السلام عليكم ورحمة الله وبركاته
كيف حالكم خواتي .. عساكم بصحة
أنا بكرية وقريب بدخل الشهر السادس بإذن الله
أمي متوفية الله يرحمها وقاعده أحاتي بعد ماأربي عمتي أم زوجي بتغرقني بالعادات اللي يسونها للمواليد
المشكله أنا ماعرف شو الصح وشو الغلط انا ابي اتاكد قبل لا اسوي الشي
في اشياء قريت عالنت انها اصلا مضرة فبيغت منكم الخبر الاكيد …
يعني على سبيل المثال تكحيل عين وحواجب البيبي بالكحل العربي (الصراحه أحس ماله علاقه يكثف الشعر ويوسع العين يعني هذا شي فالجينات )وقريت ان الكحل يحتوي على الرصاص وهذا وايد يضر البيبي
شي ثاني القماط اللي هو يشد عالبيبي مع حبل بعد قريت ان مضر …بعد دهن البيبي بحليب الام اونه يخفي الشعر ؟
الحين مب عارفه الصح من الغلط ياليت احد ينبهني ويخبرني اهم شي عندي صحة ولدي … 
اللي عندها اي معلومه او شي يسونه الاوليين وللحين متداول وتحس او متاكده انها مفيدة او مضرة تخبرنا عسب الكل يستفيد وتعطينا اسباب علمية ومنطقية
ياليت ماتهملون الموضوع وشكراً لكم
القماط هذا افضل خاصة فالشهرين الاولين زين للبيبي وصحته
اما سالفة حليب الام هااي اول مرة اسمعها
وربي يسهل علييج ويقومج بالسلامة غناتي
اما القماط وايد مفيد لين الشهر الخامس تقريبا وعقبها شوي شوي خففي من القماط لين يتعود البيبي يرقد بدون قماط بس أنا ما اربطهم بحبل أقمطهم من فوق بس صوب ايديهم علشان ما يخترعون من ايدهم ويرقدون أطول فتره ممكنة
بالنسبة للحليب اول مرة اسمع …. أنا اقول وفري حليبج حق تغذية ولدج أحسن من زود الحليب علشان تفركين جسم ولدج بعد 
والقماط أوكي بس من غير تربيط عادي كانت ام زوجي تسوي جي بس بأسلوب حلو
ماخليها تكمل وانا اخبرها أني خوافه وفعلا هي لاحظت هالشي أني وايد أخاف علبيبي
لأنو هذا الي بين ايديها ولدي وهي تبا اطبق عليه خبراتها الي ممكن تكون قاتله
الله يحفظ عيالنا ويقومج بالسلامه
بنتي الصغيرو نة صار لها انسداد في مدمع العين
لاتجاملين حد على مصلحه عيالج
