و حاولي بهدوء تفهمينه وجهة نظرج
ثاني شي أحس يبا عيال منج يعني يحبج أو يبغي يحس أنه مب ناقصنه شيء يعني مسألة رجوله .. البيوت معظمها تعاني من اللي أنتي تعانين منه و خاصة في بداية الزواج تكثر المشاكل و من الطبيعي أهله يأيدونه في كل شي و خاصة في مسألة العيال ..
ثالث شي أحس أنج أنتي ما تبين العيال لين يصلح حاله و شي طبيعي كردة فعل من صوبج
شوفي إذا هوه مقتدر و يبغي يشوف له ضنى لا تعاندينه في شي يحس أنه من حقه بس تحطين له شروط من صرف و أهتمام و يحلف أنه ما يخونج يمكن هذا عقاب من رب العالمين على أعماله قوليله الحمال مسؤليه و إذا تشوفين أنه هوه قدها سوي اللي يباه أنشاء الله بتحملين ..
بس قوليله اللي في خاطرج من غير ما تجرحينه و شوفيه إذا تعدل زين و إذا ما تعدل أجلي الموضوع لأي سبب و ربج بيكتبلج اللي فيه الخير
و آسفه إذا طولت عليج