الوسم: الكبيره

يزاج الله خير

اشاحلم اخواتي عساكن الا بخير الغاليات

اباكم في مساعه بنتي اقصد بناتي التنتين

انا الاولى بنتي عمرها 3 ونص بس تخاااف واااايد من اي ياهل يجيينا البيت

او ادا رحنا الالعاب ماتطلع لين يفضى اللعبه عقب تطلع ليش ؟؟ مادري

وانا سجلتها بالروضه في االكيجي 1 ومااعتقد بتجلس ياريت اتساعدوني اغير من طبيعتها

هداي الي الحين اختها صارت مثلها وعمرها سنتين ومووووووووول ماتروح عند اي احد ولاتلعب مع اي احد ومع ان انهن ف البيت عندهم عيال عمهم ومنهم 3 وكلهم نفس السن لاكن اهم مره غير مايخافون من احد ابد بس ليش ه البنات مادري

وياي ويا ابوهم عادي لاكن الغير لا والله ماعرفه ايش اسوي لهم والله كل شي عندهم
واوديهم اللعاب عسب يتعودون مافي فايده

ساعدوني بنات انا اخاف ها المرض مرض الوحده فيهم

وكيف اساعدهم ياااريت كل وحده تقولي ولو الشي البسيط

و لاحظي اذا انتي يوم تناديهم يردون او لا يعني يتجاوبون معاج و مع اللي فالبيت؟؟؟؟

وشو عن العابهم؟؟ يلعبون عادي او يكرهون اللعب او متعلقين بعلبه وحده؟؟؟

وعطيهم دفتر رسم والوان … ولاحظي شو يرسمون شخااابيط مبهمه او يحاولون يرسمون شي!!!!

ورسوماااتهم دوااائر او خطوط؟؟

جاوبي على اسئلتي.. لان عندي خلفيه جيده عن الاعراض اللي ذكرتها..

ياريت اتردين علي وطنيني وجزاج الله كل خير

والله زعلتوني

انا بالامارات و مفصله بدلة سهره عند مصمم فلبيني عندكم بدبي

بس بسوي بروفه للفستان و توهقت بالجوتي وين احصل جواتي السهرات اللي يكون عريض من جدام و من ورا كعب عالي جدا

برفق صوره عشان تعرفون شنو الطلب بالضبط وين احصله بدبي؟

قبل لا تبدين غسلي بشرتك بصابون مناسب ولا تحطين على بشرتك أي شي

اول شي :

اعملي سنفره خفيفه لبشرتك واقصد فيها بدون فرك قوي

ثاني شي :

تنظيف البشرة بالملك (الحليب المنظف) لمدة 3- 5 دقايق
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون

ثالث شي:

استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره

رابع شي :

استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .

خامس شي :

استخدمي خلطة تفيد بشرتك مثل خلطة البطاط اللي تكلمت عنها او أي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .

سادس شي :

اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .

سابع شي :

استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب

ودمتم

يعطيج العافية

دمتي بود

اسمه كريم فيوسيدين واايد اوكيه بس ماجربت

I Will Try

أستغفر الله . . أستغفر الله . . أستغفر الله

اميييييين يارب

نووورتوا الموضوع

ومبارك عليكم رمضان

الصراحه والامانه الامانه الموضوع مايخصني يخصني بنيه اعرفها وجريبه مني

البارح كانت ترمسني ب التفلون وكسرت خاطري من الصياح وانا كنت اصلي القبام وماعرفت ارد عليها عدل

قلت لها برد عليج عقب وللحين مارديت عليها .. واهي تعرف اني اشارك ف المنتدى واكتب ..

المهم

هذي اربيعتي عندها خوات ماشاء الله كلهن معرسات ماعدا البكر البنت وهي الصغيره تقريبا عمرها 22

البكر فهمت من اربيعتي انها ماعرست للحين لانها تبا تتزوج واحد مب اماراتي ( عماني ) واهلها رافضين الفكره ابدا ابدا وطبعا البنت عنست الحين ماشاء الله عمرها يمكن 30

والله امانه لو تشوفونها بتقولون هذي حيه والا ميته انا يوم رحت بيتهم قلت لربيعتي والله حنا ف الامارات هههههههه اختها هيكل عظمي من الهم والغم وماتضحك

وامانه انا بروحي اعرف ناس من فريجنا تجدمو لهالبنت بس اهي رافضه الفكره ماتبي غير الريال العماني

الله يهديها انا قلت لربيعتي اقروو عليها يمكن الريال مسوي شي ؟ والله مادري والصراحه مابدخل بتفاصيل اكثر لان البنت يوم نرمسها بالزواج من حد ثاني تصير مينونه وتعصب وتتخبل وتزاعج

وامها قالت لها ندفنج ولا تاخذين مب مواطن بس حالها يكسر الخاطر والله العظيم وانا ابي حل لهالبنت

لا وظيفه وجسمها يكسر الخاطر وكل يوم تشكي الحال انا لا سياره لا ثياب لا مصرف لا زوج وانتو بنات وتعرفون

العله الثانيه الحين ف اربيعتي اللي اهي اختها >> طلعنا ف الاخت يينا ع الاخت الثانيه ع قولت امها

ختها الصغيره اللي اهي اربيعتي عمرها 22 تبا تتزوج واحد امه هنديه ومواطن وصدقوني مايعيبه شي واربيعتها تبي تزوجها لاخوها وانا قلت لها اوكي شوفيها امها رافضه تقول الريال امه مطلقه ومب مواطنه وانتي بعدج تدرسين

الصراحه انا هني شفت ان العله هب عله الريااييل عله امهم لان وايد بنات ينخطبن من ريااييل امهاتهم مصريات او ابوهم متوفي او مطلق ف اربيعتي البارح متصله وتقول اكره امي تخيلو

الله كريم ماعرفت شرد عليها حاولت ارمس امها بس امها مال اول تعرفون عاد كيف

شو الحل ؟ افيدوني جزاكم الله خير

مآدري شو آقول لج ><

آلله يرزقهن بآلزوج آلصآآلح يآآرب ..وخلهآ تكثر بآلدعآء ف شهر آلفضيل ^^

وآلله يهدي آمهآآ يآآرب ..~

وين ابوهن وليش مااله دور بالموضوع ؟

وأصل الانساان ماا يشكل عيب او مشكله لكن امهن تفكر ليداام 00يعني حااسبه

حسااب المستقبل وعياالهن ومصيرهم 0

لكن في ديناا الاسلاامي لاازم البنت تشااور ع المعرس الي نتقدم لهاااا

والدنياا مااا تنخذ بالعصبيه بالعكس لازم يكون هناك حواار بين الاهل وبنااتهم بهالمواضيع0

من رايي ان البنات يتفاهمن مع الوالد والوالدة وكل وااحد فيهم يوضح وجهه نظره

وبالاقنااع يكون الرفض أو الموافقه 0

الله ايسر امورهن ويرزقهن الزوج الصاالح ياارب

بالنسبه للبنت العوده خل يشوفها مطوع ويقرا عليها وخل ياخذونها بالسياسه عشان تتخلص من إلي هي فيه

بالنسبه لـ ربيعتج 22 سنه بعدها مب مخلصه دراسه الواحد الحين لازم يضمن مستقبله بشهاده ووظيفه الدنيا ما منها امان

والام من حقها تختار الافضل لبناتها واكيد هي تشوف شي البنات مب شايفينه وطبعا الام ما بتسوي شي الا في مصلحة بناتها

وصي ربيعتج وقولي لها عليج بالدعاء في الشهر الفضيل

والله يرزقهم الازواج الصالحين

وربي يحفظكم من كل شر..

الصراحه صدقج بنات اليوم ينخاف منهن…………..

الحين الوحده تخاف على زوجها يطلع بروحه

بياكلونه البنات

ها شو رايكم؟