الموضوع يتكلم عن الفئة الشينه و ليس الفئه الزينه خواتي
عسب نتجنب بعض أراء العضوات
اول مره خواتي أكتب في هذا القسم
مع اني مشغوله وايد في تجارتي الا ان بعد المواضيع
لي قريت في هذا القسم و خصوصا موضوع العضوة ام زيووودي
اتر فيني و قلت من واجبي انبه خواتي .
أكبر نسبة الزواج تستوي بين الرياييل لي يداومون
في امارة تانية شرات بوظبي و هم من الشمالية .
يعني يخلون الحرمة ويا العيال مثلا في راس الخيمة أو الفجيرة ….
و يسكنون بروهحهم في بوظبي 5 ايام في الاسبوع بسبب ظروف العمل. (هب الكل انا ما قاعده اعمم)
خواتي ها الرياييل اشوفهم بأم عيني في الجمعيات
و كارفور يتشرون أغراض البيت بروحهم و تكون معاهم وحدة متبرجة
لباسها غير محتشم من الجنسيات العربية , الرياييل لابسين كنادير و الحريم بناطيل ,
و عادي عنده ما يحاتي منو لي يطالعه .
و اقول حق ريلي ما يستحي ها الريال
كيف يتمشى مع حرمه نص صدرها برع
يرد علي ريلي يقولي ترا ما حد يشوفهم
أهلهم في الشمالية و هني يلعبون ع كيفهم .
و مع الألفة و العشرة و حركات ها الانسانه يتعلق فيها و ياخدها.
هني الغلط ؟؟؟؟؟؟ وينج يا حرمة البيت ؟؟؟
ليش ما لحقتي ريلج لامارة تانية ؟؟؟
ليش الثقة الزايدة؟؟؟
ليش ما وقفتي له بالمرصاد؟؟؟؟
ليش يوم قالج بشتغل في اماره تانية ما كان شرطج انج تروحين وياه ؟؟؟
الي ماخد زوجة تانية هب متحجبة و لا ناوية تتحجب
ما اظني نيته يستر عليها كثر يستانس معاها بالحلال.
الزواج بهاي الطريقة عبارة عن نزوه و مصلحة
و لا شو تسمونه ها الزواج لي ما فيه عرس و ما فيه شهره
الريال يبا حد يريحه و هو بعيد عن بيته و أهله.
هني تبدأ المشاكل
اذا زوجته التانية حملت هني بتبدا المشاكل بتمسكه من اليد لي تعوره و طلباتها بتكتر و حركاتها بتزيد,و بتلهيه عن ام عياله و عياله و هني بيندم على اليوم لي عرفها و اخدها و بيرد لحرمته الأولى ندمان طالب السموحة.
لكن خواتي في استطاعتكن تتجنبوا ها المشاكل و ها المواقف لي الله لا يجيبه اذا لحقتوا ع ريايلكن و ما تخلونهم يطيحون في فخ ها البنات لي سهل عليهم الريال يكون متزوج لانه قادر يفتح بيت و يعرف للمسؤوليه.
لهذا يا اختي اذا تعرفين اي حد من اهلج او صديقاتج رياييلهم يشتغلون عندنا في بوظبي أو في اي امارة تانية ,خليهن يلحقو ريايلهم و يسكنون تحت سقف واحد .
ها البنات تارسين الدوله و من جميع الجنسيات في لي همها تنستر و في لي همها تستانس و في لي همها تسرقه عن اهله و في و في و في …..
و انا شخصيا اعرف مواطنات من بوظبي عرسن برياييل من راس الخيمة متزوجين و عندهم عيال في راك و الحبايب مستانسين مع الزوجة التانية في بوظبي .
تقعد مع الريال اكتر عن حرمته الاولى الي المسكينه تشوفه بس في الويك اند,و تحيد ريلها ينكرف عشانها.
و السبب الرئيسي لهذا النوع من الزواج هو الفراغ لي عند الريال بعد الدوام و الضحية هي الزوجة الاولى و العيال .
لكن هذا النوع من الزواج خراب بيوت
خواتي هاي نصيحة لوجه الله
كتبتها بعد ما قريت معاناة عضوة معانا الله يفرج همها
اصلا ما بيااخذ وحده صدرهاا ظااهر جداام الخلق شوو ما يغاار
وبعدين الطيور على أشكالها تقع ,,,
بس صدقتي إختي الحرمه مفرووض ما تخلي ريلهاا ,.. ريلهاا على ريييلة ..
خااصه يعني فالبعد مفروض تسكن معااه .. ومرات يكون الدوام ما يسااعد تسكن ويااه لان يقظي الاسبوع كله بالدوام
أما إلي مستأجر شقة … مفرووض ماا تخلية لان مهماا كان الرجل يحتااج لزووجة عنده …
بس بعد في نااس عندهم ضرووفهم وما يقدروون مثلا يستأجرون شقة كبيرة
وجيييه فيسكنون 2 شباب في شقة مع بعض
ويزاج الله خير ع النصيحه
وحبيت اقوول إلي يباا يتزوج .. بيعرس حتى لو كاان دوامه الباب بباب البييييييييييييييت ….
لا تخلين الحريم يشكون برياييلهم
صح في جي رياييل يمشون مع وحده جي بس ف كل مكان مب شرط في ابو ظبي بس
وما يخص الدوام
اعرف وايد ناس سووها
مشكله دوامهم بعيد ويمكن ضروفهم ماتسمح يودون حريمهم وياهم
الله يستر بس
بس اذا الحرمة تداوم بامارتها
هذيج الساعة ماتقدر تلحق ريلها
واذا تزوج عليها ترى كلها قسمة ونصيب
والله يهدي الجميع
الحينه اللي ظروفه ماتسمح اييب حرمته وعياله بوظبي خلاااااااااااص بيتمشى مع مفاصيخ وبيتزوج الثانيه !!!!
ما راح اماراه ثانيه وكل اسبوع ماسك خط الا عشان يوفر لعائلته الحياه الكريمه !!!!
واذا ماقدر اييبهم بوظبي !! الايجارات عندنا نااااااااااااااااااااااار !!!
ماتدرين بظروف الناس !!!!
ومنو قالج انه كلهم بيتمشون مع مفصخات !!!! عشان اهلهم في الشمال !!!!
لا حبوبه يخافون على سمعتهم حتى من الشباب اللي يداومون معاهم !!!
حسستيني انا يالسين ماادري وين !!!
ماانكر فيه الصالح وفيه الطالح !!!
بس مب معناته اللي يشتغل في بوظبي ومودر اهله وحرمته وعياله وكل يوم ضارب خط واحد لعاب !!!
الله يهديج بس
لكن هاي ظاهرة و هذا واقع
ما ألفنا شي من عندنا
و انشاء الله بافكاركن و اقتراحاتكن
تساعدن خواتكن الي يعانون من ها الشي
أو لي ممكن بيتها يتعرض لهذا الشي لا سمح الله
المشاركة الأصلية كتبت بواسطة الوفيه 
