خواتي انا بصراحه لاحظت في بعض المطلقات الله يهديهن يحرمون الاب من شوفة العيال ويحاولن ينقلون للأطفال افكار ومعلومات غير صحيحه عن الأب لتشويه صورته جدام عياله – ليش الاب مب انسان ما يبا يشوف عياله وفي هالحالة تي الحرمه وتنتقم بتحريم شوفة العيال.
صح القانون يسمح ان الاب يشوف عياله في اسبوع مره – بس بعد حرااااام يمكن العيال يكونون متولهين على ابوهم او العكس شو المشكله لة اتساهلت الام بدل ما اتصعب الامور.
وفي مطلقات فيهن خير متساهلات ولا يدمجن مسألة الانفصال بمسألة العيال وتحترم شعور اطفالها لو يبون يشوفون الاب او أهله (يدتهم – يدهم .. الخ)
ادري يمكن الموضوع مب جديد بس حسيت لازم افضفض حرتي
في انتظار تعليقاتكم
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
لغرض انها تنتقم من ريلها خص لو كان معذبنها او شي ثاني
و في بعض الحريم يحرمون اليهال من ابوهم تحميهم منه
خص لو كان مثلا سكير و مدمن ولا زير او ممكن تكون فيه حالات نفسيه صعبه
فهالحاله انا ويا الام مليون فالاميه الصراحه
ما نقدر نقرر و نفكر ليش يسوون جيه
بس الفئه لي انا ما اتعاطف وياها
هي الحرمه لي تطلقت بسبب اغلاطها وعنادها و اسلوبها و فوق هذا
تحرض العيال على ريلها و تشوه سمعته لو هو ريال زين والنعم فيه بس لانه طلقها هاي فعلا مذنبه و اليهال ضحية
للرفع
بس ما أعمم شيء بعضهم زينين بس الأشيا اللي صارت بين المطلق و طليقته تجبرهم يتصرفون بأنانيه
