المشكلة انا من بوظبي مادل دبي وايد
بس بحاول اساعدج في الى اعرفه
محلات الجملة في دبي عندج في سوق نايف (قولوا حق التاكسي وهو بيعرف)
عندج محل "انفاسك دخون" في ماركاتو وايد حلو
عندج محل "ياس" أنا جربت من عندهم اكثر عن دخون وكلهن روعة :
دخون جميرا
دخون مثيرة
ماذكر اسم الاخير
وعندج دخون "ام عوض القبيسي " ماعرف اذا عندها محل في دبي (بس بصراحة طررر)
وعندج عطورات الجزيرة (هذا قطري) فنانين في الدخون والمخلطات (بس مادل مكانهم في دبي) في بوظبي موجودين عندنا في المارينا مول
بس هذيلا الى اذكرهم
وبالنسبة شو تسوين:
– سيري دبي مول … روووعة .. في الاكواريم (حوض السمك) وفي كدزانيا (لو عندج اطفال) و فيه وااايد مطاعم حلوه
– الممشي (The Walk) وايد حلو.
– حديقة الخور.
– النوافير الراقصة (لاتفوتيها شي خيالي) – موجودة في دبي مول
– شاطيء جميرا (بتشوفين منظر فظيع على الشاطيء بس مابا اخربه عليج خليه مفاجئة لأنه وااايد حلو)
– زوري فندق اتلانتس – ديزاينه روعة وغريب
– اذا القرية العالمية فاتحه سيريها (لأني ماعرف متى بيردون يفتحونها)
– سيري عالم الثلج الى في مول الامارات
أتمنى اكون افدتج وان شاء الله بنات دبي يفيدونا بخبرتهم
وحياج في الامارات