بآخذكم في جولة مختصة بس بالأكل …
لكن مب أي أكل 
بما انه الصبح بأعزمكم على vegetable toast ،
هم جذيه يسمونه
واخترت لكم واحد واااااااااااااااااااايد شكله يشجع
طبعا تلاحظون نظافة السطح اللي بيحضر عليه وبخاصة الفوطة (قصدي اللي كان اسمها فوطة)
والجميع يشارك في التحضير عشان الإقبال منقطع النظير
أولا نضع شريحة واحدة من خبز التوست
وعليها شرائح الخيار والبصل الأبيض
ونضع قليلا من الفلفل الأسود (حسب الرغبة)
ونقطع الشمندر
ونضع الشرائح فوق الخيار
ونضيف شرائح الطماطم
ونضغط بكل ما أوتينا من قوة …
(باليد مباشرة دون استخدام القفاز حيث يكمن هنا سر النكهه خخخخخ)
ونظرة سريعة على أسفل الطاولة (لفتح الشهية)
ونضع الشطيرة في هذه الآلة غريبة الشكل اللي تشبه المنقاش
ومباشرة الى داخل الفرن الفريد من نوعه
وهو نتاج آخر ما تفتقت عنه العقلية الهندية خخخخخ
[/QUOTE]
نقوم بإخراجه
ونبدأ التقطيع بيد الخبير المتمرس بسكين تلمع من نظافتها
وتقدم ساخنة مع وصفة الدواء اللي بتحتاجونها لاحقا من أقرب مستشفى خخخخخخخخ
بعد اضافة قليل من صلصة الشاتني التي لا تقاوم
وعالمستشفى عدل ! …….قصدي ….. وبالهنا والشفا
على فكرة جربو هالطريقة في البيت …. تجنننننننننننننننننننننن!
والحين عاده أكيد عطشتو ..
اتفضلو .. بأشربكم عصير قصب أو مثل ما نسميه بالمحلي (قلم شكر).
شو رايكم بهذا ؟
وفي واحد ثاني على الناصية
هذا شكل معصرته أنظف خخخخخخخ
أو اذا تجزون مالكم إلا هذا ………..
وحليله كاتبلكم بعد بالأردو "كولد درنك هاوس"
عشان تبردون على قلوبكم
أشكال الفواكة عندهم وايد حلوة
وحنأزأز نخي من عند هالجميل
(عيبني الستاند 
وايد عملي وخفيف في الوزن لأنه منفصل عن الطاولة)
تعالو بأوديكم هالسبيل في نص السوق
وطبعا ملاحظين نظافة الكاشي !!
محد يشرب من هالماي إلا أصحاب القلوب القوية فقط خخخخخخ
[/QUOTE]
لكن راعي عصير الموسيمبي اللي عداله بيزعل اذا ما شربنا من عنده
على فكرة الموسيمبي هو نوع من البرتقال الهندي قشرته خضرا
وبعد داخله أخضر
وطعمه حلو مب حامض … أنا أمووووووووووووت عليه
(بس أشربه في الفندق عاده مب هنيه (
وعشان تتطمنون اكثر للمستوى الصحي ، صورت لكم عصارته ..
هاه ! منوه منكم من أصحاب القلوب القوية ؟ خخخخخخخخ
ومحبات الذرة المشوية لهم نصيب هنيه
ومستحيل تسيرون مومباي وما تشربون ناريل
حتى أصحاب المحلات يقدمونه لكم
والشي اللي بتلاحظونه ان جوهم يفتح الشهية ويخلي الواحد يحس باليوع طول الوقت
والحين موعد الغدا ……..
بأعزمكم على هذي الأكلة اللي كتبت اسمها على ورقة لكنها ضاعت
طبعا معظم الناس وحتى بعض المطاعم يستخدمون أوراق الشجر للأكل بدال الصحون لأنها عملية واقتصادية ونظيفة
نجهز ورق الشجر ونحط عليه العيش
وبعض البطاطا
ورشة من الكاري
وبالهنا والشفا برضه
على فكرة ، بعد ما صورت هالريال قالي ريلي : انتي على كل هالتصوير آخرتج بتنضربين وما بحايز عنج
قلت له : برايه ! كله في سبيل بنات المنتدى
بأخرب أخلاقكم خخخخ
هذا بياع البان بتلقونه في كل زاوية من أي شارع
مدمنين عليه لدرجة ان الحكومة تسوي اعلانات توعوية عن الامتناع عنه ولا حياة لمن تنادي
]
في شي أبغي أراويكم إياه …
هذا الفندق في نص سوق كروفورد ماركت اسمه Orient Hotel
صدقوا أو لا تصدقوا ! .. هذا الفندق سكنوه أغلب العرب في فترة الستينات والسبعينات
وعشان جذيه اللي من هذاك الجيل كلهم بدون استثناء عندهم ذكريات حلوة هنيه
وفي هذا الفندق بتلقون أشهر محل عصير يسوي فالوده هندية
والفالوده هي شراب مكون من حليب + روح أفزا + شعيرية + بريهوه + اسكريم
(في منها نوعين .. أنا أفضل الوردية واللي يحب يجربها في دبي ممكن يلقاها في مطعم السند والبنجاب في بر دبي)
والبريهوه للي ما يعرفها هي عبارة عن حبوب سودا وايد صغيرة هذا شكلها
مفيدة ومهدئة جدا للمعدة ، طريقة تحضيرها هي انها بس تنحط في الماي وبعد فترة تنفش ويستوي شكلها جذيه
وتضاف للفالوده
اسم المحل Badshah وهو أشهر من نار على علم
وتخيلوا هذا المحل مفتوح من أكثر من 50 سنة الحين
ولا زال يشتهر بفالودته اللي محد يروم يضبطها مثله
صاحب المحل من الـ Pars وهم المجوس اللي هاجرو من فارس
عند دخول الإسلام واستقروا في الهند واستوت عندهم الجنسية الهندية
لكنهم أقلية ويشغلون أهم المناصب والصناعات في الهند
وهذي صورة للمحل من الداخل
ولازال بنفس ديكوره وكراسيه من يوم احنا صغار
]
ما أبغي أسمع الجواب
خخخخخخخ
الحين عاده نيجي للجد …
أنا بصراحة أخاف آكل برع الفندق ، يوم كنا صغار كنا ناكل ولا نبالي
ولا تسممنا ولا حتى مرة .. لكن الحين كبرنا واستوينا نفكر أكثر من اللازم قبل لا نجرب أي شي ..
وعلى قولة بعلولي العزيز : "عيش جبان .. تعيش لأمك زمان"
خخخخخخخخخخخ
الحين عاده صدق صدق بأعزمكم على أكلة معتبرة في فندق ترايدنت :
أقدم لكم غدانا …
لا يفوتكم اللاسيه اللي ظاهر في الصورة (وهو لبن عليه رغوة يييييييييييييميييييييييييي)
عبارة عن أتشار وشاتني وخلافه
Pappar (ده حبيبييييييييييييييييي)
باتر تشيكن وخبز نان (حقي سادة وحق حبي بتر نان)
وطبعا الطبق المفضل لدى بعلولي
Mutton Biryani
وفي الهند اكلوا اللحم وانتو مطمئنين لأن الهندوس نباتيين واللي يذبحون أغلبهم مسلمين
والتندوري تشيكين
والعشا بنخليه خفيف ..
مسالا دوسا
(أشهر طبق هندي عبارة عن خبزة كريسبي محشوة بخلطة بطاطا )
ومن كثر حب الهنود ليها بيدلعوها وبيقولولها : يا دوسه !
خخخخخخخخ
والله صدق ! يختصرونها دوسه
مع الكاري مالها …
"وازا جيت وما دقتش المسالا دوسا يبقى ما شفتش مصر … أأأأ قصدي بمبي "على قولة فؤاد بيه ابن سعيد باشا في درب الزلق
واللي يحب الايطالي يتفضل يجرب الرافيولي
(ما يحتاي بعد أوصف لكم لذته)
ان شا الله تكونون استمتعتوا بلذائذ مومباي ؟
عن تكفخوني بس
انتظروا الجزء الرابع والأخير من
رحلة ^الدماني^ إلى مومباي – جولة في شوارع مومباي
]
^^
تسلميين ع هالصور الحلوه واكيد رحلتكم كانت أحلى
انا ابا سوالف الشوارع خخخخخخخ
لا بس بتصور ما باكل
باكل وياكم في الفندق
المشاركة الأصلية كتبت بواسطة سيده طموحه 
.gif "12 (48)")
.gif "13 (51)")
.gif "12 (74)")
ماااذا اقول لكي لا يخوني التعبير بحق ^الدماااني^ 
.gif "12 (46)")
.gif "12 (100)")
