الوسم: المطلقات

سؤال ؟؟؟؟؟

وردوا بكل صراحه

هل النفقه تكفي عيشتكم وتكفي مصرف العيال ؟؟؟!!!!؟؟؟؟!!!!؟؟؟

بس يا ست فواكه ياحلوه ….

انا ما اشوف المطلقه مظلومه ولا مغلوب على امرها بالعكس المطلقه انسانه قويه لانها تقاوم مصائب الحياه بعد الطلاق

يعني انسانه خذت قضمتها من الحياه والحياه لن تقف على تجربه واحده بالعكس

وانا دائما اقول المطلقه ظلمت في مجتمعنا …باسم المطلقه فقط اسم ليس بجوهري لانثى قطفت منها احلى ورود من ايامها

احبكم في الله

اعرف وحده تطلقت لان زوجها كان يضربها ضرب كل يوم والحين تزوجت من واحد ثاني وعندها عيال

اعرف وحده تطلقت بعد سنة بسبب البلاك بيري زوجها ماكان يباها تنشغل على البلاك بيري وهي كانت معانده وتطلقت وهي عروس

اعرف وحده تطلقت لان تزوجت ريال عنده عيال كبار وعياله هددوها وخلو حايتها جحيم وتطلقت بعد اسبوع من الزواج

حرام تعرس المطلقه

للمتزوجات حاليا

والمالجات واللي بعدهم يتريون نصيبهم

والمطلقات والله يعوضهني ربي كل خير

ياليت كل وحده تذكر موقف استوالها مع زوجها او اهله وندمت على ردة فعلها وجتها مشاكل و عوار راس من وراه او تطلقت بسببه

او شي تظن انها كانت ممكن تكون اسعد لو سوته

وتتمنى لو يرد الزمن وتكون ردة فعلها مختلفه ويمكن هالشي كان ممكن يغير علاقتها بزوجها واهله للافضل

الموضوع فقط حتى يستفيد الكل من هالتجارب بس ولااكثر

عن نفسي كمتزوجه من عدة سنوات اتمنى لو ان فترة ملجتي كانت اطول لانها بس كانت 3 شهور

واني انتبهت على نفسي ولاحملت من اول شهر للاسف ضاعت شهور العسل كلها بالوحام

وصدقيني من تجربتي ومن اللي اسمعه الريال اللي يبدا حياته بهالنوع من المشاكل نادر يتعدل

والله يعوضج خير عنه يارب ومشكوره على المشاركه

up

بعدني عزابيه

بس منكم نستفيد

.
.

انشااءالله دووم جيه ..

آآآمين ..

انا مطلقه من ملجه بس^^

لو ابي اقول موقف ندمت عليه هو موافقتي ع هالشخص لووول

بس هاي مو موضوعج موقف صج ندمت عليه..

اني تشكيت حق طليقي يوم كان خطيبي عن فعله سوتها اخته
لانها كانت مسويه عزيمه بسلامه ولدها وانا مادريت الا يوم وصلت عدهم وانا عبالي يمعه عاديه مثل كل مره

الا اشوف الكل كاشخ وهو ماخبرني الا نفس اليوم او بالاحرى قبلها بساعه

واحنه عدنا عيب لازم هي تتصل فيني شخصيا وتقولي
بس انا غبيه المفروض ماروح ^ من راح بليه عزيمه بات بليا فراش^

ويوم انقهرت وحزت في خاطري ان الكل موجودين يلست اصيح من خاطر
بعدين اونه بعلمه ع طبعي وقلتله احنه من عوايدنا اذا عزيمه حريم لازم الحرمه تتصل وعدنا عيب
ان هي تقولك وانت اتيي تقولي.. بس خبرته ان مايقولها..

معلومه ان علاقتي بهم وايد كانت اكثر عن الممتازه
وهاي اللي حز في خاطري زود لاني كنت مستحمله تصرفاته عشانهم

الموهيم وانا طالعه الا اخته داقتلي تقول ليش تقولين له
وانا وانا وتطلع اعذار اني انا الغلطانه
والحرمه لازم ماتشكى لريلها عن هله
وانتي فعلتج وتركتج …. انصدمت
اونه يوم ولدها مرقد انا ماتطمنت عليه ونست اني كنت في فتره امتحانات ومتعنيه المستشفى حق ولدها
هني يوم قلتلها انحرجت وتمت تبي تقلب السالفه علي..

الموهيم عقب هاي الموقف حسيت اني فقدت الشي الوحيد اللي يربطني به واللي هم اهله
وصار الطلاق..

انا اللي ندمت منه ان هم يمكن خذوا فكره غلط وماسمعوا مني السالفه واكتفوا بكلامها
واللي ماندمت عليه ان لولا هالموقف جان بعيش مع انسان مايستاهلني

رب ضارة نافعه^^

خخخ كاني قلت قصه حياتي لووول

تسلمين ع الموضوع مره ثانيه

استغفر الله استغفر الله

اللهم صل و سلم على نبينا محمد

المشاركة الأصلية كتبت بواسطة امواج لاتهدئ

الرضا بما كتبه الله لج ولا تفكرين تبين تعرسين اتركي كل شيء
لتدبير رب العالمين فكري براحتج ولراحة بنتج ونصيبج في الدنيا
ما بيروح عند حد واذا الله كاتبلج الزواج باذنه ان شاء الله بتتزوجين
ولا تخلين حد يقهرج اونه يطرش صورة خطيبته لانه عارف انج تبين
تعرسين انتي مب ناقصنج شئ والزوج مب كل الحياة تمسكي بدينج وربج
ولا تعطين لحد مجال حتى لا يطمع فيج الرجال ها الزمن قلو وقلت الشهامة
وقصد اكثر الرجال قهر الانثى والبحث عن مطلقه للعب عليها لأنهم يعرفون
الحاجة العاطفية لها …اختي نصيحة اخت محبة لج الخير صوني نفسج عن كل انسان
غريب ولا تخلين قلبج مفتوح لاي انسان واللي بيفكر فيج كزوجة بيدل طريق بيتكم
اتمنى لج حياة خالية من كل جرح

وياج اختي

والحين بنتها بتتزوج…شو استفادت؟؟؟

في بنات ينصدمن في الزواج وشخصية الزوج (خاصه اذا حبته)في حالة الطلاق فاتفضل انها تغلق على نفسها وترفض هالباب وتشغل عمرها بامور ثانيه كالدراسه والشغل

والارمله موقفها اصعب خاصه في حالة وجود اطفال..لانها تحس بمسؤوليتهم اكثر

عالاقل المطلقه اتقول ابوهم موجود ويشل مسؤوليتهم

مادري هاللي طلع معاي من اللي شفته من تجارب صديقاتي
وبالنسبة للاسئلة:
السؤال الأول : رد الخطّاب الأكفّاء ومقاطعة الزواج وقرار العيش للأبناء هل هو قرار صائب ؟؟؟
بالعكس خاطئ الزمان مايوقف ولاحد بيتملها حتى عيالها..

السؤال الثاني : قرار تأخير الزواج برد الخطّاب إلى أن يكبر الأبناء هل تضمن تكرّر فرص خطبتها مستقبلاً وهل تضمن قدوم خطّاب أكفاء مثلهم – كتقديرمن عندها طبعاً بِناء على سنها وحسب حال بيئتها لأن العلم عند الله سبحانه – ؟؟؟
الابناء سيكبرون ان قدمت او اخرت..لكن الخطيب الكفؤ مابتضمنه كل مرة يتقدم

السؤال الثالث : متى السن الذي تحدده المرأة إن أبنائها هم ليسوا بحاجه كبيره لها وأنه قد آن لها الزواج ؟؟؟

مافي سن مايحتاجونها فيه بس زواجها مابيمنعها عنهم ومتابعتهم

و في بعض الحريم يحرمون اليهال من ابوهم تحميهم منه
خص لو كان مثلا سكير و مدمن ولا زير او ممكن تكون فيه حالات نفسيه صعبه
فهالحاله انا ويا الام مليون فالاميه الصراحه

ما نقدر نقرر و نفكر ليش يسوون جيه
بس الفئه لي انا ما اتعاطف وياها
هي الحرمه لي تطلقت بسبب اغلاطها وعنادها و اسلوبها و فوق هذا
تحرض العيال على ريلها و تشوه سمعته لو هو ريال زين والنعم فيه بس لانه طلقها هاي فعلا مذنبه و اليهال ضحية

بس ما أعمم شيء بعضهم زينين بس الأشيا اللي صارت بين المطلق و طليقته تجبرهم يتصرفون بأنانيه

شحالكم بناااات؟؟؟؟؟؟؟؟؟؟؟؟؟؟

طبعا الموضوع باين من عنوانه

وياليت كل المطلقات يشاركوني نشكو همومنا لبعض ……………. ونستفيد من تجاربنا

انا صار لي تقريبا 4 شهور مطلقه وعندي بنت وحاليا اتابع قضيتي بالمحاكم وشكلي مطوله وحابه استفيد منكم …

لو لقيت مشاركاتكم وتفاعلكم وياااااي بنتناقش اكثر لاني فعلا محتااااجه احد يواسيني ….

عليج يالغالية من حد..

انتظر الباقين …………………..

ربي يسرلج أمورج غاليتي

ويا بنات خلونا نكثر من الاستغفار والدعاء

والله كريم يفرجها ان شاء الله على الكل