انا ماعرف شو يايني عالتايقر ابى اخلى الورق جدران مال غرفتي تايقر ويا ذهبي ويا احمر بيطلع حلووو والا لا ؟؟؟ والله وايد محتاارة امي اتقولي دفاشة وعنقااااش بس الواحد يسوي الشيء الي هو يباه ويرتاحله ما يسير عرمسة حدن غير صح ؟؟؟ يعني اليوم اخترت انه نص اليدار الي تحت تايقر والي فوق ذهبي,,,,,, و اليدار الي ورى الشبرية بس بيكون مقسم اربع اقسام شرات الشطرنج واحد فيه التايقر وواحد فيه الذهبي واثنين فيهم الاحمر طبعا الفراش بيكون احمر والمخدات تايقر وذهبي والستارة بعد بتكون بالعكس تايقر وفيها كرستالات حمر اتخيلوا وياي بليز عسب ما اتسرع وعقب اندم كلهم اختاروا حق غرفهم الا انا شو اسوي اذا هذا مب غاوي حد يقدر يعطيني افكار؟؟؟
هو حلو ……… بس عقب بتملين
اذا حابه سوي بس اليدار اللي ورا الشبريه تايقر … والباقي سوي ساده الذهبي…. عشان تكون هاديه شوي
هذا رايي طبعاً هههههه
جهه وحده بس خليها تايقر ..
بالنسبه للون الأحمر خليه بس في الإكسسوار .. لأنج لو مليتي تقدرين تلعبين بألوان الإكسسوار ..
راي الخاوات حلو وخاصه الاحمر خلي للاكسسوارات احسن
المشاركة الأصلية كتبت بواسطة أم نهيان 
الفكره مالج وايد حلوه لكن الحين الموضه مع التايجر التيركواز ( الفيروزى ) ياريت اتحطينه بدال الأحمر بيطلع اهدى وارقى .. صدقينى .. شوفى اى فستان بأى محل .. بتشوفين محطيين التايجر مع التيركواز .. لأن الأحمر لون وايد صارخ … والراى الأخير لج طبعا .. والسموحه الغلا
صح التركوازي وااايد روعة ويا التايقر وانا وايد احب هالونين ويا بعض بس فكري في الاكسسوارات والفراش والستارة احس اني ما بحصل وايد اشياء شرات الاحمر الاحمر منتشر اكثر وشو رايج بالفوشي ويا التايقر ؟؟؟؟؟؟
عاد انا رايي غير الناس خخخخخخخ
انا اقولك لا تحطين ذهبي… ابد اذا التاقير اسود وابيض خلي بدال الذهبي ابيض .. واذا التاقر العادي.. خلي بدال الذهبي بني او اسود. او بيج…. يصير خياااااااااااااالي ..ونفس الاثاث .. اسود ومثل ما قلتي الاكسسوارات احمر…
انا اقولك لا تحطين ذهبي… ابد اذا التاقير اسود وابيض خلي بدال الذهبي ابيض .. واذا التاقر العادي.. خلي بدال الذهبي بني او اسود. او بيج…. يصير خياااااااااااااالي ..ونفس الاثاث .. اسود ومثل ما قلتي الاكسسوارات احمر…
اع انا ماحب التايقر مادري ليش احس بالحر سوري الناس اذواق
