السلام عليكم ورحمة الله وبركاته
خواتي عزيزاتي البنات والامهات ، اليوم حبيت انزل هالموضوع للتشجييييييييييييييييييييييييييع
انا الآن حرمة ام عيال واتزوجت قبل ما اكمل الثانوية العامة ، واللي مثلي كثيرات طبعا ، عاد شو رايكن كل وحدة اتشجع الثانية على التعليم وتكملة ما فاتنا ..
انا بصراحة افكر اني اكمل دراستي في جمعية نهضة المرأة الظبيانية ، صباحي ، واتمنى من الاخوات يشاركوني تجاربهن في التعليم المتأخر ، او المسائي او غيره ، يعني المهم انكمل دراستنا ، وانا بصراحة احب اتعلم بشكل مو طبيعي ، احب العلم احب الثقافة ، اتمنى انكن اتشجعني ولو بالبسيط ولو بدعاء ..
واللي جربت ودرست في النهضة ، اتمنى انها اتفيدني بتجربتها و بالامور المطلوب مني اني اسويها وبكل التفاصيل ..
يزاكن الله خير
أهلين أختي ما شاء الله حلوو الطموح إلي عندج وأشجعج تواصلين ولا توقفين مهما صار
أنا بعدني عشرينية لكن بتكلم عن عمتي وهي حرمة عوده وعندها ما شاء الله عيال واايد يعني 10 وفيها السكر وتتعالج برا بس كل هذا ما وقفها عن اكمال تعليمها بالعكس هي كانت دارسه تربية اسرية تخيلي ! بعدها دشت التقنية وتعلمت على التكنولوجيا واستوت معلمة حاسوب وسمعت إنها كانت طالعه الأولى على الدفعه وهي تدرس بين بنات صغار …
وغيرها في حرمة موب مواطنه بس هي تعلم السواقه في وحده من المدارس وأنا يوم كنت أنتظر مدربتي عندها أشوفها قاعده تحل واجبات مال صف أول وهي عمرها كان بالثلاثين ويوم سألتها ليش ما تعلمتي من قبل تقول أبوها كان يقول التعليم موب للحرمة والحرمة لها بيتها وبس .. لكن بعد ما تزوجت ويابت عيال تغيرت نظرت أبوها لتعليم وهي قررت تكمل وهي ما شاء الله واااااااااااايد متحمسة لدراسة أكثر من البنات الصغار ..
هذي من القصص إلي شفتها وتأثرت بها واايد
انا اتزوجت ويبت طفلين و الحمدالله ها ما منعني اني اكمل دراستي ريلي شجعني و اهله و اهلي بعد و الحمدالله خلصت الثانويه و قبلوني في الكليه بتخصص بكلريوس انجليزي
و انشالله انتي بعد اتحققين طموحج
ماشئ احسن عن الشهاده ع الاقل الوحده تضمن مستفبلها
بالتوووفيق للجميييييييييييع
احس انهم يقصوون عليننا..
المشاركة الأصلية كتبت بواسطة حرم زوجي 
