——————————————————————————–
السلام عليكم بنات كيفكم
اليوم حبيت ادون تجربتي بخصوص شعور الانسه الي ماتزوجت بعد
انا الحين ماشاء الله متزوجه وعندي صبي مع انه عندي بعض الخلافات بس الحمدلله
عمري حاليا وبدون كذب 29 ونص
قصتي بدت اول مدخلت العشرين وانا اطالع كثير من البنات الي بسني او اصغر بدوا يتزوجون وانا لا والله بديت احس اني مني مرغوبه وانه فيه عيب يمنع زواجي
المشكله وبدون غرور كانوا يقولون عني حلوه بس مش جميله يعني مش قاصره وتوقعوا اني بنخطب وانا بالجامعه بس مع الاسف لم يتقدم الي احد يقنعني او بالاحرى انا تبطرت كثير ومشت السنين والا اشوف نفسي تخرجت بدون عريس والله حسيت حياتي صحراء قاحله اهلي ناس محافظين ويمنعوني من الوظيفه او الخروج بدون سبب وجيه المهم شعرت ان حياتي انتهت وانا اطالع البنات من عشيرتي تزوجوا اغلبهم وانا العانس الي ينظرولها بعين شفقه بانها بارت هذا الكلام وانا سني 25 بعدها الخطاب قلوا جدا والله فقدت الامل وجندت نفسي على اني عانس لا وعملت خطه كيف ساعيش عانس مع زوجة اخي الذي لم يتزوج بعد
والله في كل زواج اوحفله يكعدون النسوان ويصيرون حكيمات براسي ليش ماتزوجتي وليش مقبلتي بفلان ومافي زوج على التفصيل وكلام كثير يجرح لدرجه انه مره في حفل خطوبة جلست مع بنات عماتي والي كلهم متزوجات او مخطوبات وهم طبعا اصغر مني وانا كان عمري 27 سنه وكعدوا يكولون شوفي فلانه تبي تغيرج لانج مو متزوجه بعد قررت بهاي اللحظه اكون قويه وقلتلهم والله من كل قلبي مثل ما ربي رزقكم ورزقها بزواج وفرحه اكيد ربي بيفرحني بيوم ليش انا مش من عبيده وانا مؤمنه الفرج قريب واستمريت على هذا الاسلوب والله وبعد اشهر قليله طرق بابنا شخص مهو بوسيم جدا بس حسيت فيه واتمنيته وصارت القسمه وهو اكبر مني باربع شهور وتزوجنه وانا سني 28 وشهر والحمدلله كنت باينه وكاني 20 سنه بعرسي حتى كثير من اقاربنا حسدوني على زوجي
مابي اطول بس غايتي انه اي بنت تحس بانها عانس خلي تترك هذا الشعور وتترك الكلام الي يجرحها وتكون قويه وصلبه وبدل متاذي نفسها وتشغلها بالسن والعنوسه فكري كيف تزيدين جمالج وتحافظين على صحتك ورشاقتك مهما كان سنك وتحاولين تختطلتين وتطلعين ضمن الشرع طبعا ولاتتحسسين من كلام الناس ثقي الناس مليئين بالعيوب ويبون يشغلون نفسهم بما ينقص الناس هذا اذا كان فعلا تاخر الزواج يعتبر عيب لكنه ليس بعيب بالعكس احينا كلما اتاخرت البنت بالزواج زاد حظها اكثر واخذت زوج احسن الزواج اتي اتي ولما تروحين عرس افرحي وقولي مثل مانا كنت اقول مثلما ربي فرح هذه البنت بتجي ساعه ويفرحني
منقووووووول
و في هالزمن ما شاء الله اللي بالاربعين جنها اول الثلاثين و يجونها خطاب بالعشرينات و كله بفضل الراحة و التطور
و الله يعطي كل وحدة الزوج الصالح و صلوا قيام الليل و ادعوا الله يكتب لكم الزواج
يزاج الله خيرا
والحياه حلوه سواء كانت عزوبيه او زوجيه
لانه الله يعلم ما هو الخير للابن ادم وابنه ادم
فصبررررر جميل يا ابناء ادم وحواااااااااء
كلن منا ياخذ نصيبه
ويرزق كل بنت الزوج الصالح
ابي اعرف كم المدة وانا عندي عيال يعني 3 سنوات و بنت 6 شهور فهل بتعب وياهم ؟؟؟
المشاركة الأصلية كتبت بواسطة Unpredictable 
