الوسم: الطيبات

هلا فيكم حبايبي ..
شحالكم ,,,
بغيت اسألكم عن محلات العبايات (حناين ,, وM&A) وين مكانهم بدبي ؟؟
واذا فيه محلات بمستوى شغلهم ياليت تدلوني على اساميهم ومكانهم …
ومشكورين مقدما يا غاليات ..

مرحبا اختي قموورة بصراحة أنا جربة عبي M&A
واااااااايد روعة وخبال مكانهم في مردف بدبي والمحل في فيلا بعد وحياج الله عندنا في الامارات تراج أخت وغالية ولي تبينه تراه حاضرين….ماعليج من كلام رواضي تراه تضحك معاج..والسموحه

اختي انا والله ما اعرف في دبي بس حبيت اعتذر عن وقاحت الرد عليج ولا تحطين في خاطرج

فديتج في وايد اماكن حلوه لفي بالقسم ودوري على مواضيع العبي بتحصلين وايد معلومات كاتبينها البنات فردوودهن

واعتذر عن رد الاخت روضه ……… تراكم هلنااااا ونحن دوم عندكم ويشرفنا وجودكم بينااااا ^^

مرحبابج يا قموره بين اهلج وناسج …
بالنسبه لحناين فهو موجود في مركز الغرير ..
اما المحل الثاني ما اعرفه

انا استغربت من رد الاخت رواضي المعروف ان نحن الاماراتيات طيبات ومانعامل الخلق بها الطريقه واسمحيلنا اختي قموره تعرفين ان اصابع ايدج هب نفس الشي واي شي تبينا ندليج عليه امري فديتج

شو هالوقاحه !!!

اختي قموره ماعليج منهاا هاذي بس تبى تسوي اكشن في المنتدى

على العمووم حياج الله في أيي وقت في بلدج الثاني ومثل ماقالن البنات محل M&A في مردف اما حناين والله ماعندي فكرره عنه

وفي الشارجه بعــد يمدحون دار وعد للعبايااا

واذا تبين أي شي نحن حاضرين ^__^

بنات وين ممكن أحصل مكان يبيع وعيان وصحون وطبق حلوة وراقية؟ غير سان ماركو بعد شو؟ وياليت تقولون لي أماكنهم في دبي أو الشارجة أو عجمان؟

هوم سنتر + ايكيا + ذون

وايد احب مواعينهم ^_^

هوم سنتر
ايكيا كل شي عندهم

طالبين من بنتي ..
انجاز مجسم افضل مدينة مرورية

ما تقدر تساعدني .. وتعطيني فكرة

وجزاكم الله خييير

ارجوكم لا تنسوني :22 (3):

إهيه في أي مرحلة دراسية يالغالية ؟

ام عبدالله لو انتي من دبي بنعتج مكان يسوون هالاشياء ..

بنت زايد هي في الصف الثالث ….

اوكي ممكن تقووليين لي وين في دبي … احتمال اخلي حد يسويلي …

وتسلمون على الاهتمام والمرور …

الغالية ما في احلى من خامات البيئة والصور والالعاب اللي البنات حطوهم لج
عندج التعليم المبكر
عندج تويز آر اص

لكن اذا بخامات البيئة

تسوين الارضية شارع من ورق البريستول ومكان للدوار تحطين فيه كريشة اخضر او ترتان اخضر وتحطين ورود صغيرة تزينين الدوار والشارع
ليتات الشارع تسويها من اعواد مصاص العصير الستروب
السيارات من علب الكبريت تظهرين صور سيارات من الكمبيوتر وتحطيها على علب الكبريت
ممكن تسوين بنايات وبيوت من علب الكلينكس والعصير
اشارات المرور معروفة تطبعيها من الكمبيوتر او استكرات في المكتبة

ان شاء الله استفدتي

عندي محنة انا اعيشها من اربع سنين يوم تقاعدت وتوفت الوالدة وعيالي في المدرسة وانا ماعندي خوات كلهم شباب مليييييييت وايد فراغ قاتل احفظ شوي قران ازور الارحام اسير اقضي اشغال البيت بس اردواحس بالملل شو اسوي؟؟؟؟؟

انظمي لدورات ..روحي محاضرات……..افعلي الخيرات……..اكيد البنات بيكملون ع نفس القافيه ههههههه

سيري النادي وسوي رياضة وبعدين كل اسبوع سيري الصالون غيري من شكلج
تعرفي على ربيعات يدد

الله يعينج ..

حاولي تكوني اجتماعية ، كوني صداقات يديدة ، زوري الناس..

شوفي هواياتج ، وطوريها …

حاولي تسوين مشاريع أسرية ، يعني شي بينج وبين عيالج …

والحمدلله إنج تستغلين وقتج بالطاعات ، وهذا اهم شي..

والله يوفقج…

والمنتدى تبارك الله وايد حلو …

دخلي بين فترة والثانية ، وبتشغلين وقتج بما هو مفيد بإذن الله..

^^

ممكن تكوني عضوة في مجلس الامهات في مدارس عيالج

الله يعينج غناتي

قولو’ لي خواتي في الشارجه وين ممكن تعقد محاضرات غير جمعية الشارجة النسائية بعدين بسألكم اذا وحده تعرف ممكن الالتحاق بجامعة الشارجة للدراسة اتمني ادرس دراسات اسلامية …………. بس مبعارفة كيف بعد هالسنين تقبل شهادة الثانوية مع العلم انا جامعية

منقول

أحبكن في الله

يزاج الله خير

اللهم اجعلنا من العفيفات التقيات النقيات

يزاج الله خير

اللهم اجعلنا من العفيفات التقيات النقيات

ما شاء الله ما شاء الله … الله يباركلنا ويرزقنا بزوج مثله وبصفاته يارب العالمين ……..يا حي ياقيوووم

صلوا على النبي يا بناااات

عليه الصلاه وازكي السلام

السلام عليكم حبيباتي انا عندي ولد بيكمل 4 سنين ابا ادخله روضه السنه اليايه ان شاءالله
واحنا من سكان منطقة محمد بن زايد
سمعت عن روضة البدور انها ممتازه وبمستوى المدارس الخاصة
بس للاسف مايقبلون ولدي لانه شي مدرسة اقرب للحوض اللي ساكنين فيه وهي مدرسة عبدالله بن عتيبه
بنات شو رايكم بهالمدرسه؟ حد عنده ولد يدرس هناك؟ شو مستواهم؟؟ افيدوني الله يخليكم

ما قد سمعت عنها يالغلا
موفقة

السلام عليكم حبيباتي انا عندي ولد بيكمل 4 سنين ابا ادخله روضه السنه اليايه ان شاءالله
واحنا من سكان منطقة محمد بن زايد
سمعت عن روضة البدور انها ممتازه وبمستوى المدارس الخاصة
بس للاسف مايقبلون ولدي لانه شي مدرسة اقرب للحوض اللي ساكنين فيه وهي مدرسة عبدالله بن عتيبه
بنات شو رايكم بهالمدرسه؟ حد عنده ولد يدرس هناك؟ شو مستواهم؟؟ افيدوني الله يخليكم

ما قد سمعت عنها يالغلا
موفقة

السلام عليكم ورحمه الله وبركاته

شحالكن خواتي ؟…

فديتكن ابغي فكره طرحه يديده لفستان سهره ..اللي عندها لاتبخل عليه..

وربي لا هانكن ..

وعلييكم السلام …

صراحه انا ماعندي فكره ..

بس حبيت ابارلكج .. :>

وان ساء الله البنات يساعدوونج

الله يبارك ف حياتج فديتج ..

ومشكوره لمرورج يالغلا ..

وربيه لا هانج..

امممممممم طرحة لفستان سهرة؟

الغالية طرحة عروس ولا كيف بالضبط عشان نقدر نعطيج أفكار

اذا قصدج طرحة عرووووس..

انا جايفه وحده اجنن اتي ملفوفه ع الايد..

يعني اتي ع الرااس بعدين ادخلين ايديج الثنتين..

انشالله فهمتي لاني ماعرف اشرح..

والسمووحه..

مشكورات خواتي بس انا قصدي طرحه لفستان سهره مب عروس

السلام عليكم اخواتي الطيباات
انا عملت تلقيح صناعي من حوالي 16 يووم والطبيبه اوراس العراقيه اعطتني مثبت دوفاستون من لمده 10 ايام ابتداء من اليوم ال3من التلقيح الي قبل الدوره بيوم واحد وككنت اشعر بتحسس في حلمه الصدر بعد اخذي للمثبت وايضا وجع البطن والظهر استمر يوماان فقط بعد انتهاء فتره الاباضه ولكن اختفي كل ذلك قبل الدوره باسبوع وقلت في نفسي ستشرف الدوره لكن حاليا تأخرت علي 3 ايام بعد اخر حبه مثبت بالاضافه ان سبب عملي للتلقيح هو ميلان الرحم للخلف مع انثنائه الي اليسار مثل حرف ثمانيه بالاضافه الي انني اخذت في شهر التلقيح كلوميد من اليوم 3 من الدوره الي ال7 حبيتين مساءا
والطبيبه لم تلقحني الا بواحد ملي فقط وقالت الرحم مايتحمل اكثر من ذلك
وايضا سويت تحليل حمل منزلي في صباح اول يوم للدوره ولم اجد حمل ولله الحمد

اولا انا سويت مسح علي الرحم مرتان بالزيد في الشارقه عند واحد اسمها حمامه او حميمه ولكن لم ينعدل الرحم وكنت اذهب اليها بعد الطهر من الدوره مباشره مره واحده في كل دوره اي مرتان في شهرين فقط لاغير

وعملت حجامه في نفس المواقع التي اوصي بها الرسول مره واحده ايضا ولكن لبعد المسافه بين الشارقه والعين لم اسويها ثانيا
انا كلما نسيت الموضوع حتي لاتزيد حالتي النفسيه سوء اجد زوجي يذكرني بها ويسالني ان كنت اشعر بالحمل ام لا او يحضر لي اختبار حمل ويصمم علي عمله حالا واضطر اعمل التحليل واتقبل الصدمه برغم اانني شبعت من هذه الصدمات كل شهر منذ ان حدث لي الاجهاض من سنه وشهران وكنت لسه عروسه متزوجه 45 يوووم

انا عارفه اني اطلت عليكم لكن الحقيقه مالي احد هنا بالغربه غيركم بعد ربنا وكنت اريد اسمع اي شئ من اخواتي الطيبات
هل الطبيبه بها شئ خطأ وااغيرها؟؟
هل هناك احد يسوي مسح للرحم يكون بالشارقه لان زوجي دائما مشغول وصعب ان اخرج بمفردي لمسافات طويله؟؟
انا فكرت اخذ مشروبات ساخنه كالقرفه حتي تنزل الدوره هذه المره وبعدها ااخذ كلوميد مره ثانيه وااسوي تلقيح
ولكن ماالفائده في كل هذا وااكلف نفسي وصحتي واعصابي وفي الاخر لدي مشكله بالرحم سواء ميلان للخلف او مشكله اخري …

هل اكرر عمليه اشعه الصبغه ثاينا لاني عملتها من 9 شهور وكان بين ان الرحم مائل وان لدي انسداد بسيط والصبغه فتحته وعملت التلقيح بعدها ب9 شهور ؟؟؟؟

صدقوني لقد فكرت في الانفصااال كثيرا من كثره حديث زوجي عن الاطفاال وحبه لهم خاصا انه قد سبق له الزواج قبل مني وتركها بعد سنه ونصف من الزواج وجلس اعزب 4 سنوات حتي تزوجني ولي معه سنه و4 شهور

فديتج لا تفكرين بهالطريقه ولا تكونين متشائمه
ان شاءالله ربي بيرزقج
ولو كان ميلان الرحم عاىق كان ما حملتي
وماشاءالله انتي حملتي قبل
وكلمي زوجج انه ما يلح عليج واذا عنده هالقدره فالالحاح
خليه يلح بدعائه لرب العالمين!
هو اللي يرزقنا

لا تشربين شي ولا غيره دام بعدها ما نزلت استني يمكن يكون حمل واذا لا سمح الله مب حمل ترا بتنزل بروحها
وساعتها شوفي شو بتسوين
فالعين عندج مسيحات
وعندج مركز الرحمه اعتقد اسمه يسون الحجامه
ماله داعي تروحين للشارقه
حتى مستشفيات الحمدالله متوفره فالعين

اذكري الله وتعوذي من ابليس
وانسي فكره الانفصال بسبب هالموضوع
الا اذا ريلج سوا هالشي من نفسه الله يسامحه!

زوجج فحص؟
تقولين كان متزوج
زوجته الاولى حملت منه؟

نعم زوجته الاولي حملت مرتان في خلال سنه ونص ولكن سقطتت في كل مره لانها سمينه شوي وتريد تعمل رجيم وربط بعنق الربط اثناء الحمل وبعدها تزوجنا وحملت ونزل بعد 45 يوم وحدث لي ميلان رحم من 9 شهوووور وزوجي سوي تحاليلل وماشاء الله ممتازه وهذا ماشجعه انه يفكر في الزواج ويلمح لي كثيرا في هذا
وانا وزني 50 وطولي 159 وانا مقيمه بالشاارقه مش العين
انا اضطريت اذهب الي العين من اجل الحجامه مره برمضان
ومرتين مسيح من الزيد بالشارقه هناا

الله يصلحه اذا ربي ما رزقه من الاولى ولا الثانيه شو يضمنه انه الثالثه بتضبط معاها
لازم يصبر ويكون مؤمن بربه
اهاا انا عبالي انتي من العين
انزين
بالنسبه للمسح والحجامه في اماكن اقرب لج من العين اكيد
سيري عند مسيحه غير عن اللي جربتيها وتكون معروفه ومجربه
وعن الحجامه
مم يومين شفت فالتلفزيون مقابله مع حرمه تسوي حجامه وعندها رخصه من وزاره الصحه
وهي اتوقع فالفجيره مب متاكده بس بتكون اقرب لج من العين
وميلان الرحم
انتي متاكده انه ما كان عندج من قبل؟
لان اللي اعرفه شكله الرحم ما يتغير
بس ممكن يصيبه نزول لا سمح الله ويرجعونه
بس الميلان هذا شي خلقي وما يتغير
الدكتوره فحكمه نساء قالت الرحم المايل او ما يسمى بالمقلوب
الفرق بينه وبين الرحم الغير مائل
كان تقول فلان انفه كبير وفلان انفه صغير
يعني شي عاادي جدا

الله يرزقج اختي و انشاء الله هالشهر اتبشرينا بالحمل

دورت لج فالنت وحصلت هالمعلومات عنها وتقدرين تبحثين اكثر
الفجيره اقرب لج من العين
هي تمسح وتمارس الحجامه قانونيا
وبانواعها الجافه والرطبه
والله يوفقج ان شاءالله

نشأت موزة المزروعي في حضن أم اشتهرت بقدرتها على مساعدة الناس على الشفاء عن طريق “المساح” (المساج)، و”الخبانة” (الحجامة الجافة). وكانت الأم أيضا تعالج بالتشريط إلى جانب قدرتها على ضبط المقادير العشبية لعلاج بعض الحالات. وتعد موزة المزروعي أول إماراتية تحمل رخصة فني معالج بالحجامة من وزارة الصحة، تخولها ممارسة الحجامة ضمن إطار قانوني.
هذه الرخصة تخول لموزة المزروعي ممارسة الحجامة في عيادة خاصة يوجد بها طبيب مرخص وممرضة، للكشف عن الحالات قبل وبعد الحجامة. ويعمل ضمن العيادة للرجال يوسف المطلعي ويعد ثاني إماراتي يحمل الرخصة ذاتها. وتقع عيادتهما في إمارة الفجيرة.

السلام عليكم ورحمه الله وبركاته

شحالكن خواتي ؟…

فديتكن ابغي فكره طرحه يديده لفستان سهره ..اللي عندها لاتبخل عليه..

وربي لا هانكن ..

وعلييكم السلام …

صراحه انا ماعندي فكره ..

بس حبيت ابارلكج .. :>

وان ساء الله البنات يساعدوونج

الله يبارك ف حياتج فديتج ..

ومشكوره لمرورج يالغلا ..

وربيه لا هانج..

امممممممم طرحة لفستان سهرة؟

الغالية طرحة عروس ولا كيف بالضبط عشان نقدر نعطيج أفكار

اذا قصدج طرحة عرووووس..

انا جايفه وحده اجنن اتي ملفوفه ع الايد..

يعني اتي ع الرااس بعدين ادخلين ايديج الثنتين..

انشالله فهمتي لاني ماعرف اشرح..

والسمووحه..

مشكورات خواتي بس انا قصدي طرحه لفستان سهره مب عروس