الوسم: الليالي

عزيزاتي ..
بينما كنت اتصفح المنتدى، ادركت ان الحياه الزوجيه في حاجه الى مداعبات،حركات، تحضيرات لليالي رومانسيه مفعمه بالحب و اللهفه للحبيب العشيق

ولكن..
لم اجد ملف كامل متكامل تجمع خبرات،تجارب السيدات "سيدات الامارات"

فارجوا التفاعل مع الموضوع و وضع الافكار بدون تعليقات لإستيعاب اكبر قدر من التجارب
و ان كانت همسه،نظره،لمسه، اي حركه رسمت البسمه على شفاه خطيبج, زوجج

بينما كنت اتصفح و اقلب صفحات الاخوات, لاحظت وجود بعض المواضيع المتعلقه بهذا الموضوع و لكن الموضوع كان محفوف بتعليقات جميله من العضوات جعلت الموضوع كبير لجعله ذخيره للمراه

..شكراً على التعاون

التجــربه :

اتعطري و اتبلسي و اتكشي و ادلعييي و سشوري شعرج و اهم شي ريحة شعرج ^,^ حطي مخمريه حلووه مب ثجيله .. و ايلسي عداله و هو في غفله مثلا يطالع التلفزيون .. يقرا جريده .. و حطي شفافج عند اذنه و قولي له .. (( تعـــرف أنتـــه شو بالنسبــة لي .. ( عقب طلعي شويه اصوات دلع خخ ما يحتاي اشرح ) … قولي (( انتـــــــــه تــــــــــاج راسي )) ..
اذا تعرفين تسوين حمام مغربي .. سووي حق ريلج مفاجأه و سويله حمام مغربي ( بدلع ^.* ) ..

—————————————————————————————————
الاخت Miss Classic

التجــربه :

مغيرة غرفة النوم بالكامل
بالورد والمزهريات والفرش وفراش للسرير
حتى اغراض الحمام شريت لها طقم وغيرتها، ظهرت العطور اللي كنت خاشتها,,
وغيرت مكان السرير بالكامل
يعني قلبت الدنيا بالغرفة وسويت صور يديدة تجمعنا بروحنا بدون عيالنا خخخخخ
اللي مع عيالنا بغرفتهم يالله برى لوووووووووووووول
—————————————————————————————————
الاخت بنت أبوظبي

التجــربه :

مره حجزت له فندق ورتبت اموري وخشيت ملابس ف سيااره و اتصلت وحجزت ودفعت
قلت له خل نطلع نتعشى ف المطعم نفسه قلت لهم من قبل انه يجهزون كيكه ويابوها لي ع اخر شي وعقب سرنا فندق
—————————————————————————————————
الاخت rose__4

التجــربه :

أنا يوم الخميس كان ريلي طالع وهذي اول مره يطلع فيها من دوني من اول ماعرست (قولوا مشاء الله)
وكنت مابيه يتأخر وقلت له لا تتأخر المهم
قمت الساعه 12 ودزيت له مسج وكتبت فيه:
((تهانينا! لقد ربحت معنا جلسة مساج لمدة 45 دقيقه اليوم في تمام الساعه 2 وذلك تقديرا منا على جهودك المبذوله لإسعاد وإرضاء زوجتك مع تمانينا لقضاء أجمل الأوقات
العنوان : منزلك جنتك
للتأكيد أو تأجيل الحجز يرجى ارسال رساله نصيه على الرقم الظاهر أمامك))

وطبعا انا كنت مجهزه الغرفه ومجهزه نفسي
وشوي اتصل فيني يقولي ممكن ااكد الحجز قلت له انا تاكيد الحجز يكون برساله وليس اتصال
بعدين قال وليش اخترتي الساعه 2 بالضبط قلت له لو سمحت هذي هديه ولازم ترضى بالوقت اللي نحطه لك قال اوكي
وبعدين قبلها بنص ساعه دزيت له مسج قلت له
(( تذكير : موعدك بعد نصف ساعه ))
واتصل وقالي ممكن ااجل الموعد قلت له الحين لا لان طافت الساعه 2 ( لانه تاخر بسبب ظروف ) وخلاص راحت عليك الهديه

يوم رجع البيت كان مستانس من هالحركه بس ماسويت له المساج لانه تأخر عشان يتأدب مره ثانيه ومايتأخر خخخخخ
بس تم يحايلني اسويه له بس قلت له مره ثانيه
وقالي ان وايد المسج عيبه وقالي من قالج على هالطريقه قلت له بروحي خخخخخخخ
—————————————————————————————————
الاخت عذابي الصمت

التجــربه :

مممممممممم

البارح كان مشغول عنيه وسويت له مقلب

طرشت له مسج انه ابي اقوله شي بس خايفه

تعصب عليه ولا تزعل ونا لوماحبك ماقلت لك ومن هالكلام اللي يكسر الخاطر

طرش مسج انا كلي لج وبسمعج تبيني اطلع من عند الشباب واتصل ولا بطرشينه مسج

قلت لا بطرش مسج
وقلت له ترف شو كنت بقول

قال شوو

قلت تولهت عليك خخخخخخخخخخخخ^,^

ع الساعه 4 وشي طرشت له صورتي وكتبت له صباح الدلع للي ناسيني

طرش مسج انه مب نايم من البارح وكان خايفه واونه بيصيح وهو تعبان
وبيرد اللحين للبلاد ^,^

واطرش مسج انه رايح الدوام يطلب اجازة
وبعدها طرش مسج انه بيروح العياده

وبعد ماقعدت من النوم شفت المسجات وطرشت له خير شو فيك

قال تعبان وخايف اصدمج من اللي صار
واخاف ماحصل جواب من عندج وانقهر

قلت له عادي قول قال لا مابي ازيدج هم

ونا بمووت اقوول شو فيه هااا

وآخر شي قال مثل ماقلتيلي البارح انج تولهتي عليه

انا اقولج احبج مووت تعيشي وتاكلي غيرها ^,6

ردها فيني الحبيب
وصارت 1-1

ونا قلت الايام يايه هع
—————————————————————————————————
الاخت راعية واجب

التجــربه :

من يومين دقيت له سويت عمريه معصبه ..
قلت له شوف فلان تراني داقه وبقولك كلمتين وبسكر مابغي دوم اعيد وازيد فالسالفه ..>> خخخ
وترووع الريال قالي خير الغاليه اسمعج شو فيج !! >>كان مطول علمسجل وقصر من الزيغه خخخ

قلتله :احبك موووت .. يالله بااي

قالي: صبري صبري فديتج انا … >>ماآيخصكم عيب خخخ
——————————————————————————–
الاخت تاجرة عادية

التجــربه :

شوي حركات ثانية سويتهااا بفكرة مساج ..

دورت ع لحن حلووو ببداية وكان هذا لحن .:::

https://www.youtube.com/watch?v=c9sCL…eature=related

استخدمت كمبيوتر عشان للحن ….

استخدمت شمووع صغيرة حطيتهن فوق طاولات .. وبندت الليت وحطيته ع اللون الاحمر .. لانه ثريت غرفتي اطلع الوان عجيبة خخخخ ..

وعندي هذا مال الريول مساج .. مال الكهرباء اللي تحطون فية ماي .. و

وسويت عصير طازج فريش .. وعليه قشور برتغال .. ديزاين ..

وفراولة مقصوصة .. في صحن ..

وادوات مساج ..

وبس

وريلي قال يحس عمرة انه ملك ذاك اليوم >>>> طبعااا خخخخخخ .
——————————————————————————–
الاخت فلوري

التجــربه :

* يوم ينش الصبح احضنه
*يوم يطلع من الحمام السجادة اتكون مفروشة
*و هو يصلي ارتب الفراش بسرعة و احط ساعته و قلمه و محفظته و نظارته الشمسية
*قبل ما يطلع اعطره و اقوله اشوفك على خير

*يرد وقت الغدى و بعد الصلاة يتغدى معاي و يرقد شوي

يوم ينش اسويله نسكافيه و ايلس وياه اقرى قصة و لا اسوي مانيكر لعمري و لا امشط شعري احس
انه يعيبه يوم ما احن فوق راسه
و مرات انزل تحت عند عمي و عمتي و بس اطرشله خفايف مع البشكارة عشان يشتاقلي

المغرب اشوف مرت اخوه اتحرمله و جي بس انا ما اسوي هالشي استحي جدام عمتي اسويه
و مرات اتسويله مساج جدامهم. انا ما اقدر اسوي حركات جدام اي حد (اقصد ريلها)

في اشياء لاحظتها و هي انه
1. يحب يوم اقوله مشط شعري
2. يوم اطلب منه يساعدني في كتابة شي و يسوي عمره ابو العريف
3. يوم يرد من الحلاق و اقوله نعيما شو هاللوك الحلو (مع انه نفس كل مرة)
4. يوم الاحظ انه شي مخلص مثل الديودرنت ماله
5. يوم اعتني فيه مثلا مرة يت و حطيتله مال الخشم للروس السوداء
6. يوم ما اتصل فيه و هو مع ربعه و احن و اقوله لا تطلع
7. يوم اروح عرس و اطلب منه يرقع سحاب الفستان
8. يوم اقص القصة اكون صغيرة اكثر في نظره
9. يوم يكون في الدوام و اطرشله مسج جني اغازله
10. يوم اسويله سويته المفضل و هو يموووت على الورق عنب و الجيلي مع البسكويت فيوم اسويله احرص اني انا ااكله لو كنا روحنا

و يوم يشتريلي اي شي و لو صغير اسوي مسرحية و افرح من الخاطر
حتى يوم يشتريلي ايس كريم بو ريال من الدكان
و هاي الحركة اتعلمتها من ربيعتي اتقوللي انه الريال يستانس يوم يحس انه فرح حرمته

و طبعا اذا متزاعلين ما اسويله اي شي مول
——————————————————————————–

التجربه:

حجزتله مره في سبا رجال الشهر الي طاف و سويتله جيفت كارد و حطيتها في السيارة وااااااااااااااااااايد استانس و ماخلا حد ما خبره ههههههههه و انا قافطه

و دايما اسويله هوت باث و احط فيه ورود و شموع ………… و مسج المساج دوم بعد

حمام مغربي

سكراب و تنظيف بشره و بديكير و منيكير …….. اسويله صالون في البيت هههههههههههههه

و بين فتره و فتره اطلب عشا و اسوي حركات في الحجرة

سويت عشاء رومانسي في سبيكترم ان ون صراااااااااااااحه روعه المكان و يستاهل

……… في الحجرة وايد استانس و تفاجأ دمعت عينه عقولته اول مره يحس ……. حلو هههههههههههه

ليلة افلام ……. عادي حركة بسيطه بس حلوة اطرشله مسج و ازهب المكان شيبس و مكسرات و غيره و نتم نطالع الفيلم و ولدي الكتكتوت معانا ههههههههه

ما انسا المناسبات الخاصه و العزيزة على قلوبنا و دوم الهدايا تكون سبرايس

و دايما اهتم بنفسي احب اطلع مرتبه و كاشخه جدامه شي سمبل مب لازم اوفر و اي شي يدي اخذه اقصد اللبس و حتى لبس النوم نفس الشي حتى هو يستغرب هههههههههههههههههههه اونه ماشاء الله عليج دوم شي يديد كيف تعرفين ؟؟ خخخخخخخخخخ يضحني يوم يقول جيه ربيعتي قالتلي كوني سلة فواكه حق رلج عشان ما يكالع الفاكهة اللي برا يزاها لله خير صدقها شبعيه في البيت و لبسي شرات الي برا ما بيطالع بيكون شبعان خلاص عنده وحده في البيت مسوتله كل شي

و بس و مثل ما اقدره الحمدلله يقدرني بالي يقدر عليه و يعرفه صح مرات ابا اكثر بس عقب اعذره ……………… بس طبعا الرياييل ما يعرفون يسوون شراتنا و مب من طبيعتهم هالشي ههههه

ادعولنا ربي يوفقنا و لا يفرقنا و يبعد عن الزعل و العتاب و يحمينا من العين و الحسد نحن و عيالنا و يرزقنا الذريه الصالحه
—————————————————————————————–

امس كنت طالعة مع هلي ورجعت البيت تعبانة سبحت وهو كان برع فحطيت الكريم بروحي.. يوم رجع ورقد عندي حضني لمس بطني حس بالمرطب.. قال هاااا خيانة عيل من وراي هههههههه

ساعات يكون في الميلس برع مع ربعه اتصل فيه اقوله تعال الغرفة شوي اباك ضروري .. يوم يدخل يشوفني قاعدة على طرف السرير وفي إيدي المرطب يضحك .. يعرف شغله

ومعودتنه على ريحة معينه لجسمي من العطور والكريمات الي استخدمها يوميا يشمها فيني واحسه يستانس ساعات يقولي كلام حلو وساعات اذا منهد حيلنا ورقود ما يقول شي

وامس قبل لا اروح بيت هلي خلصت الدوام من وقت فرجعت بيتي .. استغرب قال شو يايبنج؟ قلت ماشي لأني مابشوفك لين فليل فقلت استغل الوقت بتوله عليه.. صدق حسيته استانس..
وكنت يايبه له مجموعة روزات كل وحدة لون مختلف وحطيت له رساله.. اهداء لك هالورود ولكل لون له معنى خاص بقلبي لك..
واستانس وايد اتصل فيني تم يشكرني وحتى يوم رجع فليل يرقد تم يسولف لي عن الورود ويسألني كل لون شو اقصد فيه له.. يعني ما نسى موضوعهم من الظهر لين 3 الفجر تقريبا

وتكتبيله دعاء
يوم بينش الصبح وبيسير الدوام يحصلها

وكل وحده تبدع في هالورقه

والله يوفق كل المتزوجات
ويرزق العزابيه بالأزواج الصالحين