الوسم: الشهريه

السلام عليكم و رحمة الله وبركااته

بخصوص الدورة الشهريه .. انا ما تنزل عندي كلها علطول

يعني اليوم الأول طبيعي و الثاني بعد طبيعي و الثالث تبدا تخف عني شوي و الرابع عادي ما ينزل عندي شي مووووول او يمكن كم من قطره
و الخامس شويه رقعه صغيره … و احيانا السادس ينزل شوية يعني بعد رقعه صغيره و السابع نفس الشي و خلااااص

أبا اعرف هالشي فيني انا بس و لا عادي حتى انتو نفسي يعني عاادي تتقطع؟؟

انا اتلعوز في سالفة الاغتسال و خصوصا في شهر رمضااان

يعني اليوم سابحه قلت ان شاء الله خلاص و اليوم الخامس و اول ما ظهرت من المسبح يتني شويييية و مبين احمر يعني دم حيض و الله تقهر استغفر الله و لبست الفوط الصحيه و ماشي

بليييييييييييييييز فيدوني؟
و هل في علامة لانتهاء الدم تماااام؟

و ياليت لو توصفون لي عدل >.<

اترياااكم في احر من الجمر؟؟

حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب

انا نفسج عاااادي

اووونه؟

و كم يوم اتم عندج؟

علامة الطهر من الدورة هي القصة البيضاء .. تعرفينها بإنج تاخذين قطعة قطن (من اللي نستخدمها لتنظيف الوجه) وتمررينها على المكان اللي ينزل منه الدم .. فلو طهرتي تطلع القطنة فيها مثل السائل اللزج ويكون لونه صافي (أو أحيانا فيه كدره) بس المهم ما فيه دم ..

نصيحتي (بداية من الشهر الياي) أول ما تيج الدورة ابدي اشربي جرفة بشكل يومي وأكثر من مرة في اليوم (طول مدة أيام الدورة) .. إن شاء الله بترتاحين من مسألة التقطيع في الدورة ..

مشكورة اختي ع النصيحه بس كيف اغليها في الماي و اشرب مايها و لا كيف بالضبط؟؟

و انا سويت القطنه بس طلعتلي ناااشفه؟؟ ما فيها شي موول؟

انا جي كان اييني
هذا معناته انها الدورة على وشك الانتهاء

وجزاكم الله خير

السلام عليكم ورحمة الله
صباح الخير يالغالية
عندج في مستشفى النور شارع المطار عن تجربه شخصية دكتورة إيمان وعندج دكتورة ماجده

دكتورة ماجدة المصلح … مستشفى النور

مركز اﻻمير الكبي

الدكتوره سوسن
الدكتوره مريانا

جزاكم الله خير

الدكتورة سوسن الامير الطبي
والدكتورة نوال كانت بالامارات والحين بالكندي

هلا بنات شحاالكم ..؟؟

بس عندي استفسار عن المشروبات اللي تنزل الدوره …. واذا تأخرت كم يوم هل يكون عادي ولااااا.

عادي اذا كم يوم … واشربي الحبه الحمرا… وعندج القرفه

هلا أختيييييي ميس أحسن شي للدوره
الصراحة أنا استخدمها كل شهر تعرفين شوووو
عصييييييييييييييييييييييييييييييير أناناس
وسلامتج حبيبتي كل شهر
خخخخخخخخخخخهههههه

انا عمري 19 ومن يوم ما دخلت 19 ودورتي متلخبطة تجيني مرتين في الشهر ؟ فما ادري
هل هو شي عادي لاني سمعت الوحدة لما تكون على ابواب ال20 الدورة تتلخبط ؟؟؟
افيدوني

الحاله النفسيه تلعب دور ………. سبحان الله انا لما اتعب واضايق كانت الدوره ماتيني شهرين او ثلاثه وكنت بنت مب متزوجه ….. وكنت اراجع ويعطوني دواء بس تحاليلي سليمه

فديتج راجعي دكتوره نسائيه

القرفه يقولون زينة وعصير الانناس الطبيعي

السلام عليكم خواتي

حبيت اسال سؤال عن الدوره الشهريه

يوم اتييكم الدوره شي بنات ما تاثر فيهم يعني اتيهم خفيفه الاعراض

وشي بنات اتيهم قويه

انا اليوم يتني واول مره اتيني قويه واايد

ماعرفت كيف اتعامل مع هاي الحاله

الام الركبه والظهر والراس والبطن

وضيج واكتئاب وانقلاب المزاج والارهاق وزواع

يا ريت لو تخبروني عن طريقه اقدر اخفف فيها الالام الدورة الشهريه

بصراحه انا من النوع الثاني .. عكسج تماما

لين الحينا ماحسيت باي عوار .. الدوره اتيني عادي ومنتظمه

بس اتزيد عدد ساعات النوم عندي

يعني فتره الدوره ارقد فوق 16 ساعه ..^_^..

ان شاء الله الخوات بيساعدونج

ريحي عمرج .. اشربي أشيا دافية وابتعدي عن البارد خاصة المشروبات الغازية
ولا تقعدين مجابل المكيف ولا فـ مكان بارد لان البرد ممكن يزيد عليج الويع

خذيلج مطارة ماي حار وخليها تحت ظهرج يريح العظام شوي

الشاور بـ ماي دافي ممكن يريحج شوي….

امممممممم ولو مارمتي تتحملين الألم خذي بروفين بس الأحسن انج ماتعودين عمرج عالادوية

والله يعينج >.<

انا مستغربه ان اول مره فحياتي

يعني اول مره اتيني الدوره وجي ركبتي تعورني وما اروم امشي عليها

ابا اعرف شو السبب وهل هالحاله متكرره عند غيري او بس لي انا؟

إنتي يحظج أول مرة عيل اناااا من عرفت الدورة اتعورني
بطن وظهر وكل عظمه في جسمي غير العصبية والتعب النفسي
اتخيلي كل هذا يمر 3 أيااام ….. أشرب مشروبات عشبية دافية بس ماتنفع أكل أدوية بس ولاشي
وألمهاااااااااااااااا مووووووووووت بس مع كل هذا الحمدلله
والله يعينج حبيبتي

انا كنت مثلج ايام المراهقة كنت اتخبل بس احين الحمدلله خف العوار

اختيه عليج بشاي احمر بالنعناع .. انا شراتج واخس بعد بس للاسف
عودت عمريه ع الادويه وقبل كنت اخذ ابر بس الحمدلله

وربي يعطيج العافيه ..

السلام عليكم حبيباتي
بنت عمتي عندها بنت عمرها 14 سنه يتها الدوره الشهريه
ومشكله تطول معها لين 10 أيام والعاشر تغتسل منها
بس ليش وايد جذه
أنا أحيد أتي الدوره الشهريه لين 5 ايام و 6 يوم تغتسل وفي
الناس اتم فيهم لين 6 ايام و 7 يوم تغتسل منها الدوره
هل هذا عادي ولا في مشكله؟
ممكن تساعدوني الله يخليكم
أمها تفكر في بنتها ليش الدوره عنده تطول لين 10 ايام
و10 يوم تغتسل تري هذا تعب لجسمها وحليلها
أنتظر الرد أرجوووووووووكم أمها تبغي تعرف هل هذا طبيعي ولا لا؟

هلا فديتج
وعليكم السلام ورحمة الله وبركاته
الله يخلي لكم اياها يا رب ..
عن نفسي ما عندي خلفية .. بس احيد وحده من ربيعاتي
يوم كنا في فترة البلوغ كانت تييها الدورة وتم فيها اسبوعين يعني عقب اسبوعين تتطهر منها
انا بعد احيد كنت 7 ايام والحين 5 ايام ..
يمكن مع الايام يقل عدد الايام ..
بس نصيحة تروحون عند اي دكتورة نسائية وتسالونها
عشان ترتاح الام وما اتم تفكر وايد ..
هذا كل اللي عندي

يمكن طبيعي هالأمر في بداية الدوره الشهريه بس بعد كم شهر الأيام بتقل إن شاء الله ..

مشكووووووووورين حبيباتي بخبر امها ان شاء الله

عادي مافي مشكله

سمعت في حريم اتم وياهم بـالاسبوعين والله اعلم
وانا اول ما بلغت كانت اتم 6 ايام تقريباً ، والحين اقل

طبييييعي عاادي في بنات احيد اول سنه الهم اتطول لين 14 يوم
لين ما اتكمل السنتين عقبها تنتظم وانا كانت جيه وياي

هلا حبيباتي قلت ما حد بيفيدني غيركن بتعطني الراي العدل
بنات اليوم بيي ريلي من السفر واليوم موعد دورتي مش حلوه اكون مقصره في حقه وهو بيي كم يوم بس اخذ حبوب منع الدوره عادي والا شو اسوي
انتظر ردكن بسرعه؟؟؟؟

انتظر ردكن؟؟؟؟

ما حد يرد شو السالفه اليوم

ان شاء الله خواااااااتي بيفيدونج

كيف تاخذين حبوب وهيه فيج ….

اعتقد ما يستوي … فات الوقت لانها يتج لو خذتيهم قبل كان احسن …

أختي في حبوب واااايد أوكي Primolut

هاي الحبوب الي تتكلمين عنها . بتاثر على الاباضه.

خواتي دور الشهريه ما نزلت كانت تنزل في 10 مره 12 بس الحين طوفت ليش شو سبب ساعدوني ابا انزلها اخاف ساعدوني

اذا انتي معرسه ان شاء الله حمل وا1ا مب معرسة راجعي عند الدكتورة عشان تنزلها لج

انا مع كلام الاخت جروح_دمية

انا من ربيت الين اليوم ماوقفت عني الدوره اول ما ربيت 29 -7 -2008 واليوم كم
13 – 10 -2008
على العلم انا استعمل مانع الحمل قلت يمكن اتوقف بس ما فادني
اخاف انا مريضه مادري

والله ما عندي فكرة اختي

بس اظن لازم توقف من زمان

لو تفحصين أأمن لج

وليش ليين الحيين ماسرتيي العياده مب زيين جيه بيقل عندج الحديد

حبيبتي لازم تراجعيين الدكتووره مب زين ..

لازم اتسيرين العياده

طمنينا عنج

الغاليه روحي العياده .. وطمنينااا عنج ..

السلام عليكم ورحمه الله وبركاته

خواتي الغاليات عندي استفسار
الدوره الشهريه تاخرت عليه هالشهر تقريبا 7 او 8 ايام والبارحه سويت اختبار الحمل بس طلع مافي حمل هل ممكن اكون حامل؟ او ممكن الدوره متاخره عندي؟

في انتظار ردودكم واباكم اطمنوني يزاكم الله خير

ان شاااااااااااااء الله تكونين حاااااااااااامل
ويمكن يكون ارتفااااااااااااااااع فالهرموووووووووووووووون

كيف ارتفاع فالهرمون واتقولج انه طلع سالب!!
^^"
ان شاء الله يكون حمل ،، بس لو اتجيكيين فالعياده احسن ،، لانه في بنات ما يطلع لهم فالتحليل المنزلي ،،،
وشسمه دام انه توه الا طايف موعد دورتج ،،، يفضل اتحللين الصبح
اول ما اتقومين من رقادج ،، اذا بتردين اتحللين فالبيت ،،
لانه نسبة الهرمون اتكون مرتفعه عند الحامل بعد الرقاد

الله يرزقج وييسر لج ،،
^^
*

الغلا حللي الصبـح بـ كلير بلو الديجيتـآل

اللي يرسمج علامه البلس او الماينس

مب اللي بالخطوط الزرقا العاديه

الله يوفقج و يرزقج يارب

ان شاء الله يا رب حامل

يمكن حمل متاخر و ما يبين الا بعد 10 ايام من تاخر الدورة (ان شاء الله يا رب حمل متاخر و تفرحين به)

انا قبل شهرين تاخرت الدوره عندي 9 ايام بس كله يطلع لي سالب و اخر شي نزلت

بس ان شاء الله تكون حالتج غير

للرفع

فحصي ف العياده فديتج والله يرزقج يارب وتبشرينا بالخير