون الى …….
^
^
^
^
^
^
^
^
^
^
^
^
^
^
^
^
^
^
^
^

*** القـريـــــــة الفــيتــنــــــــامــيـــــــــــة ***

"عنزة الفريج …ما تحب إلا التيس الغريب"

عندهم مشوط محفورة باليد

… على شكل حيوانات

علب خشبية للبــتــّــه

حليلهم ! ما يدرون انه الفريسل والسوليتير سحبوا البساط من تحت البـتــّــه الحقيقية من زمان

علب خشبية مرسوم عليها باليد (حلوين للهدايا)

أساور الكفوف (30 درهم)

وأساور جلدية

"بالقبقاب يا شجرة الدر؟"

شنط جلدية شفافة مع شنطة مكياج (حلوين للجيم) (120 درهم)

قمصان طويلة فضفاضة مطرزة (90 درهم)

أكياس قماشية حق هذاك الشي اللي ما ينطرى

تحيدون الكلب اللي كنا نحطه عند جامة السيارة الورانية ويتم يهز راسه بدون انقطاع ؟

أبشركم انه لا يزال على رأس عمله يمارس نشاطه المعتاد

ولبنات نادي الأدب أهديهم أحلى paper book marks

شو رايكم في هالبروفايل ؟
قحفية السنافر للصغار وللكبار (30 درهم)

وطبعا منتجات السنافر التي لا تخلو منها قرية

وبالمرة بعد تشان تحبون تشربون "قلم شكر"

هالاكسسوار بعده موجود ؟!!!!!!
بتصدقون كنا نلبسه في السبعينات

قليلين الذوق !! شوفوا شوه حاطين فوق لافتة "السلام عليكم" !!

ولصاحبات السيقان الجميلة

وخاصة اذا كنتي في موود البلياتشو لووك

وسلاسل ظريفة

لازم أنا ألبس هالسلسلة

واكسسوارات للخشم !
لا تتهورن يا بنات وتلبسنهن !
تراني أخلي مسؤوليتي من الحين

أكيد هالنوت بوكس بيعيبون اليهال

بمختلف الشخصيات

اهداء للبنات اللي يحنـّـون لتايلاند

(المركب اللي فيها ريـّـسين ……

^
^
^
^
^
^
^
^
^
^
^
^
^
^
…يلعبوا طاولة)

"خنفسه شافت ولادها عالحيط ، قالت لولي ملضوم في خيط"

أدري هاي مب خنفسه لكن شو أسوي ما لقيت مَثـَـلْ على الـ ladybird

وللحدايق تشكيلة واسعة من اكسسوارات السيراميك …

على شكل قبقوبة

و …..

لا أسمع …لا أرى …لا أتكلّم

و ……

وزّه !

على طاري الوزّه !

ايه الفرق بين البطـّـة والوزّه ؟
^
^
^
^
^
^
^
^
^
^
^
^
^
^
^
^
^
^
^
^
^

"الوزّه كانت بطة بس الشيطان وزّها "

^
^
^
^
^
^
^
^
^
^
^
^
^
^
^
^
^
^
^
^
^

والحين بأسوي لكم شوية entertainment مع ….

رقصة النار الأفريقية

لا تلعب بالنار

بتـِـحْـرُق أصابيعك …

اللي بيشتريك ….

بيرجع بيبيعك

وسلامتكم !

وطبعا تعرفون …انه اللي ايده في الماي مب مثل اللي ايده في النار

والحين خلونا بسرعة نسييييييييييييييييييييييييييييير ….

^
^
^
^
^
^
^
^
^
^
^
^
^
^

*** القــريــــة المــغــربــــــيـــة ***

بديكورتها الشهيرة

بقية التقرير في الصفحة التالية

دايما أقرأ في قسم السفر والسياحة أسئلة عن أفضل الشقق الفندقية في دبي ،
ودايما تكون الردود عن شقق فندقية في المشاريع الجديدة فقط !!!

لكن ما جد حد ذكر شقق الغاليريا الفندقية التابعة لفندق حياة ريجنسي ،
وتعتبر من أقدم الشقق الفندقية في إمارة دبي
يعود تاريخها للثمانينات ورغم هذا لا تزال منافسة وبقوة للشقق الفندقية الراقية.

فحبيت أهديكم هذا التقرير وخاصة لبنات الإمارات الثانية ودول الخليج بعد
اللي يحبون يزورون دبي ويكون عادة عدد افراد عايلتهم كبير.

الغاليريا عبارة عن شقق فندقية فخمة بنظام فندقي
وملحق بها مركز تسوق صغير يلبي كل احتياجات الأسرة.

الموقع : استراتيجي ، على بعد دقيقتين من نفق الشندغة اللي يؤدي الى منطقة بر دبي
وخمس دقايق من منطقة نايف المليئة بالأسواق الشعبية والمؤدية الى منطقة الخور وأسواقها
وثلث ساعة من إمارة الشارقة (في غير وقت الذروة)

الأسعار : 6000 درهم لشقة كبيرة بثلاث غرف نوم لليلة الواحدة
وتوجد بعد شقة بغرفة نوم واحدة
وشقة بغرفتين نوم
لكني نسيت أسأل عن أسعارهم لكن طبعا بيكنن أرخص.

وطبعا ممكن تحصلون أسعار أرخص اذا خذتو باكج.

يا لا نشوف الصور :

مدخل الغاليريا

ملاصق لفندق حياة ريجنسي

وهذي صورة لارتفاعه الشاهق

واللافتة عند المدخل

كانوا محتفلين بالعيد الوطني

اللوبي وايد صغير

منطقة المصاعد

هذا الفيو من أمام المصاعد في الطابق الواحد والعشرين وتقدرون تشوفون منه نخلة ديرة

الممر المؤدي الى الشقة

وايد عيبني رخام الأرضيات

وهذ رقم شقتنا

نلقى مدخل صغير

على يمين المدخل نلقى multi-purpose room

فيها غسالة وثلاجة ومطبخ صغير

وهذي الصالة

ولقطة ثانية للصالة

الفيو من الصالة وتبين في الأفق أبراج الشارجة

وجلسة هادئة في هذا الركن من الصالة

ثم ننتقل الى غرفة الطعام

ونلاحظ وجود خزانة فيها عشان سهولة التخزين للعائلات العودة

وبجانب غرفة الطعام نلقى غرفة النوم الماستر

فيها دريسنغ رووم وسيعة

ولقطة من الداخل

والفيو من هذي الغرفة يطل على نخلة ديره

وبجانب غرفة الطعام نلقى المطبخ

مجهز تجهيز كامل

ولقطة من زاوية ثانية

ونطلع من المطبخ نلقى ركن ثاني للصالة

تفاصيله حلوة

وبعدين ناخذ الممر الطويل اللي يؤدي الى غرف النوم ولاحظوا كيف كل المساحات مستغلة في الخزائن الحائطية

ندخل أول غرفة وهي لشخصين ..

التسريحة

والفيو ..

ولقطة ثانية لنفس المنطقة

وبعدين ننتقل لغرفة النوم رقم 3

وأيضا لها دريسنغ رووم

والفيو ومبين فيه جانب الفندق

وبعد منطقة نايف

وهالغرفتين لهم حمام مشترك

وطبعا فيه رووم سيرفس اذا حبيتوا تطلبون المنيو موجود

انزين الحين بنسير مركز تسوق الغاليريا وهو في الطابق الأرضي
تدخلون له عن طريق اللوبي من خلال هذا الباب وتلاحظون ان لكل شقة صندوق بريد

فيه صالون رجالي ونسائي

ومحل مجوهرات

ومحل الماركات المعروف روديو درايف

ومحل مارتينالي للملابس الرجالية

وأكشاك لبيع الموبايلات وملحقاتها

وسينما

وفرع لبنك الإمارات مع آلة الصراف الآلي

وكافيه اسمه فروستيز

ومكتبة

وآيسكريم باسكن روبنز

وسوبر ماركت شويترام

فيه بعد قسم للخضار والفواكه

ومحل للماكياج الفني والسينمائي

ومكتب للسفريات والسياحة

وبيزنس سنتر (عشان تتابعون أخبار المنتدى على النت) خخخخخخ

وصيدلية

ومحل ملابس جاهزة

ومكتب لتأجير السيارات والليموزين

وصالة للتزلج على الجليد في نص المركز

دايما تعج بالناس

ومطعم ياباني (ومطعم وداني خخخخخخخخ جديمة أدري )

ونرد من نفس الباب اللي دخلنا منه

ونلاحظ عداله هاللوحة الحلوة المصنوعة من السيراميك

وهذي صورة عن قرب عشان تشوفون التفاصيل

أتمنى ان شقق الغاليريا عيبتكم وخذتوا فكرة وافية عنها
وان شا الله يوم تزورون دبي تسكنون فيها وتدعولي
^
^
^
^
^
^
^
^
^
^
^

والحين بأختم تقريري بهالمنظر الحلو من الطابق الواحد والعشرين
ويبين فيه أبراج شارع الشيخ زايد وطبعا برج خليفة الشامخ

ودام عزج يا بلادي !

حصلت سياييد كشميريات وايد حلوين…

مخمل …

ورسم يدوي …

والتايغر برنت

ضي القناديل … والشارع الطويل

ما تاخدي لك لفة عشان الحبايب ؟

حيول خرز

Sling bag حلوة

فساتين الكروشيه

وشي منهم تنانير

تحيدون هالتوكة اللي كنا نلبسها يوم نحنا صغار ؟

راعي المحل راواني الريال اللي صنع هذا الشال وكان فخور جدا بشغله

ولأعزائنا الصغار

"أنا وانته ولا حد تالتنا …أنا وانته أنا وانته وبس "

الحياة بدون القرية العالمية …كالبرياني بدون أجار

تحيدون هاللعبة ؟ مب معقول عايشة لين الحين ؟!!!

هذي مكانها في تشور بازار أو في الانتيك خانه

العرايس التقليدية
(اضحك عشان الصورة تطلع حلوة )

وما ننسى ناخذ لقطة لمكتب السياحة الهندي المتجدد بديكور يديد كل سنة

كوشنز هاند ميد

لقيته ولقيت عنده شالات تجنن

مثل هذا …

وهذا ….

وهذا اللي طريقته تحتاج دقة في الشغل …

أكثر واحد حبيته هو شال اسم الشغل ماله "قاني"

وتقدرون تشوفون الطريقة عن قرب : الخيط ينلف على بعضه بطريقة حلزونية بارزة

عنده بعد CLUTCHES للسهرة

هذا الجاكيت البسيه يوم بتسيرين سيبيريا

شال الديزاين ماله على شكل دانتيل

هذا الفستان يصلح ألبسه في اليوبيل الماسي لزواجنا أنا وبعلولي

بس عقبال التأبيده الأول

سلام عليكم ! انا ضفدع مسحور !

اذا عطيتيني قبلة بأتحوّل الى أمير

يالا !

إيك …دو ….تين ….

^
^
^
^
^
^
^
^
^
^
^
^
^
^
^
^
^
^

اوبس سوري ! رونغ نمبر ! هذيج قصة غير

ان الأمير الذي طلبته خارج نطاق الخدمة
يرجى الاتصال فيما بعد !

يالا ! نحاول مرة ثانية :

ايك …دو …تين …

^
^
^
^
^
^
^
^
^
^
^
^
^
^
^
^
بس هاااه ! أبا قبلة بذمة و ضمير !

^
^
^
^
^
^
^
^
^
^
^
^
^
^
^
^
^
^
^
^
^

أوبس ! الظاهر بعد عطيتوني قبلة نص كم !

ما شي فايدة !

بأتم طول عمري ضفدع

صدق المثل العماني اللي يقول :

"الكِــــرِّهْ ما تناطح جبل"

على طاري المثل العماني

شو رايكم نسير …..؟
^
^
^
^
^
^
^
^
^
*** القرية العمانية ***

لقيت SLING BAG مميز على شكل برقع …

….ونص !

كان باجي بس يبيعونهم في قوطي ماكنتوش وبتكمل

الصراحة أحيي مصمم الشنطة على هالفن وأهديه قصيدة :

ما هقيت ان البراقع يفتنني ….لين شفت ظبى النفود مبرقعاتِ

كلمات : الأمير خالد الفيصل

قميص نوم هالطووووول ؟!!!! خاطري أشوف اللي بتلبسه
أكيد الطول طول نخلة (عيب لا تكملون المثل

ومثل ما كان اللبان العربي في استقبالنا …بعد كان في وداعنا

اتوقعت القى فيها شي مميز

لكن كانت عبارة عن …

ملابس …

واكسسوارات …مثل هاذيل لغرف اليهال

لكن اللي ضحكني البياع اللي يروّج للممسحة العجيبة … بالعربي
(لاحظوا من أهميتها حاطينها عدال التجوري )

ويقول :

"مدااام ! تفضلي شوفي الممســهـه الـــأــ جيبة "

هاااه ؟ حد منكن يوصي عـ الممســهـه الـــأــ جيبة " ؟

غطاة الدله الحافظة للحرارة

أساور

علب فخمة للهدايا

وطبعا المشاركة الدائمة لـ la Plume

والرسم اليدوي على أطقم الدلال

وبالنسبة للي يدورون أطقم النفاس لقيت لكم BELLISSIMA

هذا نموذج من شغلهم …

وخذيت من عندهم بطاقتهم اذا حبيتوا تسيرون لهم بعد المهرجان مكانهم في جميرا (الرقم على الخاص للي تبغيه)

ساحة المطاعم

القرية الأردنية

الاكسسوارات المعتادة

كتابة الأسماء على الأكواب (لا تفوتكم مريوم )

الجلابيات التراثية

وحبيت عازف مزمار القربة وهو يدق كلماتي المفضلة من التراث الفلسطيني

وين ؟ …..ع رام الله !
وين ؟ …. ع رام الله !

ولفي يا مسافر وين ؟ …..ع رام الله !

ما تخاف من الله !
ما تخاف من الله !
أخذت قليبي …ما تخاف من الله !

تقدرون تأجرون عبرة تاخذكم لفة في أنحاء القرية

من بعيد نشوف عرض لفرقة السامبا

القرية الأفغانية

طبعا احنا كل سنة متعودين عليها تكون ….

عبارة عن ملابسهم التراثية …

واكسسواراتهم المشغولة يدويا …

وزواليهم .. سواء العادية …

أو الانتيك …

والخيارات عديدة …

وبكل الأوان الفاقعة … مع شيلهن

وللبنوتات الصغار موديلات حلوة حق العيد الوطني

تحيدون هالخيوط الملونة مالة العقص ؟ أعتقد انها حرام لأنها تعتبر وصل للشعر (هذا والله أعلم)

القرية الفلبينية

مجرد نسخة مصغرة من القرية الصينية

للبنوتات الصغار لا يفوتكم كشك REEMA

اللي فيه أول عروسة تحفظ القرآن

القرية الإماراتية

حصلت فيها توك حلوة للبنوتات

وطبعا مشاركة تاجرتنا (الكبيرة أوي ) توتة الحلوة في STALL ريانة العود

القرية القطرية

من برع مسوين مجسّم لـ THE FLOATING MARKET الشهير اللي في بانكوك والناس يصورون وياه

وصورة لمهرجان البالونات الطائرة

أول ما تدخلون يكون في استقبالكم حبيب القلب

وشنط مكتوب عليها شعار محلات هارودز

عندهم فساتين قطنية بشغل كروشية وايد حلوين للصيف أو للسفر

وفي منهم للبنوتات بعد اذا تبين تطقمين ويا بنتج

وممكن تلبسين وياهم أحزمة كروشيه بألوان متنوعة

أو تلبسينه كأبّه

هالمانيكنات أشكالهن كأنهن يالسات يقرن موضوع من مواضيع ^الدماني^

ودايما العروض التراثية شغالة

عبايا الاستريتج

حتى أساور هيرميز ما سلمت من التقليد

"مدااااااااااااام ! اتفضلي مساااااااااااااااج ! "

منتجات هالو كيتي

البقاء للأصلــع

هاذيل حلوين ! بيضتين مكسورات من فوق …تزرعين فيهم ويطلع الحشيش كأنه شعر

تحيدون هالحلاوة اللي تذكرنا بأيام الطفولة وراعي الدكان ؟

هاذيل الشخصيات يعلقون بروشات الأسنان على المنظرة

تي شيرتات بالكريستالات

أزياء تراثية للأطفال حق اليوم العالمي في المدرسة

أساور جلد تختارين الـ CHARMS اللي تبينهم ويحطونهم لج هاذيج الساعة

لا تفوتكن ملة الغسول والفناييل (باجي بس الدلة المقنـّـدة )

…جايبة معاها شنطة …فيها وزة وبطة

توك تجنن للبنات

أعشاب طبيعية للمساج تتسخن بالبخار