بس عمتيه تمدحه وايد
الوسم: الجلدية
مستشفى سليمان حبيب – قسم الجلدية 2024.
الي جربت تتعالج عند دكتور فادي حداد في مستشفى سليمان حبيب
تخبرنا عن تجربتها
ومنو هو افضل دكتور جلدية تعالجتي عنده يعتمد على الفحوصات الطبية
شكرا
موفقه
دكتور للامراض الجلدية في الامارات 2024.
دكتورة اسمها منى
يمدحونها وايد
العيادة الجلدية في مستشفى خليفه بعجمان!!!!! 2024.
بغيت أسالكم عن العيادة الجلدية فمستشفى خليفة فعيمان
منو احسن دكتور هناك ؟؟؟؟؟
ابا اتعالج عن حب الشباب عندهم
بليز الي جربت وتعالجت عندهم او تعرف حد يتعالج هناك تفيدني
والسموحة
اذا بعدها موجوده هذي احسن دكتوره جلديه شفتها عالجت حريم كان حب الشباب عندهم حالته صعبه
ان شاء الله تكون موجوده
مشكورة ختيه مثلي قليل
اتمنى الي مجرب يفيدني
من خبراتكم شو افضل عيادات و اخصائيين الجلدية 2024.
كيفكم بنات.. ان شاء الله طيبين
بنات انا اعاني من اثار حب الشباب بنية من زمااااان .. تعبت وانا احاول اعالجها
والله عقدتني
احتاج اسماء عيادات في دبي ممتازة للجلدية او اي وحدة فيكم تعالجت عند اخصائي ممتاز
مشكورين مقدما
تكلفة علاج الجلدية في تايلاند 2024.
ياريت اللي سارت وعالجت جلدية في تايلاند او اللي عندها فكرة عن الموضوع تساعدني ..
شو أحسن مستشفى لعلاج الجلدية هناك؟ ..والتكاليف في حدود كم تقريبا .. بالنسبة لعلاج البشرة ..آثار حب الشباب .. تساقط الشعر .. الأكزيما أو الصدفية..إزالة الشعر بالليزر ..أو أي علاج ثاني للجلدية جربتيه.. واللي جربت شو نتيجة العلاج معاها..؟
بانتظار ردودكم بنات ..
أختكم ..
لشيئين
اول مرة سرت عالجت ولدي عن الاكزيما
بس علاجهم نفس علاجنا هنيه
كورتيزون ومرطبات
وعلاجنا بعد احسن
والسنه الثانية الي سرت
عالجت ولدي بعد عن اثار الحروق
كان محترق بس من شهرين
بس ما تابعت لعلاجهم
لانه اول ما نحرق تابعت عن دكتور تجميلي لاثار الحروق في ولكير
وهو كان الي يبدلة كل يوم ويداوية
وهو قالي يباله 6او 7 شهور
بس انا يوم سرت هناك قلت بطالع شو بيقولون
عطوني كريمات
ترى في الجلدية أكثر شي يعتمد على خبرة الطبيب نفسه .. وشو نوع الدوا الانسب لكل حالة ..
اذا ممكن .. كم كانت تكلفة علاج ولدج الله يخليه .. وفي اي مستشفى عالجتيه؟
انتظر باقي الردود
وما اذكر كم كانت بس وايد كانت رخيصة
ما تتعدا الميتين درهم
يمكن ب 150 مع الدوا
وايدد لعاجهم رخيص
انا بصراحه شفت علاج الجلديه على ولد اخويه …. كان عنده اكزيما .. بصراحه هني فالبلاد ابوه ما خلا مكان.. هناك عرفوووو بسرعه .. وقالوو له حل بسيط .. مرطب … + فراش مخصص حق المرضى اللي عندهم حساسيه في الجلد ..
انا اشجعج تروحين.. وطبعا الملبغ بيكون حسب الخدمه اللي بتسيونهاأأأأ
في مستشفيات وايد بس هذا الموقع حق مستشفى بمنقراد.. الامريكي .. شوفي شو تبين تسوين .. وبتشوفين الاسعار وتقدرين تطرشين لهم ايميل بيردون عليج بكم يكلف
تجربتي مع دكتور الجلدية والتقشير ،،،، 2024.
مرحبا خوااتي ،،،
حبيت اشاركم ،،، تجربتي مع التقشير ،،، ووتابعوا معاي النتايج ،،، اللي عساها تكون مبهرة ،،،
الصراحة انا الحمد الله ويهي ما فيه حب شباب ذاك الزود ، بس اثار مبقع ،، ولون بشرتي باهت ياي على اصفر رغم الحمد الله ، ما فيني فقر دم او شي ،،، وصحتي اوكي ،،،
دورت في النت عن دكتور جلدية يكون اوكي ومضمون ،،، لين ماليت الدكتورة اليسار خوري في بوظبي رحت لها ،،، وقلت اجرب ،،، على قد ما يمدحونها الخلق ،، حليلها زينة عطتني علاج لبشرتي لانه كان محبب شوي من الخيط ، ويبت لها فحوص دم ، وقال ما فيج شي الحمد الله ،، خذيت العلاج وتغير ويهي شوي ،،، لكن من خلصت العلاج ،،، للاسف رد كل شي مثل قبل
والحين في الصيف كل من شافني قالي شوي اسمريت رغم اني يالسه في البيت ما اطلع حتى سفر ما سافرت ،، قلت خلني اشوف مركز هيلث اند بيوتي اللي في العين ،،، وحجزت موعد عند دكتور الجلديه
وكان موعدي امس 88 2024 الظهر تقريبا توكلت على الله ورحت ، قلت له اني اعاني من الهالات وبشرتي الباهته ، قالي الحل التقشير كنت في البدايه خايفة ، لكنه طمني وقالي عادي تقشير بسيط باحماض الفواكه ، واول مرة يكون التقشير شوي قوي ، بس بعدين اخف ،، وتروح الهالات وفتح البشرة وعلى كلامه توكلت على الله ،،،
وبدات عملية التقشير ،، كان الدكتور يحط الدوة على ويهي وكان يحرق ،، خله شوي وشله ،،، وحط دوا ثاني الله لا يوريكم حار ناااار شوي واصيح ويقولي دقايق وشله والممرضه من ورى راسي تهف الهوا عسب تخفف علي الحريقه وآخر شي حطت كريم وقالي لا تنصدمين من شكلج ،،، لانه يبدى يسود مكان الهالاات والبقع وبعدين يتقشر بعد اربع ايام وعطاني موعد بعد اربع ايام يوم الخميس ،، وكتبلي فيتامينات تفتح البشرة وتصفيها ، وقالي حطي مرطب كل شوي ،،،
والفيتامينات هي
والثالث
فيتامين سي
طبعا جلسه التقشير ب 600 درهم فتح الملف والاستشارة مجانا ،،، الأدويه كلفتي 300درهم وفي معاهم كريم قالي استخدميه بعد اربع ايام
سعره 135درهم ،، ما اعرف حق شو بالضبط بسال الدكتور في موعدي الياي ،،، ان شا الله
اما عن حال ويهي الحين الحمد الله ما يحرق لاني احط من المرطب كل شوي ، لكن في اماكن على خدي وجنب عيني كانه محروق بالكوايه ،، بس ان شا الله يروح مع التقشير ،،
وتراه قالي يبالي تقريبا من ثلاث لأربع جلسات مرة كل شهر ،،، والجلسات اليايه بتكلف 400 درهم لكل جلسه ،،،،
واطلع بنيو لوك ،،،،
اشوفكم على خير وتابعوا معاااي
وان شاء الله النتيجة تكون مثل ما تبين
وتطلعين بنيولوك حق عيد الفطر ان شاء الله ..
وتطلعين بأحلــــــى لوك ^.^
زيبانشو
سلامة عيونكم
شكرا حبيباتي على المرور
ولتعليقات الحلوة
شامبو فتحي عمارة للامراض الجلدية 2024.
دخليكن اللي تعرف .. شي عن عيادة دكتور فتحي عمارة لأمراض الجلدية لا تردني!!
كنت أتعالج عند دكتور فتحي عمارة اللي في دبي
وهذيج الفترة عطاني شامبو سحري
المشكلة اني ضيعت اسم الشامبو
وألحينه أبا أرد أستخدم هالشامبو
الشامبو صغير بحجم 30 مم وسعره 50 درهم
شامبو في علبة دوا .. لون العلبة أبيض وعليه خطين حمر
ولون الشامبو من داخل أحمر
نحطة نقط عالشعر ويستوي رغوة وايدة
شامبو طبي .. ولا أروم أسير دبي ..!!
هذا الشامبو استخدمته 4 سنوات .. وكان شعري ولا أحلى
دخيلكن .. والله نسيت اسم الشامبو .. كيف أسير الصيدلية واطلبه
ولا كيف نسيت الاسم!!
بلييييييييييييييييييز ساعدوني
انا بحاول اني اسال عنه وان حصلته او عرفتيه خبريني عنه وانا بطرشه صوبج
بطلعه يعني بطلعه!!
أختي كانت تستخدم هالشامبو ما أدري نفس مواصفات الشامبو ألي قلتيه وأسمه نيزورال ..
ما أدري هو ألي تقصدينه ولا لأ ؟؟؟
بس تقريبا نفس المواصفات ألي قلتيه .. ولون الشامبو أحمر ويسوي رغوه ..
هو ولا لأ ؟؟؟؟؟
بشره خالية من عيوب مركز الجلدية 2024.
القيوم وأتوب إليه
ابرة الميزوثيرابي لتغيير قياسات الجسم عند عيادة الجلدية للدكتورة عائشة القطامي 2024.
ابا أسألكم عن ابرة الميزوثيرابي الموجوده عند الدكتورة عائشة القطامي
أنا سمعت انها موجوده عندها
و اتوقع ان هي تسوي كذا جلسة لهالإبر بسعر 4000 درهم لو ما خاب ظني
بس طبعا هالابر يبالها التزام بدايت معين
يعني ما راح تساعدج تنقصين من قياساتج إلا في حالة سويتي دايت و رياضة
بتقولون عيل راح تتغير قياساتج بسبة الدايت و الرياضة
بقول لكم لاااااااااااا
قريت تجربة وحدة سعودية بمنتدى سعودي
تجربتها كانت وايد ناجحة مع الابر و نقص تقريبا فوق 20 انتش من قياسات جسمها
خلال 4 شهور
يعني شي خيااااااااالي
انا مرت علي فترى 6 شهور رياضة ما نقصت و لا انتش >< لا تذكرووووووني
بشكل عام و من خلال بحثي عبر الانترنت ترى الابر وايد يمدحونها و وايد زينة بتغيير القياسات
بس انا حابة استخدمها مع الدكتورة عائشة القطامي .. فحابة اتطلع على تجربة حية معاصرة خخخخخخ حبيتها معاصرة و مخضرمة مرة وحدة لووووووووول
المهم اللي عندها اي معلومة تفيدنا خواتي
سواء عند عائشة القطامي او غيرها من عيادات الجلدية ..
و السموحة ^^
انااشوف اذا ما فادتج الرياضه والتمارين اتسوين شفط ارحم من الابر
رجعت مرة ثانية سويت بحوثااااااااتي ع الانترنت
الابر وايد مفيدة و اذا حرقت دهون بمكان معين ما ترد الدهون تتكون مرة ثانية
و تنقص من قياساتج بالسم
و تقنية الابر هذي بديلة لشفط الدهون
الله ونااااااااااااسة
يبااااااااااااالنا
صح انها تخوف بس سمنتي انا تخوف اكثر خخخخخ
أختي برق لمع ترى شفط الدهون يقولون اخطررررر ><
تسلمين حبيبتي ع الرد و إن شاء الله الله ايسر امورنا و نضعف ^^
و شوفوا هالكلام نقلته لكم من موقع ثاني للامانة :
السؤال الأول _ ما هو حقن مواد لأذابة الدهون ؟
هي طريقة بديلة لعمليات شفط الدهون وهذه المواد عبارة عن مزيج من الفيتامينات والأنزيمات ومادة الفوسفاتيدايل كولين . وهي مادة طبيعية مستخلصة من الصويا ويتم حقنها في التجمعات الدهنية فتذيبها .
السؤال الثاني _ هل لهذه المادة تأثير سلبي؟
بالطبع لا فأن مادة الفوسفاتيدايل كولين كانت تستخدم منذ زمن بعيد في علاج مرضى القلب وكانت تستخدم عن طريق الحقن بالوريد وكانت تتطلب حقن كميات كبيرة يوميا دون أثر سلبي يذكر .
ولكن في كالة أذابة الدهون يتطلب حقن كميات أقل مره كل عشرة أيام .
السؤال الثالث _ كيف يتم الحقن ؟
يتم الحقن بواسطة طبيب مختص ذو خبرة لضمان ظهور النتائج المرغوبة . فيتم الحقن بواسطة أبرة رفيعة جدا على عمق معين تحت الجلد تكون على مسافات وكميات معينة . لذلك فان هذه الطريقة غير مؤلمة وتمثل أبسط الطرق للتخلص من الدهون الزائدة .
السؤال الرابع _ هل يمكن حقنها في أي منطقة ؟
ان حقن مواد لأذابة الدهون أظهر نتائج ممتازة في حالات التجمعات الدهنية الصغيرة الى المتوسطة الحجم بالجسم . مثلا في (الخدود – اللغد – الرقبة – المعدة – الخصر – ثنايا الظهر – الأرداف – الفخذين – الذراعين ) باختصار جميع التجمعات الدهنية في جميع أجزاء الجسم للجنسين .
السؤال الخامس _ كم من الوقت يستغرق العلاج ؟
تتراوح فترة العلاج من أربعة الى عشرة جلسات منتظمة وذلك يعتمد على حجم المساحة التي يلزم علاجها . ويتم الحقن مره كل عشرة أيام بانتظام علما بان جلسة الحقن لا تتعدى بضع دقائق .
السؤال السادس _ هل يؤدي الى حدوث ترهلات بالجلد ؟
من أهم مميزات الحقن أن النتيجة تظهر تدريجيا وذلك يؤدي الى أنكماش تدريجي في الجلد خلال فترة العلاج وبالتالي لا تحدث ترهلات في الجلد . أما عن عودة الدهون مرة أخرى فأن قدرة الجسم على تخزين الدهون في المنطقة التي تم علاجها تقل ولا يمكن أن تعود الى ماكانت عليه قبل الحقن
بصراحة انا وحدة اخاف من الإبر … والعمليات والشفط والربط وغيره …
حتى لو وايد ناس مسويين ..
بس اكيد هالشي راح يأثر بعد سنوات لا قدر الله ..
حلو الوحدة تحاول تنزل من وزنها طبيعي مثلا بالتخفيف والرياضة حتى لو تطول المدة لين ما تنزل من وزنها بس احسن من الربط والشفط والابر اللي في خلال شهور تنزل كم كيلو ؟؟؟ وآخر شي تضر صحتها ؟
والله اعلم
للرفع
اعتقد في بوظبي يسوونها في مركز الأمير .. مب متاكدة ابدا بس اظن مرة قريت في الانترنت
اتأكدي اكثر من بنات بوظبي اختي
و السموحة